ဖာပွန်၊ ဒဳဇြမ်ပါ ၂၆
ပ္ဍဲတွဵုရးကရေၚ် ခရိုၚ်ဖာပန်ဂှ် ၜၚ်ကျာဒပ်ကဝ်မယှန်ပၞာန် ပန်ဗတိုက်မံၚ်အဆက်က်ရောၚ် ညးအခေါၚ်ဟီုဂးနွံ ဗော်သွးကောန်ဂကူကရေၚ် KNU မဟာဒပ် ၅ သ္ကိုပ်ဗိုလ်ဇၞော် သဝ်ဂလာဒဵု ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲဂိတုဒဳဇြမ်ပါဏံ ပ္ဍဲကဵုခရိုၚ်ဖာပန် တိဍာ်မဟာဒပ် ၅ KNU ဒၞာဲဗွဲမဂၠိုၚ်တံဂှ် ၜၚ်ကျာဒပ်ကဝ်မယှေန်ပၞာန် ပဵုတုဲကၠုၚ်ကြဳဖျေံဗုမ်ဗတိုက်လဝ် မဒှ်ရ။
သွက်ဗ္ဒိုပ်ဗျူဟာပၞာန်ဗမာ ပ္ဍဲကဵုဖာပန်ညံၚ်ဟွံဂွံဒးဒုၚ်ဗတိုက်ဂှ် နကဵုပၞာန်ကျာပၞာန် ပဵုတုဲကဵုအရီုဗၚ်ပန်မံၚ်ရဂှ် သ္ကိုပ်ဗိုလ်ဇၞော် သဝ်ဂလာဒဵု သ္ၚဳဂၠိပ်ရ။
ဗ္ဒိုပ်ဗျူဟာဖာပန်ဂှ် ဂကောံဇြဟတ်ပၠန်ဂတးတံ ဗိုၚ်လဝ်ဂေတ်ကၠောံ ဒှ်ပန်ညးသ္ကံမွဲဏှမွဲဏှတုဲ ညံၚ်ရုၚ်ဗျူဟာဟွံဂွံစှ်ေအာ စကာမံၚ်ပၞာန်ကျာဗတိုက်မံၚ် အဆက်က်ရ။
တုဲကၠုၚ်ဒဳဇြမ်ပါ ၁၂ တေံ အပ္ဍဲပွိုၚ်ဍုၚ်ဖာပန် အလုံကွာန်မွဲ ကဝ်မယှေန်ပၞာန်ကြဳကဵုဗုမ်တုဲ ညးဍုၚ်ကွာန်လ္ၚဵုချိုတ်တုဲ ဒးလဝ်ဝပ်ဗွဲမဂၠိုၚ် သ္ၚိဌာန်တံကဵုဘာဗတောန်လိက် လီုလာ်အာလဝ်နွံမံၚ် ဂွံတီနူကဵု ဂကောံမှာဇန်ကရေၚ်တံရ။
တုဲပၠန် ဒပ်ကဝ်မယှေန်ပၞာန် သွက်ဂွံပလံၚ်ကဵုပၞာန်ရီုဗၚ် ဇရေၚ်ဗ္ဒိုပ်ဗျူဟာဖာပန် ဗ္ဒိုပ်ဒပ်ပၞာန် နွံမံၚ်ဒေသကတိုၚ်တိတံဂှ် စနူဂိတုအံက်တဝ်ဗာတေံရ နူကဵုဍုၚ်ကမမံၚ် ခရိုၚ်ဖာပန် ထပက်ကၠုၚ်မံၚ်ကရောၚ်ပၞာန်ဂှ် အခိၚ်လၟုဟ်စိုပ်ကၠုၚ်ဒၞာဲကွာန်ဝါဒူ ကရပ်ဍုၚ်ကမမံၚ်တုဲဖျေံလဝ်ဒပ် မဒှ်ရ။
ပရိုၚ်-သြၚ်လောန်တိုၚ်မ်
Photo – KNU