မတ်မလီု၊ အံက်တဝ်ဗာ (၂၁)
စဵုကဵုစၟတ်တ္ၚဲ အံက်တဝ်ဗာ(၂၀)အတိုင် AAPP တအ် လလောင်တြးထ္မံက်ထ္ၜးလဝ်ဂှ် အလုံကၟိန်ဍုင်ဗၟာဏံ အခိင်ပၞာန်သီအဝဵုတုဲ အပ္ဍဲ (၆၂၇)တ္ၚဲဂှ် ညးဍုင်ကွာန်မှာဇန် မဒးဒုင်ဂစိုတ်ထောံ နကဵု ပကီုပရာပ်ဂှ် မၞုံကၠုင် စဵုကဵု (၂၃၇၆)တၠဂှ် ဂွံတီကေတ်ရ။
လၟိဟ်ညးမဒးဒုင်ရပ်လဝ်ဂှ် မၞုံကၠုင် (၁၅၉၀၆)တၠ မဒှ်တုဲ၊ လၟိဟ်ညးမဒးဒုင်ပတိတ်လဝ် လိက်ဝါရာန်ဂှ် မၞုံကၠုင် (၃၁၇၉)တၠ မဒှ်ရ။
ပၞောဝ်ကဵုဂကောံပၞာန်သီအဝဵုတအ် ဂစိုတ်ထောံ ဗွဲမပကီုပရာပ်ဂမၠိုင်ဂှ် နူကဵုလ္တူဍုင်လ္ဂုင်ဂှ် ညးမဒးပြဟ်လလုဲအာ ဂၠိုင်အိုတ်တုဲ၊ အပ္ဍဲတွဵုရးဍုင်မန် ညးမဒးပြဟ်လလုဲအာဂှ် မၞုံကၠုင် (၁၄)တၠကီု၊ညးမဒးဒုင်ရပ်လဝ်ဂှ် မၞုံကၠုင် (၄၀၀)ပြင်မဒှ်တုဲ တ္ၚဲတုဲကၠုင်လဝ်တေံဂှ် ကလေင်ဗၠးတိတ်ကၠုင်(၂၀၀)ပြင် မဒှ်ရ။
ပရိုင်-(သံလွင်တိုင်းမ်)
နိတ်သဲ -AAPP