ဗြဝတဳ၊ အံက်တဝ်ဗာ (၂၆)
ပ္ဍဲသ္ကုတ်ဂၠံၚ်အာယှ ဗြဝတဳ−ကအ်ကြိက်၊ တွဵုရးကရေၚ်ဂှ် ပ္ဍဲဂိတုအံက်တဝ်ဗာ (၂၅) ပယျာံတ္ၚဲစေၚ်ဂှ် အကြာဒပ်ကံၚ်ဇြဳပၞာန်ကဵု ဒပ်ပံၚ်ကောံ KNLA တံ ဒှ်လဝ်ပန်ပှော်တုဲ ကွဳစက် (၂) ဖ္ဍိုက် မအာကၠုၚ်ဒၟံၚ် လ္တူဂၠံၚ်ဇၞော်အာယှဂှ် ဒးဒုၚ်စံၚ်ပလီုလဝ်ရောၚ် ညးအာတရဴတံ ဟီုရ။
ပ္ဍဲဂၠံၚ်ဇၞော်အာယှ ဗြဝတဳ−ကအ်ကြိက် ဒၞါဲပရေၚ်ပၞာန်ကြံၚ်မ္ၚိုဟ်တံ နွံဒၟံၚ်ဂှ် အကြာဒပ်ကံၚ်ဇြဳပၞာန်ကဵု ဒပ်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA တံ က္တဵုဒှ်ပန်ပှော်တုဲ ကွဳစက် (၂) ဖ္ဍိုက် ဒးဒုၚ်စံၚ်ပလီုလဝ်ရ။
ပ္ဍဲဂၠံၚ်ဇၞော်အာယှ ဗြဝတဳ−ကအ်ကြိက်ဂှ် စနူဂိတုအံက်တဝ်ဗာ (၁၈) တုဲကၠုၚ်တေံတုဲ အကြာဒပ်ၜါလ္ပာ်တံဂှ် က္တဵုဒှ်လဝ်ပေါဲဗ္တိုက်တုဲ ပ္ဍဲသ္ကုတ်ဂၠံၚ်အာယှဂှ် ကွဳစက်ဗွဲမဂၠိုၚ် ကၟာတ်ဆိုအ်အာတုဲ ဟိုတ်နူအကာဲအရာပေါဲဗ္တိုက် အပ္ဍဲဍုၚ်ကအ်ကြိက်တံဂှ်တုဲ ဒေါအ်ဇူလဝ် အခေါၚ်အာကၠုၚ်တရဴ ပ္ဍဲဂၠံၚ်ဇၞော်အာယှဂှ် ယာယဳရ။
ပ္ဍဲလ္တူဂၠံၚ်ဇၞော်အာယှဂှ် ပေါဲဗ္တိုက်ၜါလ္ပာ်တံ က္တဵုဒှ်ဒၟံၚ် မွဲဏှမွဲဏှတုဲ ပ္ဍဲလၟေၚ်ဒဒှ် ညးဍုၚ်ကွာန်ကောန်အရာပ် ဇီုကပိုက်တံကဵု ကွဳစက်တံ ဒးဒုၚ်စံၚ်ပလီုပလာ်လဝ်ဂှ် အကြာကံၚ်ဇြဳပၞာန်ကဵု ဒပ်ပံၚ်ကောံ KNLA တံဂှ် မွဲလ္ပာ်ကုမွဲလ္ပာ် စောတ်စောဲဒၟံၚ်အိုတ်ရ။
သ္အာၚ်နူဂှ်ပၠန် တုဲကၠုၚ်အပ္ဍဲတ္ၚဲအကြာတံဏံ ကြဴနူပေါဲဗ္တိုက်အပ္ဍဲဍုၚ်ကအ်ကြိက် သ္ကာတ်မြဟ်တုဲဂှ် ဒပ်ကံၚ်ဇြဳပၞာန် လၟေၚ်ၚ်ဗ္တံ ပွမပန်ပှော်လွဟ်လက်နက်ဇၞော်ကြာန်န် ပ္ဍဲဍုၚ်ကအ်ကြိက်တံဂှ် ကၠောန်သ္ပဒၟံၚ်တုဲ ညးဒေသကအ်ကြိက် မဒးဂြိပ်ဒဴပါဲဒလေတ်ဒၟံၚ်တံလေဝ် ဒပ်ကံၚ်ဇြဳပၞာန် ထပ်ဗ္တိုက်ကၠုၚ်ကဵု က္ၜၚ်ကျာပၠန်ဂှ် ဂွိၚ်ဂွါဲဒၟံၚ်အိုတ်ရ။
ပရိုၚ်−သြၚ်လောန်တိုၚ်(မ်)