မဝ်သကိုဝ်၊ မေ ၁၀
သွက်ဂွံစဵုဒၞါ ပရေၚ်အမေရိကာန် မအုပ်ဓလီုလဝ်ကီု၊ သွက်ဂွံသၠုၚ်ပ္တိုန် ပရေၚ်ပံၚ်တောဲရေၚ်တၠုၚ်အကြာၜါဍုၚ် မွဲကဆံၚ်ပၠန်ကီုဂှ် သမ္မတကြုက် ယှဳကျေန်ဖျေန်ကဵု သမ္မတရုယှာ ဗလာဒဳမာပူတေန်တံ ပလဝ်ကတိကဝတ် ပ္ဍဲဂိတုမေ ၈ တေံတုဲ နကဵုဍုၚ်ညးတအ်ၜါဍုၚ် ထေက်ကဵုဒးဒှ်ညံၚ်ရဴမိဿဟာဲပသဲက္ဍာၚ်တံဂှ် ဟီုကၠုၚ်လဝ်ရ။
အပ္ဍဲကဵုပရေၚ်သဳကၠဳနန်ကရေမ္မလေန်ဂှ် ဟီုစၞောန်ကၠုၚ်လဝ်ညးတအ် နဒဒှ်ညးစဵုဒၞါ အကာဲအရာဂၠးတိတၟိ ဟၟဲကဵုပရေၚ်အုပ်ဓလီုအမေရိကာန်ရ။
က္ဍိုပ်သ္ကိုပ်ဍုၚ်ၜါတၠ တုပ်လဝ်စိုတ် သွက်ဂွံသၠုၚ်ပ္တိုန်အာ ပရေၚ်ဆက်ဆောံပရေၚ်ပၞာန် မပါလုပ် ပရေၚ်ပံၚ်တောဲရေၚ်တၠုၚ် ပ္ဍဲကဏ္ဍသီုဖအိုတ်ရ။
ပေါဲပၞာန်ယူကရုၚ်ဝွံ ထ္မံက်ပ္တိတ်ပသောၚ်ကလးကၠေံ သ္ဇိုၚ်ပြဒ္ဒညာတံဂှ်မှဟေၚ် ပြေပြံၚ်ဏောၚ်ဂှ် က္ဍိုပ်သ္ကိုပ်ကြုက်ကေုာံရုယှာတံ ဟီုရ။
ဒၟါနူဟိုတ်ပရူပရာ ယူကရုၚ် ဒှ်ကၠုၚ်ကောန်ဂကောံနေတိုဝ်မာန်ဂှ်တုဲ မ္ဒးလုပ်စိုပ်ဗ္တိုက်လဝ်ယူကရုၚ်ရောၚ် မဝ်သကိုဝ် ဟီုကၠုၚ်လဝ် မွဲဏှမွဲဏှရ။
သွက်အသေအဟာန် ပၞာန်ဂၠးကဝ်ဒုတိယတုဲဒှ် ပေၚ်အာ ၈၀ သၞာံ ပ္ဍဲဂိတုမေ ၈ ဂှ်တုဲ ပ္ဍဲကဵုက္ဍိုပ်သ္ကိုပ်ဂၠးတိ စိုပ်ကၠုၚ်နန်ကရေမ္မလေန် ဗ္ဒါဲၜါစှော်ပြၚ်ဂှ် ယှဳကျေန်ဖျေန်ဝွံ ဒှ်ညးဇြဟတ်ခိုဟ်အိုတ်ရ။
ကြုက်ကေုာံရုယှာ ပံၚ်တောဲတုဲ တာဒၞါအာပြဝမွဲလ္ပာ်ဓဝ်တအ်၊ ပြဝသ္ပမာန်ဍဵုဍိုက်တံဂှ်ဏောၚ်ဂှ်လေဝ် ပူတေန်ကေုာံယှဳကျေန်ဖျေန် တုပ်လဝ်စိုတ်ရ။
Ref:Reuters