ဗြဝတဳ၊ ဒီဇြမ်ပါ ၃
တွဵုရးကရေၚ် ပွိုၚ်ဍုၚ်ဗြတဳ ပ္ဍဲကဵုဍုၚ်ယှိုဲကုက်ကိုဂှ် ၐိုန်ရ ဟွံဂွံဆဵုရဲကၠောန်မံၚ် ပရေၚ်လီလာန်ဝေၚ်ဇျှၚ် လံၚ်သြန်အန်လိုၚ်တံကီုလေဝ် စမြိုၚ်ဒၞာဲဟွံလုပ်သၞောဝ် စကာကၠောန်လဝ်ပရေၚ်လီဠာန်သြန် အန်လိုၚ် ၁၀၀ မပြၚ်ၚ်တံဂှ် မာတ်ချိက်တုဲ သီကေတ်လဝ်ရဂှ် ကဝ်မယှေန်ပၞာန် လလောၚ်ပတိတ်ပရိုၚ်ရ။
ပ္ဍဲကဵုဍုၚ်တၟိ ယှိုဲကုက်ကို ဒၞာဲကၠောန်လဝ် ပရေၚ်လီသြန်အန်လိုၚ်ကဵု ကမၠောန်ဝေၚ်ဇျှၚ်လံၚ်သြန် ကော်ခဴစ ကမၠောန်ကျာဖျတံဂှ် ဒပ်ကဝ်မယှေန်ပၞာန်ကဵု ဒပ်မၚ်ပယျဵုကရေၚ် BGF တံ စနူကဵုနိုဝမ်ပါ ၁၈ တေံ လုပ်ဂၠိုက်ဂၠာဲစၟဳစၟတ်လဝ်ရ။
ပ္ဍဲနိုဝမ်ပါ ၃၀ ဂှ် ပ္ဍဲကဵုဍုၚ်ယှိုဲကုက်ကို ဒၞာဲစမြိုၚ်မၞိဟ်မံၚ်တံ ဒၞာဲရုၚ်ခြိုၚ်ကပေါတ် ဒၞာဲဝေၚ်ဇြဟတ် ဆေၚ်ဖျာတံကဵု သ္ၚိသၟာကမၠောန်ဟွံလုပ်သၞောဝ်ဂမၠိုၚ် စမြိုၚ်ကရပ် ၁၀၀ မတံဂှ် ထပ်ဂၠိုက်ဂၠာဲဆဵုလဝ်တုဲ ၜိုန်ရ ဟွံဂွံဆဵုရဲကၠောန်မံၚ် ပရေၚ်လီလာန်ဝေၚ်ဇျှၚ်လံၚ်သြန်အန်လိုၚ်တံကီုလေဝ် ကပေါတ်စကာ သုၚ်စောဲလဝ်တံဂှ် မွဲအလန်ဓဝ် ပလှ်သီကေတ်ဏာလဝ်ရောၚ် ပ္ဍဲတၚ်လလောၚ်တြး ဟီုလဝ်ရ။
ပ္ဍဲဒေသတိဍာ် ယှိုဲကုက်ကို စမြိုၚ်ဒၞာဲကၠောန်လဝ် ပရေၚ်လီလာန် ဝေၚ်ဇျှၚ်လံၚ်သြန် အန်လိုၚ်တံဂှ် စနူနိုဝမ်ပါ ၁၈ ဒဵုကဵုနဝ်ဝမ်ပါ ၃၀ ဏံ ပ္ဍဲကဵုလုပ်ဂၠိုက်ဂၠာဲစၟဳစၟတ်လဝ်ဂှ်မ္ဂး စမြိၚ်ဒၞာဲဟွံလုပ်သၞောဝ် ၁၄၀ မ ဆဵုလဝ်တုဲ ညံၚ်ဟွံဂွံကလေၚ်စကာ ဒၞာဲတံဏံမာန် မာတ်ချိက်တုဲ သီကေတ်လဝ်ရဂှ် ကဝ်မယှေန်ပၞာန် သ္ဂးရ။
ပရေၚ်မာတ်ချိက်သီကေတ်ဏံမ္ဂး ပ္ဍဲကဵုနဝ်ဝမ်ပါ ၃၀ ဂှ် ထပ်သီဂွံလဝ် စမြိုၚ် ဟွံလုပ်သၞောဝ် ၁၈ မ မာတ်ချိက်သီလဝ်တုဲ သီုဖအိုတ် စမြိုၚ်ဒၞာဲဟွံလုပ်သၞောဝ် ၁၁၉ မ မာတ်ချိက်သီကေတ်တုဲယျ ကဝ်မယှေန်ပၞာန် လလောၚ်လဝ်ပရိုၚ်နွံရ။
အတိုၚ် ဂၠိုက်ဂၠာဲပသောၚ်ဂွံလဝ် ပ္ဍဲကဵုဒေသတိဍာ် ယှိုဲကုက်ကိုမ္ဂး ဒဵုကဵုနိုဝမ်ပါ ၃၀ ဏံ ရပ်ဂွံလဝ် ကောန်ဍုၚ်မ္ၚးဟွံလုပ်သၞောဝ် ကၠုၚ်မံၚ်ဒၟံၚ် ၁၉၅၄ တၠ နွံမံၚ် ဂွံတီရ။
တုဲပၠန် ဒၞာဲ KK Park နွံသၠုၚ်ကျာဗြဝတဳ ဒၞာဲစမြိုၚ်ကၠောန်လဝ် ပရေၚ်လီသြန်အန်လိုၚ်ကဵု ကမၠောန်ဝေၚ်ဇျှၚ်လံၚ်သြန်တံဂှ်လေဝ် ဆက်တုဲ သရိုဟ်ပလီုမံၚ်ဖိုအ်ဏီရောၚ် ကဝ်မယှေန်ပၞာန် လလောၚ်လဝ်ပရိုၚ်ရ။
ပရိုၚ်-သြၚ်လောန်တိုၚ်မ်
Photo – Social Media