ဝါယှေန်တန်၊ ဂျာန်နဝါရဳ ၁၃
နဒဒှ်သမ္မတယာယဳ ဗင်နဳဇြဲဠာ အလဵုဇကုထရ ဗီုရုပ်မွဲတၞးလလောၚ်တြးလဝ်ကေတ်တ်ဂှ် ထမံက်ပတိတ်လဝ် ပ္ဍဲမဳဒဳယာပရေၚ်မၞိဟ်ရ။
ဒပ်အမေရိကာန် လုပ်ဗတိုက် ဗင်နဳဇြဲဠာ ရပ်ကေတ်သမ္မတ နဳကိုလာတ်သ် မာဒူရိုတုဲ ခြာဟွံလံ ပ္ဍဲဂျာန်နဝါရဳ ၁၁ ဂှ် ညးတေံပတိုန်လဝ် ပ္ဍဲကဵု မဳဒဳယာပရေၚ်မၞိဟ် Truth Social အတိုၚ်ဏံရ။
စောဲစပ်လဝ် မာဒူရို နကဵုတင်အမှု ဂဥုဲၜူမာဲ၊ လွဟ်တံတုဲ အမေရိကာန် ပတိုန်ရုၚ်စၟဳစၟတ်မံၚ်ကီုလေဝ် ညးတေံဂှ် ဒှ်မံၚ်ကောန်ထံၚ် ပေါဲပၞာန်မွဲတုဲ ဒုဟ်ဟၟဲပုဟ် ပတိတ်စလဝ်ရ။
စနူဂျာန်နဝါရီ ပရေၚ်ဏံလမျီုစလုပ်ကၠုၚ်လဝ် ပရေၚ်ချူထမံက်လဝ်ဏံမ္ဂး ရန်တၟံလဝ် သွက်ဂွံထိၚ်ကြာပ်အာ ပ္ဍဲကာလအပြံၚ်အလှာဲ ဍုၚ်ဗင်နဳဇြဲဠာရောၚ် ပရေၚ်ဟီုဂးတံ ဇြဟတ်ပဵုခိုဟ်တိုန်ရ။
မာဒူရိုကဵု သမ္ဘာညးတေံ သဳလဳယာ ဖလဝ်ရေတ်သ်တံ အမေရိကာန် ရပ်ဏာတုဲ ဒုသမ္မတ ဗင်နဳဇြဲဠာ ဒေဝ်လ်သဳ ရိုဒရဳဂေါတ်ဇ် နဒဒှ်သမ္မတယာယဳ ယဵုဗ္စာရ။
ပ္ဍဲကာလအပြံၚ်အလှာဲဏံ သွက်ဂွံထိၚ်ကြာပ်ကောပ်ကာဲအာ ဗင်နဳဇြဲဠာကဵု ကၠေင်ဍေၚ်တံရောၚ် အလဵုအသဳထရ ဟီုလဝ်ရ။
ၜိုန်ရထရ ဟီုဂးမံၚ်အတိုၚ်ဏံကီုလေဝ် အကြာဝါယှေန်တန်ကဵု ကာရာကာတ်သ်တံ ကၠောန်မံၚ်ပရေၚ်ပ္ညဳပ္ညပ်အမာတ်ကလုတ်ဖိုအ် မဒှ်ရ။
သွက်ဂွံကလေၚ်ပံက်အာ ရုၚ်ကလုတ်အမေရိကာန် မာတ်လဝ်အခိၚ်လံလတေံမာန် သွက်ဂွံလ္ၚတ်အာ ဂကောံညးစၞးအမေရိကာန် အမာတ်ကလုတ်ကေုာံ ပရေၚ်ဂီုကၠီုတံ စိုပ်ကၠုၚ်ဍုၚ်ဇၞော်ဗၚ်နဳဇြဲဠာရ။
ပ္ဍဲကၟိန်ဍုၚ်နိဂီုညးတၞဟ်မွဲမွဲဂှ် ထရဒှ်သမ္မတယာယဳ ဂံၚ်ဟီုဏာဗီုဏံဂှ် ပ္ဍဲကဵုရာဇဝင်တၟိ အမေရိကာန် မွဲဝါလေဝ်ဟွံကေၚ် ဂဗဆဵုကၠုၚ်လဝ် မဒှ်ရ။
လ္တူဍုၚ်ညးတၞဟ်သ္အာၚ်မွဲမွဲ စိုတ်မိက်ဂွံလုပ်ပသောၚ်အကြာ ကၠောန်အာပွ ဟွံသ္ပကာကဵုညးဂမၠိုၚ်ဗီုဏံဂှ် ဍုၚ်ဂမၠိုၚ် တူရကဳကီု ပျုတ်ဗဒေက်ဟီုဂးမံၚ်အိုတ်ရ။
ဍုၚ်ကျူပါ မဟာမိတ် ဗင်နဳဇြဲဠာဂှ်လေဝ် ယဝ်ရဟွံကေတ်တၚ်တုပ်စိုတ်ကဵု အမေရိကာန်မွဲမွဲသာ်မ္ဂး ဆက်ဂွံအာကၠေၚ်ဍေၚ်ကဵု သြန် ဗင်နဳဇြဲဠာဟွံသေၚ်ရောၚ် ထရကဵုလဝ်သတိကီုရ။
တုဲပၠန် ဒၞာဲဗလးတိ ဂိုဏ်ဂဥုဲၜူမာတံ ချဳဒရာၚ်မံၚ်ဂှ် ဗလးပၞာန်တိုက်တံတုဲ ဗတိုက်သရိုဟ်ထောံရောၚ် ညးတံဘပဠလဝ်ကီုရ။
Ref:Yenisafak