ဝါယှေန်တာန်၊ ဨပရဴ ၅
နူကဵုရုၚ်သ္ကိုပ်ဂၠိုက်ဂၠါဲစၟဳတ် ပေန်တဂေါန် ဒဒှ်ရစၟဳတ်အာ ပရေၚ်ဝန်ဇၞော်ကာစဵုဒၞါအမေရိကာန် ပိတ်ဟာတ်သေတ် မသုၚ်စောဲဒၟံၚ် Signal app စပ်ကဵုအစဳဇန် မသ္ဂောံဗ္တိုက်အာ ပ္ဍဲဍုၚ်ယဳမေန် မမံက်ပြးအာဂှ်ဏောၚ်ဂှ် ဂကောံမၚ်ရံၚ် ဟီုဏာလဝ် ပ္ဍဲဂိတုဨပရဴ ၃ တေံရ။
ကြဴနူသၞာဲဒဴအမေရိကာန် ဗမံက်ပ္တိတ်ဒး ပရူအစဳဇန် မသ္ဂောံဗ္တိုက်အာ ကုဂကောံဟူတဳ ဍုၚ်ယဳမေန်ဂှ်တုဲ အလဵုအသဳ သမ္မတဒဝ်နေဝ်ထြာမ်ဝွံ ဒးဆေၚ်ဒၟံၚ်မုက်ကဵု ပရေၚ်ထုဲထံၚ်ဂမၠိုၚ်ရ။
အတိုၚ်ပရေၚ်ဂၠိုက်ဂၠါဲစၟဳတ်သာ်ဏံဂှ်မ္ဂး မ္ၚးနူကဵုဝန်ဇၞော်ကာစဵုဒၞါအမေရိကာန်ဂှ် သၞာဲဒဴဌာနဝန်ဇၞော်ကာစဵုဒၞါတၞဟ်ဟ်တံလေဝ် ဒးဒုၚ်စၟဳတ်အာဏောၚ် မဒှ်ရ။
ဟိုတ်နူအမာတ်ကၠတ်ထဝ် ရဳပါပလေတ်ကာန်ကဵု ဒဳမဝ်ကရေတ် နူကဵုကမ္မတဳ ဌာနရပ်လွဟ်ကၠတ်ထဝ်လ္တူ အာတ်မိက်ကၠုၚ်ဂှ်တုဲ ပရေၚ်ဂၠိုက်ဂၠါဲစၟဳတ်သာ်ဏံ မံက်တိတ်ကၠုၚ်လဝ်ရ။
ပ္ဍဲကဵုဂရုပလံၚ်လိက်ဏံဂှ် ဝန်ဇၞော်ကာစဵုဒၞါ ဟာတ်သေတ်ကီု သၞာဲဒဴကဆံၚ်လ္တူတၞဟ်သ္အာၚ်ဂမၠိုၚ်ကီု
ဒဒှ်ရပါလုပ်လဝ်ဂှ် သ္ၚိဗု ဟီုရ။
ပ္ဍဲကဵုဂရုဏံဂှ် အ္စာပရိုၚ် ဂျာနေဝ်လေတ်မွဲတၠလေဝ် ပါလုပ်လဝ်တုံ နူညးမွဲကဆံၚ် ပရိုၚ်မံက်တိတ်ကၠုၚ်လဝ်ရ။
ဂကောံဟူတဳ အဳရာန်ထံက်ပၚ်ကဵုလဝ်ဂှ်ဝွံ ဗ္တိုက်ဒၟံၚ်က္ၜၚ်ဖ္ဍိုက်ဗၞိက် မတတ်ကၠောံအာ ၜဳဗ္ကေတ်ဂှ်တုဲ အာဇီုကပိုက်ဒၟံၚ်ကဵု ဂၠံၚ်တရဴသွံရာန်ဗၞိက်ဂၠးတိရ။
ပရေၚ်သွံရာန်ဗၞိက်တရဴဍာ် အလုံဂၠးမွဲ ၜိုတ် ၁၂ တၟံကၠံဂှ်ဝွံ ဟိုတ်နူဂကောံဟူတဳတံ ဗ္တိုက်ဒၟံၚ်ဂှ်တုဲ ဒးဇီုကပိုက်ဒၟံၚ် မဒှ်ရ။
နူလက်ထက်အလဵုအသဳဗိုၚ်ဒေန်တေံရ အမေရိကာန် ဗ္တိုက်ကၠုၚ်လဝ် ဂကောံဟူတဳ ဍုၚ်ယဳမေန်တုဲ စဵုကဵုသမ္မတထြာမ် ဒှ်ကၠုၚ်သမ္မတအလန်ဒုတိယဏံဂှ် ဗ္တိုက်ဒၟံၚ်ဖိုဟ် မဒှ်ရ။
Ref: AFP