ကျာ်ထဝ်၊ ဨပရဴ ၅
ပ္ဍဲတွဵုရးဍုၚ်မန် ပွိုၚ်ဍုၚ်ကျာ်ထဝ်ဂှ် တၠကမၠောန်ကၟာကမွဲတၠ ဒၟံၚ်ဗ္ဒါဲသုသာန် ကွာန်(စွပ်ပနူး) ဂှ် ဒပ်ကံၚ်ဇြဳပၞာန် လုပ်ပန်ဂစိုတ်လဝ်တုဲ သီုယိုက်ဏာလဝ် ဇွဂှ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
တုဲကၠုၚ် ပ္ဍဲဂိတုဨပရဴ ၄ အခိၚ်နူဂယး ၜိုတ် ၅ နာဍဳဂှ် ဒပ်ကံၚ်ဇြဳပၞာန် ဇြဟတ် ၅၀ ပြၚ် နကဵုကွဳစက်ပၞာန်မသုန်ဖ္ဍိုက်ဂှ် စိုပ်ကၠုၚ် ပ္ဍဲကၟာက ဥူကျဝ်အံၚ် အာယုက်မၞုံ ၅၀ သၞာံဂှ်တုဲ ပန်ဂစိုတ်ဏာလဝ် ညးရ။
ဥူကျဝ်အံၚ်ဝွံ ထံက်ပၚ်ရီုဗၚ်ဒၟံၚ် ဂကောံပၠန်ဂတးတံ နွံဒၟံၚ်ရောၚ် နကဵုဟိုတ်သာ်ဏံဂှ် လ္ပာ်ဒပ်ကံၚ်ဇြဳပၞာန် လုပ်စိုပ်ပန်ဂစိုတ်ဏာလဝ် ဒှ်မာန်ရောၚ် ညးဒေသတံ သ္ၚဳဂၠိပ်လဝ်ရ။
ဥူကျဝ်အံၚ် ညးမဒးချိုတ်အာဂှ်ဝွံ ကၠောန်ကလောန်လွဳကတုဲ မွဲလ္ပာ်ဂှ်တှ်ေ ကေတ်ဒၟံၚ်တာလျိုၚ်ထံၚ်ပရိုၚ်၊ ဇွောံမစၞစ သွက်ဂကောံပၠန်ဂတးတံဂှ်ဏောၚ် အပ္ဍဲကဵုကွာန် ပရိုၚ်ကေၚ်တိတ်ဒၟံၚ်ရောၚ် ညးဒေသတံ ဟီုဒၟံၚ်အိုတ်ကီုလေဝ် နကဵုသြၚ်လောန်တိုၚ်(မ်) သ္ပဒတန်တၞဟ်ခြာ ဟွံမာန်ဏီရ။
တုဲကၠုၚ်ပ္ဍဲဂိတုဨပရဴ ၂ တေံဂှ်လေဝ် သၟာသေနာတ်ဟွံတီယၟုၜါတၠ လုပ်စိုပ်ပန်ဏာလဝ် သၟတ်အာယုက် ၂၀ သၞာံမွဲတၠ ဒၟံၚ်ကွာန်မုက္ခမူ ပွိုၚ်ဍုၚ်ကျာ်ထဝ်ဂှ်တုဲ ချိုတ်အာလဝ်ရောၚ် ဂွံတီကေတ် ဇရေၚ်ညးဒေသတံရ။
ပရိုၚ်−သြၚ်လောန်တိုၚ်(မ်)
ဗီု−CJ