ကျာ်ထဝ်၊ အံက်တဝ်ပါ ၂၁
အပ္ဍဲတွဵုရးမန် ပွိုၚ်ဍုၚ်ကျာ်ထဝ်ကဵု ၜဳကလေၚ် ဟိုတ်နူဘဲလွဟ်ဇၞော်ကဵု ဒရုၚ်ဒပ်ပၞာန်ဗမာတံတုဲ ညးဍုၚ်ကွာန် ၃၀၀၀ ပြၚ် ထောံသ္ၚိဌာန် ဒးဂြိပ်ပါဲမံၚ်ရဂှ် ဂွံတီနူကဵုညးဒေသတံရ။
စနူအံက်တဝ်ပါ ၁ စဵုစိုပ် ၁၉ ဂှ်တှ်ေ နူကဵုတမ်ဒပ်ပၞာန်ဖျေံသ္ဇိုၚ်ပွိုၚ်ဍုၚ်တံဏံ ဒၞာဲကွာန်ညးဒေသတံ မံၚ်စံၚ်တန်တဴမံၚ်ဂှ် ဒပ်ပၞာန်ဗမာတံ ပန်လွဟ်ဇၞော်ကဵု ဒရုၚ်ဗက်ကြဳမံၚ်ဗုမ် ကၠောန်မံၚ်အရိုဟ်ဟ်တ္ၚဲနွံရ။
ဟိုတ်နူဘဲလွဟ်ဇၞော်ကဵု ဒရုၚ်ဒပ်ပၞာန်ဗမာတံတုဲ ပ္ဍဲပွိုၚ်ဍုၚ်ကျာ်ထဝ် ကွာန်ငပျဝ်တဝ်ကဵု ဇြဳကုၚ်၊ ပွိုၚ်ဍုၚ်ၜဳကလေၚ် ကွာန်ယှာန်သုကဵုကရဝေသိက်တံ ညးဍုၚ်ကွာန် ၃၀၀၀ ပြၚ် ထောံသ္ၚိဌာန် ဒးဂြိပ်ပါဲမံၚ်ရ။
အခိၚ်လၟုဟ်ဏံ ဒပ်ပၞာန်ဗမာထပ်ပန်မံၚ်ကဵုလွဟ်ဇၞော်ဂှ်ရ ဟွံဂံၚ်ကလေၚ်စဴကွာန်တုဲ ကၠောန်ကမၠောန်လေဝ် ဟွံဂွံပုဟ် ညးပါဲဘဲပၞာန်မွဲတၠ ဟီုရ။
အပ္ဍဲဂိတုဏံ ပ္ဍဲပွိုၚ်ဍုၚ်ကျာ်ထဝ်ကဵု ပွိုၚ်ဍုၚ်ၜဳကလေၚ် ဟိုတ်နူဒပ်ပၞာန်ဗမာ ပန်မံၚ်လွဟ်ဇၞော်ကဵု ဗက်ကြဳမံၚ်ဗုမ်နူဗလးကျာဂှ်ရ ညးဍုၚ်ကွာန်ချိုတ်လဝ် ၈ တၠ၊ ဒးလဝ်ဝပ် ၁၀ ၊ သ္ၚိဌာန် ၁၃ မ လီုလာ် အာလဝ်ရ။
ညးဍုၚ်ကွာန် ထောံသ္ၚိဌာန်ဒးဂြိပ်ပါဲမံၚ်တံဂှ် နွံမံၚ်ပၟိက်ကဵု အရီုဗၚ် ပရေၚ်ဗစာရဏာမၞိဟ်တံမဗ္တံကဵုစၞစ၊ ဂဥုဲဇဗနာနာတံရောၚ် ဂွံတီနူကဵု ဗော်သွးကောန်ဂကူကရေၚ် KNU ခရိုၚ်သဓီုရ။
ပရိုၚ်-သြၚ်လောန်တိုၚ်မ်
Photo – CJ