တနင်သဳ၊ ဒီဇြမ်ပါ ၃
ရးတနၚ်သဳ ပွိုၚ်ဍုၚ်တနၚ်သဳ ပ္ဍဲကဵုကွာန်ပနာတ်ငယ်ဂှ် ဗြဴကဵုတြုံၜါတၠ အခိၚ်ကၠုၚ်ခွာတ်ရာဘာ ဟိုတ်နူဒပ်ကဝ်မယှေန်ပၞာန်ပန်တုဲ ဒးလဝ်ဝပ်ဇၞော်ကဵုဇြဟတ်ရဂှ် ဂွံတီကေတ်နူကဵု ပကဖ ပွိုၚ်ဍုၚ် တနၚ်သဳတံရ။
ပ္ဍဲဂိတုဒဳဇြမ်ပါ ၁ ၜိုတ်အခိၚ်နူဂယးပြဟ် ပ္ဍဲကၠအ်ရာဘာ ကရပ်ကွာန် ပနာတ်ငယ် ဗြဴကဵုတြုံၜါတၠ အခိၚ်ကၠုၚ်ခွာတ်ဂှ် ဒးဒုၚ်ပန်ကဵု ဒပ်ကဝ်မယှေန်ပၞာန်ရ။
ဟိုတ်နူဒးဒုၚ်ပန်လဝ်ကဵု လွဟ်ဂှ်ရ သီုဗြဴသီုတြုံညးတံၜါတၠ ဒးလဝ်ဝပ်မကမ် ပ္ဍဲကဵုတဲကဵု ဒၞာဲစးတုဲ ပြဟ်ဟ်ဏံ ကောန်ကွာန်တံ ပလံၚ်ဗစိုပ်လဝ် ရုၚ်ဂဥုဲခရိုၚ်ဗိက် သ္ဂးရ။
လောန်ကၠုၚ်နိုဝမ်ပါ ၃၀ တေံ ကရောၚ်ပၞာန်ဒပ်ကဝ်မယှေန်ပၞာန် ဒးဒုၚ်တံၚ်မါၚ် ကရပ်ကွာန်ပနာတ်ငယ်ဂှ်တှ်ေ ဒပ်ကဝ်မယှေန်ပၞာန် တံ ဖျေံအောပ်စွံလဝ် ကၚ်ပၞုက်နွံမံၚ်ရောၚ်ဂှ်လေဝ် ညးတာလျိုၚ် မွဲတၠ နူကဵုဒပ်စဵုဒၞာ ပွိုၚ်ဍုၚ်တနၚ်သဳ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပ္ဍဲကဵုအကြာတ္ၚဲတံဏံပၠန် ဟိုတ်နူပေါဲဗတိုက်သ္ကာတ်မြဟ် က္တဵုဒှ်မံၚ် ပ္ဍဲကဵုကရပ်ကွာန် သိၚ်ခေါန်ကဵု ဗ္တဳဗုတံဂှ်ရ နူကဵုဒပ်ကဝ်မယှေန်ပၞာန် ပလံၚ်ကဵုမံၚ် ဇွောံမကဵုလွဟ်မကမ်နာနာနွံမံၚ်တုဲ ပ္ဍဲအကြာမွဲဒမြိပ်ဂၠံၚ် တံဏံမ္ဂး သွက်ပရေၚ်ဂီုကၠီုကွဳစက်ယာန်တံဂှ် ဖျေံလဝ်ကၚ်ဒမၠုက်ကီု သီုချဳဒရာၚ်မံၚ် ပရေၚ်ပၞာန်တံနွံမံၚ်ရောၚ် သ္ဂးရ။
လောန်ကၠုၚ်အံက်တဝ်ပါ ၂၂ တေံကီုလေဝ် ပ္ဍဲကွာန်ဖာနဳ ပွိုၚ်ဍုၚ်တနၚ်သဳဂှ် ဒပ်ပၞာန်ဗမာ ပန်ဏာလွဟ်ဇၞော်မွဲမ မကမ်ခတိုဟ်လဝ်တုဲ သီုကဵုကောန်ၚာ်တံ မပါလုပ် မၞိဟ် ၇ တၠ ဒးလဝ်ဝပ်နွံမံၚ် ဂွံတီနူကဵု ညးဒေသတံရ။
ပရိုၚ်-သြၚ်လောန်တိုၚ်မ်
Photo – Social Media