မတ်မလီု ၊ ဒဳဇြမ်ပါ ၂၆
ညးတၠကမၠောန်ပရေၚ်ပိုန်ဒြပ် နူကဵုတွဵုရးမန်ၜိုတ် ၂၀ တၠတံ နူကဵုသ္ကိုပ်ဌာနစၟဳစၟတ်တၟေၚ် “စပိမ” (စစစ) သၟဝ်တဲကဝ်မယှေန်ပၞာန်ကော်စၟဳစၟတ်မံၚ်ရောၚ် ညးတၠကမၠောန်တံကဵု ညးကြပ်ကဵု ကဝ်မယှေန်ပၞာန်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပြဟ်ဟ်ဏံ စပ်ကဵုအနှေန်ထဝ်တံတိုန်ကီု စနူကဵုပါဲလဝ်အခေါန်အကံက်တံကီု ပ္ဍဲကဵုသ္ကိုပ်ဌာန စၟဳစၟတ်တၟေၚ် (စစစ) ဍုၚ်မတ်မလီု ကော်သၟာန်စၟဳစၟတ်မံၚ် သ္ဂးရ။
တၠဆေင်ထဝ်၊ တၠဆေၚ်ကၠေၚ်၊ တၠဆေၚ်ပရေၚ်သိုၚ်ခၞံ သၟာဗၞိက်ပၠုပ်ကပေါတ်တံကဵု တၠကမၠောန်နာနာတံ ဒးဒုၚ်စၟဳစၟတ်မံၚ် ဂွံတီရ။
ပ္ဍဲကဵု “စပိမ” ကော်စၟဳစၟတ်မံၚ်လၟုဟ်ဏံဂှ် ကိစ္စအခေါန်တံကီု ကိစ္စတၞဟ်ဟ်လေဝ်ပါမံၚ်ကီုတုဲ မုကိစ္စရောဟီုဂှ် ဟွံဂွံတီချိုတ်တ်ဏီပုဟ် ညးတၠကမၠောန်မွဲတၠ ဟီုကဵုဌာန်ပရိုၚ်သြၚ်လောန်တိုၚ်မ်ရ။
“ပြဟ်ဟ်ဏံ ဆၜိုတ်ဂွံတီလဝ် ကော်စၟဳစၟတ်မံၚ် တၠကမၠောန်တံ၊ ပါဲလဝ်အခေါန်ဟာ ဂွံမိၚ်လဝ် ကိစ္စတၞဟ်လေဝ်ပါမာန်မံၚ်။ တၠကမၠောန် နူကဵုကမၠောန်နာနာသာ်ရ ပါမံၚ်။ ဟွံကဵုလဝ်အခေါန်တှ်ေ ကေတ်အရေဝ်ဟာ ဟွံသေၚ်တှ်ေ မွဲအလန်ဓရ် ကဵုကလေၚ်ပၠုပ်အခေါၚ်မွဲကလောအ်ဓဝ်ဟာ ဟွံတီဏီ။ လၟုဟ်ဒှ်မံၚ်အခိၚ်စၟဳစၟတ် ဟွံတီချိုတ်ပၠိုတ်ပုဟ်” သာ်ဝွံ သ္ဂးရ။
တၠဆေၚ်ထဝ်တံဂှ် ကိစ္စအနှေန်ၚုဟ်ထဝ်တိုန်ကီု ပရေၚ်သွံရာန်ထဝ်ဂှ် ပတိုန်လဝ်အခေါန်နွံဟၟဲ စၟဳစၟတ်မံၚ်ရောၚ် ညးဆက်ဟီုရ။
အတိုၚ်တၠကမၠောန်တံဟီုမ္ဂး စနူကဵုစရၚ်သြန်လုပ်တိတ် နူကဵုတၠကမၠောန်တံတင်နၚ်သောဲဗြောဲတံကီု စရၚ်ကဵုဒါန်ထံက်ပၚ်တံလေဝ် စၟဳစၟတ်သၟာန်သၟုက်လဝ်ဂှ် ဂွံတီရ။
မွဲလပါ်ပၠန် မၞိဟ်ဟွံကဵုအခေါန်ဂၠိုၚ်မံၚ်တုဲ ညံၚ်သ္ဂောံဂွံအခေါန်ပေၚ်ၚ်မာန် က္ဍိုပ်သ္ကိုပ်ပၞာန် ဂဥုပ်သ္ကိုပ်ပၞာန်ဇၞော် မေန်အံၚ်လှိုၚ် ဆက်ကဵုမံၚ်စၞောန်ပ္ညုၚ်ကု ဌာနဝန်ဇၞော်တံ မဒှ်ရ။
ပရိုၚ်-သြၚ်လောန်တိုၚ်မ်
Photo – MOI