(ပိုင်ကျုံ) ၊ မာတ် ၁၆
အပ္ဍဲပေါဲဗ္တိုက်သီဗ္ဒိုပ်ကံၚ်ဇြဳပၞာန် ဗ္ဒိုပ်ပူလူတူ မၞုံဗ္ဒါဲပယျဵုသေံ−ဗၟာဂှ် ကောန်ဒပ်ကံၚ်ဇြဳပၞာန် ၁၂ တၠ ချိုတ်တုဲ ၁၁ တၠ ဂြိပ်ဗၠးအာလဝ်ရောၚ် ဗော်သွးကောန်ဂကူကရေၚ် KNU ဗဟဵု လလောၚ်ပ္တိတ်လဝ် ပ္ဍဲဂိတုမာတ် ၁၅ တေံရ။
ပ္ဍဲဂိတုမာတ် ၁၄ တေံ ဒပ်ပၠန်ဂတးသၟဝ်သ္ကိုပ်သ္က ဒပ်ပၞာန်ဗၠးၜးကောန်ဂကူကရေၚ် KNLA တံ ဗ္တိုက်သီဂွံလဝ် ဗ္ဒိုပ်ဒပ်ပူလူတူ နွံဗ္ဒါဲပယျဵုသေံ−ဗၟာ မၞုံပ္ဍဲတွဵုရးကရေၚ် ပွိုၚ်ဍုၚ်လိုၚ်ဗၠဲ ပွိုၚ်ဍုၚ်ပါ် (ပိုင်ကျုံ) ရ။
အပ္ဍဲပေါဲဗ္တိုက်သီဗ္ဒိုပ်ဂှ် ကောန်ဒပ်ကံၚ်ဇြဳပၞာန် ၁၂ တၠ ချိုတ်တုဲ ၁၁ တၠ ဂြိပ်တိတ်အာလဝ် လ္ပာ်ဍုၚ်သေံ သီုမကမ်လွဟ်လက်နက်ဂမၠိုၚ်ရ။
အပ္ဍဲပေါဲဗ္တိုက်သီဗ္ဒိုပ်ဂှ် ကောန်သ္ဂံၚ် နူဒပ်ပၞာန်ဗၠးၜးကောန်ဂကူကရေၚ် KNLA ဂှ် တြဴတၠ ကလိဂွံလဝ်ဝပ်တုဲ ကောန်သ္ဂံၚ်ပိတၠ ဒးပြဟ်လလုဲအာလဝ်ရောၚ် ထ္မံက်ထ္ၜးလဝ် ပ္ဍဲတၚ်လလောၚ်တြး KNU ဗဟဵုရ။
ဟိုတ်နူပေါဲဗ္တိုက်သီဗ္ဒိုပ်ပူလူတူဂှ်တုဲ ညးဒေသ ၅၀၀ ပြၚ် နူကဵုကွာန်ကလေဝ်ဖိုဝ်ကလိုဝ်၊ မေဝ်ကေဝ်၊ ကလေဝ်မိုဝ်ခဳ ပယျဵုသေံ−ဗၟာဂှ် ဒးဂြိပ်ပါဲဒၟံၚ် အပ္ဍဲဍုၚ်သေံရ။
ပရိုၚ်−သြၚ်လောန်တိုၚ်(မ်)
ဗီု−KNU