ရေဝ်၊ နိုဝမ်ပါ ၆
တွဵုရးမန် အပ္ဍဲပွိုၚ်ဍုၚ်ရေဝ် ရပ်ဂွံလဝ်အကြာပ်ဒပ်မွဲတၠ နူကဵုဒပ်ဗလံက် အမတ ၃၁၆ ဖျေံသ္ဇိုၚ်ကွာန်ကလအ်ရဂှ် နူကဵုဂကောံလကိုတ်ရေဝ် လလောၚ်ပတိတ်ပရိုၚ်ရ။
အပ္ဍဲနိုဝမ်ပါ ၄ ၜိုတ်အခိၚ်သဝ်တ္ၚဲ ၅ နာဍဳပြၚ်ၚ် အကြာပ်ဒပ် ကျဝ်တူဝေန် အာယုက် ၃၉ သၞာံ တိတ်ကၠုၚ်နူတမ်ဒမ်ဂှ် ရဲဂကောံ လကိုတ်ရေဝ်တံ ရပ်ဂွံလဝ်ရ။
နူကဵုတဲအကြာပ်ဒပ် ကျဝ်တူဝေန်ဂှ် ရပ်သီဂွံ မခတိုဟ်မွဲမတုဲ သွက်ဂွံစၟဳစၟတ်အာ နူကဵုဂကောံလကိုတ်ရေဝ်တံ ကော်ဏာလဝ်ရဂှ် ဂွံတီရ။
အဟိန်စၟဳစၟတ်သၟာန်မံၚ် အကြာပ်ဒပ် ကျဝ်တူဝေန်ဏံဂှ် ပရိုၚ်ချိုတ်အာတံတိတ်ကၠုၚ်တုဲ စပ်ကဵုပရေၚ်ဒဒှ်ဏံ
နူကဵုဌာန်ပရိုၚ်သြၚ်လောန်တိုၚ်မ် ကေတ်အဆက်သၟာန်ဏာ ဂကောံလကိုတ်ရေဝ်ကီုလေဝ် ဟွံကလေၚ်သှ်ကဵုဏီပုဟ်။
တုဲကၠုၚ် အခိၚ်သဝ်တ္ၚဲ နိုဝမ်ပါ ၂ တေံဂှ်လေဝ် ပ္ဍဲကဵုကွာန်အိုၚ်ပုက် ပွိုၚ်ဍုၚ်ရေဝ်ဂှ် ဂကောံလကိုတ်ရေဝ်တံ လုပ်ပန်ဒပ်ပၞာန်ဗမာတုဲ ကောန်ပၞာန်ဗမာချိုတ်အာ ၂ တၠ ဂွံတီရ။
ပရိုၚ်-သြၚ်လောန်တိုၚ်မ်
Photo – လကိုဟ်ရေဝ်