ရေဝ်၊ အံက်တဝ်ဗာ (၃၀)
ဟိုတ်နူတိဍာ်ဟွံညိၚ်ဝတ်တုဲ ပ္ဍဲဘာဗ္တောန်လိက် နူပွိုၚ်ဍုၚ်ရေဝ်၊ တွဵုရးဍုၚ်မန်တံဂှ် မၞိဟ်တိုန်ဘာ စဵုကဵုဟွံမွဲအောန်ဒၟံၚ်တုဲ ဘာဗ္တောန်လိက် လ္ၚဵုတံလေဝ် ကၟာတ်လဝ်ဘာယာယဳဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲပွိုၚ်ဍုၚ်ရေဝ်ဂှ် ပွမပန်ပှော် အကြာဒပ်ကံၚ်ဇြဳပၞာန် ကဵု ဒပ်စဵုဒၞါညးဒေသတံ ဆက်က္တဵုဒှ်ဒၟံၚ်တုဲ ဗ္တိုက်ဒၟံၚ် ရုၚ်ကံၚ်ဇြဳပၞာန် နူဌာနမဆေၚ်စပ်တံဂှ် မွဲဏှမွဲဏှရ။
သ္အာၚ်နူဂှ်ပၠန် တုဲကၠုၚ်တ္ၚဲအကြာတံဏံလေဝ် ဂကောံဇြဟတ်ပၠန်ဂတးတံ သွက်ဂွံသ္ပ CDM ဂှ် နဒဒှ်အလန်လက္ကရဴအိုတ် ကဵုလဝ်သတိ ကုဂအုပ်ဘာ၊ အ္စာ၊ အ္စာၝောံ Non CDM နူဘာဗ္တောန်လိက် ပွိုၚ်ဍုၚ်ရေဝ်တံဂှ်ရ။
ကြဴနူဒးဒုၚ်ကဵုသတိတုဲဂှ် အ္စာ၊ အ္စာၝောံ Non CDM တံ ဟွံတိုန်ဘာအိုတ်တုဲ မိမကွးဘာတံလေဝ် ဟွံကဵုကွးဘာတံ အာဘာရပုဟ်ဂှ် ညးဒေသတံ သ္ဂးရ။
ဟိုတ်နူအကာဲအရာတံဏံတုဲ ပ္ဍဲဘာဗ္တောန်လိက် လ္ပာ်ကွာန်ရးတံဂှ် မၞိဟ်တိုန်ဘာ စဵုကဵုဟွံမွဲ အောန်ဒၟံၚ်တုဲ ပ္ဍဲဘာဗ္တောန်လိက် နူကဵုအရာပ် လ္တူဍုၚ်တံဂှ် မၞိဟ်တိုန်ဘာ ညိညဟေၚ်ရ နွံဂှ် ဂွံတီကေတ်ရ။
စပ်ကဵုအကာဲအရာ ဘာဗ္တောန်လိက် နူပွိုၚ်ဍုၚ်ရေဝ်တံတုဲ နူကဵုသြၚ်လောန်တိုၚ်(မ်) ၜိုန်ရဆက်စၠောံသၟာန်သၟုက် ကုသ္ကိုပ်ပရေၚ်ပညာ တွဵုရးဍုၚ်မန်ဂှ်ကီုလေဝ် ဒုၚ်တဲသွဟ်လဝ်ဂှ် ဟွံမွဲရ။
ပ္ဍဲပွိုၚ်ဍုၚ်ရေဝ်ဂှ် ဘာဗ္တောန်လိက် အပံၚ် (၂၇၈) မဟွံက နွံဒၟံၚ်တုဲ ကွးဘာ (၃၀,၀၀၀) ပြၚ် တိုန်စိုပ်ကတ်ဒၟံၚ်ပညာရ။
ပရိုၚ်−သြၚ်လောန်တိုၚ်(မ်)