ကျာ်ထဝ်၊ ဒီဇြမ်ပါ ၂၇
တွဵုရးမန် ပွိုၚ်ဍုၚ်ကျာ်ထဝ် ပေါဲဗတိုက်အကြာၜါလပါ် ဒှ်မံၚ် ကရပ်ကွာန်သၠာတ်ဝါဒက်၊ ယေဝ်ကျဝ်ကဵု တုၚ်ခွဂှ် ညးဒေသ ၂၀၀၀ ပြင် ထောံလဝ်သ္ၚိဌာန်တုဲ ဒးဂြိပ်ဒဴပါဲမံၚ်အိုတ်ရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
စနူကဵုဒဳဇြမ်ပါ ၂၅ ဂှ် ကရောၚ်ပၞာန်ဒပ်ကဝ်မယှေန်ပၞာန် ဇြဟတ် ၁၀၀ ပြၚ် ထပက်ကၠုၚ်ဂှ် ဒှ်ပေါဲဗတိုက်ကဵု ဒပ်ပၞာန်ဗၠးၜး ကောန်ဂကူကရေၚ် KNLA သ္ကိပ်သ္ကတံ ပ္ဍဲကရပ်ကွာန်သၠာတ်ဝါဒက်ရ။
ပ္ဍဲကဵုဒဳဇြမ်ပါ ၂၆ အခိၚ်နူဂယးပၠန်ဂှ် ကရေၚ်ပၞာန်ဏံ ထပ်ထပက်ကၠုၚ် အကြာကွာန်ယေဝ်ကျဝ်ကဵုတုၚ်ခွတုဲ အကြာၜါလပါ် ပေါဲဗတိုက်ဆက်ဒှ်ကၠုၚ်လဝ် မဒှ်ရ။
ဟိုတ်နူပေါဲဗတိုက်ၜါလပါ်ဂှ် ကောန်ကွာန် သၠာတ်ဝါဒက်၊ တုၚ်ခွ၊ ယေဝ်ကျဝ်၊ ဇြဳပြံၚ်၊ ၁၊ ၂၊ ၃ တံ ၂၀၀၀ ပြၚ် ဂြိပ်ပါဲအာ ဒၞာဲဗၠးဘဲတံ သ္ဂးရ။
ပ္ဍဲကဵုပေါဲဗတိုက် သၠာတ်ဝါဒက်ဂှ် ကရောၚ်ပၞာန်ကဝ်မယှေန်ပၞာန် ရပ်လဝ်ညးဒေသ ၁၅ တၠကီုလေဝ် အခိၚ်ဇိုၚ်သဝ်တ္ၚဲဂှ် ကလေၚ်ဗလးကဵုရဂှ် ညးဒေသတံ ဟီုရ။
စပ်ကဵုအကာဲအရာပေါဲဗတိုက်ဏံ လပါ်ရဲဒပ်ကဝ်မယှေန်ပၞာန်ကီု ဂကောံပၠန်ဂတးတံကီု မုတၚ်နၚ် လလောၚ်တြးလဝ် ဟွံဂွံဆဵုညာတ်ဏီရ။
အခိၚ်ပေါဲရုဲမာဲကြပ်ကၠုၚ်ဏံ ပ္ဍဲပွိုၚ်ဍုၚ်ကျာ်ထဝ် ဒၞာဲဂကောံဇြဟတ် ပၠန်ဂတးတံ ဇြဟတ်ချဳဒရာၚ်ခိုဟ်မံၚ်တံဂှ်တှ်ေ ဒပ်ကမယှေန်တံ ထပက်ကရောၚ်ပၞာန်၊ ပန်ကဵုလွဟ်ဇၞော် သီုဗတိုက်ကဵု ၜၚ်ကျာတံ နွံရ။
ပ္ဍဲဒဳဇြမ်ပါ ၂၈ ဏံမ္ဂး ပ္ဍဲကဵုပွိုၚ်ကျာ်ထဝ်ဂှ် ကဝ်မယှေန်ပၞာန် ကၠောန်အာပေါဲရုဲမာဲ သ္ကုတ် (၁) မဒှ်ရ။
ပရိုၚ်-သြၚ်လောန်တိုၚ်မ်
Photo – Social Media