နယူယံက်၊ ဂျာန်နဝါရဳ ၁၅
သမ္မတအမေရိကာန် ဒဝ်နေဝ်ထရ ပ္ဍဲဂျာန်နဝါရဳ ၁၃ အခိၚ်အာ ရုၚ်ကွဳစက် Ford မၞုံဍုၚ်ဒဳယာဘောန် တွဵုရးမဳချဳဂါန်ဂှ် အကာဲအရာထေက်ကဵုဒးဒှ်ဟွံသေၚ် ဒှ်အာပရူပရာကဵု သၟာကမၠောန်မွဲတၠ ဂွံတီရ။
စပ်ကဵုရပ်စပ်အမှု ဂျက်ဖရဳ အက်သ်သတိၚ်ဂှ်တုဲ သၟာကမၠောန် ကညာၚ်ဟီုဂးအရေဝ်ကဵု ထရ မဒှ်ရ။
မအရေဝ်လ္ၚဵု ဟီုဟွံထေက်တံ နူကဵုသၟာကမၠောန် တိတ်ကၠုၚ်လဝ် ဗဳဒဳယောအန်လိုၚ် အခိၚ်ကညာၚ်ဟီုမံၚ် ကေုာံ ရံၚ်အာလဝ် လပါ်ဍေံတုဲ ဗီုပြၚ်အကာဲအရာတဲ ဟွံယေန်သၞာၚ်မွဲဗီု ထရ ကၠောန်လဝ်ဂှ် ဂွံဆဵုရ။
နူကဵုဝဘ်သိုက် လဟိၚ်စိုတ် TMZ ပတိတ်လဝ်ကၠာအိုတ်ဂွံဆဵုတုဲ စပ်ပရေၚ်ဍာံပြလ္တူဗဳဒဳယောဏံ နူကဵုသ္ၚိဗတာၚ် မုလေဝ်ကလေၚ်တးပါဲဟီုဂးလဝ်ဟၟဲပုဟ်။
ညးအခေါၚ်ဟီုဂးနွံ သ္ၚိဗတာၚ်ဂှ်တှ်ေ “ သၟာကမၠောန်မွဲ ဒေါသတိတ်တုဲ ကညာၚ်ဟီုမာန်ဂလာန်ဍုဟ်မၠိတုဲ သမ္မတကလေၚ်ပ္လန်ကဵုဏာ ဗီုဏံဂှ် ဂပ်ဝ်ဒးရးမံၚ်” သာ်ဝွံ ဟီုရ။
သမ္မတထရ အခိၚ်ကွာ်ဗက်ကျောဝ်ဗဵုရံၚ်မံၚ် ပရေၚ်ပတိတ်ကွဳစက် Ford F-150 ဂှ် ပရူပရာဏံဒှ်မံၚ်တုဲ သၟာကမၠောန်ဗွဲမဂၠိုၚ်ဂှ်တှ်ေ တက်တဲဖအဴဆက်မံၚ်ဂလာန် တက်မံၚ်ဗီုရုပ်တံဂှ် ဂွံဆဵုရ။
ဗွဲကြဴ ညးဇၞော်ကာန်ပနဳ Ford ဗဳလ် ဖိုဒ်ဟီု “ ပရောဒဒှ်ပရေၚ်စိုတ်ဟွံမိပ်” တုဲ ညးတေံလေဝ် ဂွံအာမုက်ဂွအာညိညကီု သ္ဂးရ။
ဆဂး အပ္ဍဲလၟေၚ်တရဴ ပွိုၚ်အခိၚ်ၜိုတ်မွဲနာဍဳဂှ် ပရူဒဒှ်ဏံ ဒှ်လဝ်ၜိုတ် ၆ စက္ကဟေၚ်ဒှ်တုဲ လၟေၚ်တရဴဏံ ပြေပြံၚ်မံၚ် သ္ဂးရ။
အခိၚ်ကၠာတေံလေဝ် ယဝ်ရ သမ္မတ ထရ ဒးဒုၚ်ပါ်ပါဲပ္ဍဲကဵုဂတမုက်ညးဂမၠိုၚ်မ္ဂး အခိၚ်ဟွံပတိတ်ဟွံထေက်တံ အလန်ကဵုအလန် စကာကၠုၚ်လဝ်နွံရ။
ပ္ဍဲကဵုသၞာံ ၂၀၁၉ စပ်ကဵုလိက်စၟတ်သမ္တီ ဂျက်ဖရဳအက်သတိၚ် ဇကုညးတေံ ညးတေံဂစိုတ်လဝ် ပ္ဍဲကဵုထံၚ် ကေုာံ ဗီုဖျေံစဳရေၚ်လဝ်ဒုဟ်တံတုဲ ဗီုရပ်စပ်လဝ်ဂှ် ဒဵုကဵုလၟုဟ် ဒးဒုၚ်ဇီုကပါ်မံၚ်ကဵု ပရေၚ်ပါ်ပါဲနာနာသာ် မဒှ်ရ။
ဆဂး စပ်ကဵုအမှု အက်သတိၚ်ဂှ် ဟွံဍာံပြပုဟ် ထရ တးပါဲကယျာန်မံၚ်လၟိန်ရ။
ပရေၚ်ပတိတ်ကပေါတ်နူအပ္ဍဲဍုၚ်တံဂှ် မိက်ဂွံထ္ၜး နူကဵုအလဵုအသဳ ကဵုမံၚ်အထံက်ပၚ်ရောၚ် ရန်တၟံတရဴမဳချဳဂါန်မဒှ်တုဲ သွက်ပေါဲရုဲမာဲ ၂၀၂၆ မ္ဂး တွဵုရးမဳချဳဂါန်ဂှ် စွံလဝ်ပရေၚ်ဇြိုဟ်နက်မွဲ မဒှ်ရ။
Ref:Reuters