မတ်မလီု၊ အံက်တဝ်ဗာ (၁၁)
အလုံတွဵုရးဍုၚ်မန် ကံၚ်ဇြဳပၞာန်သီအဝဵု ကဵုဇြဟတ်ဂရိုဟ် အတေၚ်အဓမ္မတုဲ သွက်ဂွံပါလုပ် ပ္ဍဲဂကောံပရေၚ်ဂီုကၠီု ညးဍုၚ်ကွာန်တံဂှ် မၞိဟ်ကဵုစရၚ် ဟွံမွဲရောၚ် သ္ကိုပ်အုပ်ဓုပ် ကွာန်အရာပ်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
နကဵုတၚ်စၞောန် ဥူဇြဝ်လေန်ထောန် သ္ကိုပ်ဝန်ဇၞော် တွဵုရးဍုၚ်မန် ကံၚ်ဇြဳပၞာန်သီအဝဵု မခါန်ကၞက်လဝ်ဂှ် ဂကောံဇၞော်သ္ကိုပ်သၞာဲဒဴ နူဌာန (၂၁) ဌာန ကဆံၚ်ပွိုၚ်ဍုၚ်မဆေၚ်စပ်တံ ပါလုပ်ဂှ်ဝွံ ဇၟာပ်ပ်ပွိုၚ်ဍုၚ် သွက်ဂွံဒက်ကဵု ဂကောံပရေၚ်ဂီုကၠီုညးဍုၚ်ကွာန်တံဂှ် တုဲကၠုၚ်ဂိတုသေပ်တေမ်ဗာ သတ္တာဟဒုတိယတေံ စဗက်စန်ဒက်ဒၟံၚ်ရ။
ပ္ဍဲကဵုဂကောံ ပရေၚ်ဂီုကၠီုညးဍုၚ်ကွာန် ကံၚ်ဇြဳပၞာန် ကဵုဒက်ပ္တန်လဝ်ဂှ် ညးဍုၚ်ကွာန်ဒေသ ဇၟာပ်ပ်အရာပ်ကွာန်တံ ကဵုလဝ်စရၚ် မွဲတၠမှ ဟွံမွဲပုဟ်ဂှ် သ္ကိုပ်အုပ်ဓုပ် ကွာန်အရာပ်မွဲတၠ ဟီုရ။
ပ္ဍဲကဵုဂကောံပရေၚ်ဂီုကၠီုဂှ် ဒဒှ်ရညးဍုၚ်ကွာန်ဒေသ ဂွံပါလုပ်ဂှ် ဟွံမွဲရောၚ် ပ္တိုန်ထ္ၜးလဝ်ကီုလေဝ် ဟွံဒုၚ်တဲမွဲသာ် သွက်ဂွံဂၠါဲအာ ဂၠံၚ်ဍာန်ညံၚ်ဂွံဒှ်ဂှ်တုဲ ကဵုဒၟံၚ်ဇြဟတ်ဂရိုဟ် သွက်ဂွံဒက်ဂကောံပရေၚ်ဂီုကၠီုညးဍုၚ်ကွာန်တံဂှ်ရ။
အခိၚ်လၟုဟ် သွက်ဂွံဒက်ဂကောံပရေၚ်ဂီုကၠီု ညးဍုၚ်ကွာန်တံဂှ် ဒးကလေၚ်ကဵုလဝ်စရၚ် ကုကောန်ပၞာန်ညးဍုၚ်ကွာန်တံ၊ ကောန်ပၞာန်တြေံတြေံတံ ၊ ပျူသဝ်ထဳ ကေုာံ ကောန်ဗော်ကျခိုၚ်ယျေလ္ၚဵုတံပၠန်ရဂှ် သ္ကိုပ်အုပ်ဓုပ်ကွာန်အရာပ်တံ သ္ဂးရ။
ဒပ်ကံၚ်ဇြဳပၞာန် မဒးဂိဒၟံၚ် ပ္ဍဲမုက်ပၞာန်တေံဂှ်ဝွံ မ္ၚးနူတၚ်နွံပၟိက် ဇြဟတ်ဂကောံဒပ်တံ နွံဒၟံၚ်ဂှ် သီုကဵုအုပ်ဓလီုဂွံလဝ်တိဍာ်ဟွံမွဲဂှ်ရ သွက်ဂွံကော်စကာအာ ညးဍုၚ်ကွာန်ဒေသတံဂှ် စဳဇန်ဒၟံၚ် သွက်ဂွံဒက်ဂကောံ ပရေၚ်ဂီုကၠီုညးဍုၚ်ကွာန်တံဏံဂှ်ရ။
ပရိုၚ်−သြၚ်လောန်တိုၚ်(မ်)