လံၚ်လုၚ်၊ အံက်တဝ်ပါ ၂၇
ရးတနၚ်သဳ နူကဵုပွိုၚ်ဍုၚ်လံၚ်လုၚ် က္ဍိုပ်သ္ကိုပ်ဒပ်မၚ်ကွာန် ကျံက်နဳမဝ် ယၟုဒယှ်ကြီုကြမံၚ်မွဲတၠဂှ် ရပ်ဂွံလဝ်ဂျိုၚ်ၚ်ရောၚ် ဂကောံပၠန်ဂတးဖိတ်ဒရဝ်သၞံၚ်တိုၚ် လလောၚ်ပတိတ်ပရိုၚ် ပ္ဍဲကဵုအံက်တဝ်ပါ ၂၅ ရ။
က္ဍိုပ်သ္ကိုပ် ဒပ်မၚ်ကွာန်ကျံက်နဳမဝ် ဥူသိုဝ်တာန်ဂှ် ဒပ်ပၠန်ဂတးတံကၠုၚ်ရပ်ကေတ်ဏာ နူသ္ၚိညးတေံ ပ္ဍဲအံက်တဝ်ပါ ၂၁ အခိၚ်နူဂယးၜိုတ် ၁၁ နာဍဳဂှ် မဒှ်ရ။
ရပ်ဂွံလဝ် က္ဍိုပ်သ္ကိုပ်ဒပ်မၚ်ကွာန်ကျံက်နဳမဝ် ဥူသိုဝ်တာန်ဂှ်တှ်ေ ပြဟ်ဟ်ဏံသၟာန်သၟုက်မံၚ်တုဲ အတိုၚ်ဒုဟ်ဒဏ်ညးတေံလုလောန်လဝ်တံဂှ် သွက်ဂွံကေတ်အရေဝ်ကဵုအာဒုဟ်ဒဏ်ရောၚ် ညးတာလျိုၚ် ဒပ်ဖိတ်ဒရဝ်သၞံၚ်တိုၚ် ဟီုကဵု ဌာန်ပရိုၚ်သြၚ်လောန်တိုၚ်မ်ရ။
က္ဍိုပ်သ္ကိုပ်ဒပ်မၚ်ကွာန် ဥူသိုဝ်တာန်ဂှ်တှ်ေ ပ္ဍဲကွာန်ကျံက်နဳမဝ်ကဵု ပွဳပွူကွာန်တံဂှ် စံၚ်ပလီုလဝ်သ္ၚိညးဍုၚ်ကွာန် တံကီု၊ ဒုဟ်ဒဏ်ဟွံမွဲ ရပ်ညးဍုၚ်ကွာန်တံတုဲ ဂစိုတ်ထောံလဝ်ကီု၊ နနဲအဓ္ဓမပလီုလဝ် ကောန်သမ္ဘာ သၟတ်ဗြဴညးဒေသတံကီု ဖန်ဖက်လုလောန်လဝ်ရောၚ် ဂကောံပၠန်ဂတးဖိတ်ဒရဝ်သၞံၚ်တိုၚ် လလောၚ်ပတိတ်လဝ် ပရိုၚ်ရ။
စနူကဵုအခိၚ်သီအဝဵုတုဲ ဥူသိုဝ်တာန်ဂှ် ကဵုမံၚ်အရီုဗၚ်ကဵုဒပ်ပၞာန် သွက်ဂွံအုပ်ဓလီုတိဍာ်ပွိုၚ်ဍုၚ်လံၚ်လုၚ်မာန်ကီု၊ ကၠောန်လဝ်ပွ ဗတိုက်စလဝ်ဒမၠကီု ဘပဠကံက်လဝ်သြန် နူကဵုဂၠုၚ်ရပ်ကတံ လုလောန်ကၠောန်လဝ် အမှုရာဇဝတ်စုၚ်ၚ်နွံမံၚ်တုဲ မ္ဒးရပ်ဏာလဝ်ရောၚ် ကဵုလဝ်သမ္တီရ။
ပရိုၚ်-သြၚ်လောန်တိုၚ်မ်
Photo – PDF