ပါရဳ ၊ နိုဝမ်ပါ ၆
ပ္ဍဲကဵုသၞောတ်ကန်ပျူတာ သူပါမာကိတ် နူသဳဒေန် စိုပ်ဗာ(လ်)ဂျဳယာန်တံဂှ် ဒှ်ပရေၚ်ဗတိုက်သိုက်ဖာ မွဲအခိၚ်ဓဝ် အကြာနိုဝမ်ပါ ၁-၂ အခိၚ်ဗ္တံတံ ဒှ်ပရေၚ်ဗတိုက်သိုက်ဖာမွဲတုဲ ကဠာဓါတ်ဂံက် ဗာန်ကဵုဒါန်ဆီ ၃ မ ပ္ဍဲဍုၚ်ပြၚ်သေတ် ယောၚ်ယာ အာရ။
သၞောတ်မၚ်ရံၚ်ထိၚ်ချုက် ဂဒမ်ဂံက်လ္ၚဵုတံ ဟိုတ်နူပရေၚ်ဗတိုက် သိုက်ဖာမွဲဂှ် ယောၚ်ယာအာတုဲ သၞောတ် EFS ဗာန်ကဵုဒါန်ဆီ ပြၚ်သေတ် စမြိုၚ်ဒၞာဲပ္ဍဲဒေသလ္ၚဵုတံ လီုလာ်အာနွံရဂှ် နူကဵုဌာန ပရေၚ်ထတ်ယုက် လလောၚ်တြးရ။
ဟိုတ်နူပရေၚ်ဏံဂှ် တၚ်ယုတ်ဒေက် လ္တူပရေၚ်ထံက်ပၚ်ဆီ ဟွံမွဲကီု၊ အခိၚ်နွံတိုန်ပၟိက်ဆီမ္ဂး ညးယိုက်ဝန်တံ နွံမံၚ်ပွိုၚ် ၂၄ နာဍဳပေၚ်ၚ်ဂှ် ညးနွံအခေါၚ်ဟီုဂး EFS ချာလေ ဒူဗိုအ် ဟီုရ။
အပ္ဍဲမွဲအခိၚ်ဓဝ်ဟေၚ် ဟက်ကာတံ ကၠောန်ဗတိုက်သိုက်ဖာ ဆေၚ်သတိုဝ် ကဠာဍာ်ဂံက် ဍုၚ်ယူရောပ် ၈ ဍုၚ်တံတုဲ စၞစနူကဵုဆေၚ်ဖျာ သွံတိုၚ်တံ ဒးကၠဟ်ထောံဗွဲမဂၠိုၚ် နွံရ။
အကာဲအရာတံဏံ ပ္ဍဲနိုဝမ်ပါ ၄ ဂှ် ထိၚ်ချုက်အာမာန်ကီု ဗဒမ်ကဠာဂံက်တံဂှ်လေဝ် ကၟာတ်ထပိုတ်ထောံ နူထိၚ်ဇ္ၚောဲတေံ မာန်ကီု နူကဵုဌာနဝန်ဇၞော်ပရေၚ်ထတ်ယုက် ဟီုလဝ်ရ။
ဗီုပြၚ်လဵု ကၠောန်ဗတိုက်လဝ်ဂှ် ကလေၚ်စၟဳစၟတ်မံၚ်တုဲ ကရိယာလဵု ယောၚ်ယာအာ၊ ပ္ဍဲအခိၚ်ကဵု ကလေၚ်ကၠောန်အာကမၠောန် ဘဲအန္တရာဲသောၚ်ၚ်အးအးမာန်ရောဂှ် စၟဳစၟတ်မံၚ်ရ။
အပ္ဍဲသၞာံ ၂၀၂၂ နူရတ်ယှာ လုပ်ၜက်ၜေတ်ဗတိုက်လဝ် ယူခရုၚ်တုဲ အခိၚ်ပရေၚ်ဂီုကၠီုကြံၚ်မ္ၚိုဟ်ဏံ ဟိုတ်နူဒှ်ပရေၚ်ဗတိုက် သိုက်ဖာတံတုဲ အကြာဂကောံသမဂ္ဂယူရောပ်တံ ပရေၚ်ဒှ်ဒဝိၚ် သၠုၚ်တိုန်အာရ။
Ref:AFP