မတ်မလီု၊ နဝ်ဝေမ်ဗာ (၁၅)
ပ္ဍဲအရာပ်ဇြေယျာသဳရိ၊ ဍုၚ်မတ်မလီု၊ တွဵုရးဍုၚ်မန်ဂှ် ပ္ဍဲဂိတုနဝ်ဝေမ်ဗာ (၁၄) စနူအခိၚ်ဇိုၚ်သဝ်တ္ၚဲ (၅) နာဍဳကဝက်တုဲဂှ် က္တဵုဒှ်ဒၟံၚ် ပရေၚ်ပန်ပှော်တံရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
နကဵုပရိုၚ် ဂကောံဒပ်စဵုဒၞါညးဍုၚ်ကွာန်တံ စိုပ်ဒၟံၚ် ပ္ဍဲသ္ၚိမွဲမ နူအရာပ်ဇြေယျာသဳရိတံဂှ်တုဲ အခိၚ်ဒပ်ကံၚ်ဇြဳပၞာန် ကေုာံ ကောန်ဒပ်ဗၠာဲသၟိၚ်တံ ကၠုၚ်စိုပ်လုပ်ဍိုက်ဗ္တိုက်ဂှ် မွဲလ္ပာ်ကုမွဲလ္ပာ် က္တဵုဒှ်လဝ် ပရေၚ်ပန်ပှော်ရ။
ပ္ဍဲကဵုပရေၚ်ပန်ပှော်ဏံဂှ် ဂကောံဒပ်ဗၠာဲသၟိၚ်ကံၚ်ဇြဳပၞာန်လ္ၚဵုတံကဵု ကောန်ဗၠာဲ သ္ကိုပ်အုပ်ဓုပ်အရာပ်မွဲတၠ ဇီုကပိုက်ဂွံအာလဝ်ဝပ်ဂှ် ဂွံတီကေတ်ကီုလေဝ် နကဵုသြၚ်လောန်တိုၚ်(မ်) သ္ပဒတန်တၞဟ်ခြာ ဟွံမာန်ဏီရ။
အပ္ဍဲပရေၚ်ပန်ပှော်ၜါလ္ပာ်ဂှ် ဒပ်ကံၚ်ဇြဳပၞာန် ပန်ပှော်ဒၟံၚ် လွဟ်လက်နက်ဇၞော် ဟွံပိုတ်သ္ကုတ်ဂှ်ရ ညးအရာပ်ဇြေယျာသဳရိတံလေဝ် ဒးပါဲဒလေတ်ကၠုၚ် လ္ပာ်ခဠာတ်ဒိုၚ်ဝန် ဒၞါဲဗၠးဘဲတံရဂှ် သ္ဂးရ။
ကြဴနူက္တဵုဒှ်ပရေၚ်ပန်ပှော် လ္တူဍုၚ်မတ်မလီုတုဲဂှ် လ္ပာ်ကံၚ်ဇြဳပၞာန် ထပ်သၠဲပ္တိုန်ကၠုၚ် ဇြဟတ်ဒပ်တံတုဲ ပ္ဍဲဒၞါဲဂၠံၚ်လုပ်တိတ်ဍုၚ်တံလေဝ် ကၟာတ်လဝ်နွံဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)