မတ်မလီု၊ ဒဳဇြေမ်ဗာ (၂၇)
ပ္ဍဲဗ္ဒမ်တိုက်မွဲ မၞုံအရာပ်လှာၚ်၊ ဍုၚ်မတ်မလီု၊ တွဵုရးဍုၚ်မန်ဂှ် ဒပ်ကံၚ်ဇြဳပၞာန် ကၠုၚ်စိုပ်ရပ်ဒက်ဏာလဝ် ဂကူရိုဝ်ဟေန်ဂျာ (၂၄) တၠဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲဂိတုဒဳဇြေမ်ဗာ (၂၅) တုဲကၠုၚ်တေံ အခိၚ်လဒေါဝ်တ္ၚဲ (၁၂) နာဍဳပြၚ် ပ္ဍဲကဵုသ္ၚိဒၟံၚ် ဥူနာၚ်ထောန် တိုက် (၅) ထပ်ဂှ် အတိုၚ်ပရိုၚ်မဂွံလဝ် ရိုဝ်ဟေန်ဂျာတံ စိုပ်ဒၟံၚ်ဂးတုဲ ဒပ်ကံၚ်ဇြဳပၞာန်ကဵု ဂကောံဒပ်ဗၠာဲသၟိၚ်တံ စိုပ်ကၠုၚ်တုဲ ရပ်ဒက်ဏာလဝ်ရ။
ပ္ဍဲကဵုမၞိဟ်ဒးဒုၚ်ရပ်ဒက်တံဂှ် ကောန်ဂကူရိုဝ်ဟေန်ဂျာ တြုံ (၁၃) တၠ၊ ဗြဴ (၁၁) တၠ အပံၚ်ဖအိုတ် (၂၄) တၠ ပါလုပ်တုဲ ဗွဲမဂၠိုၚ် ဒှ်ညးသၟတ်တံဂှ် ဂွံတီကေတ်ရ။
အတိုၚ်ဂလာန်ညးဒေသတံဂှ်မ္ဂး ဂကူရိုဝ်ဟေန်ဂျာ မဒးဒုၚ်ရပ်ဒက်လဝ်တံဂှ်ဝွံ စိုပ်ကၠုၚ် နူကဵုဒေသလဵုရောဟီုဂှ် ဟွံဂွံတီကေတ်ကီုလေဝ် ရဲဒေသနူဏံ ဟွံသေၚ်ပုဟ်ဂှ် သ္ဂးရ။
ကုရိုဝ်ဟေန်ဂျာ မဒးဒုၚ်ရပ်ဒက်လဝ် (၂၄) တၠဂှ် ဒပ်ကံၚ်ဇြဳပၞာန်တံကဵု ဂကောံလဝကတံ စၟဳစၟတ်သၟာန်သၟုက်ဒၟံၚ် ပ္ဍဲဗ္ဒိုပ်ဗၠာဲသၟိၚ်တိဍာ်ဒိုၚ်ဝန်ဂှ် ဂွံတီကေတ်ရ။
ပ္ဍဲဂိတုဒဳဇြေမ်ဗာ (၅) တုဲကၠုၚ်တေံဂှ်လေဝ် ပ္ဍဲပါၚ်ကြုၚ်ကၟာဝက်၊ ပွိုၚ်ဍုၚ်မုဟ်ဍုၚ်၊ တွဵုရးဍုၚ်မန်ဂှ် ဒပ်ကံၚ်ဇြဳပၞာန် ရပ်ဂွံလဝ် ကောန်ဂကူရိုဝ်ဟေန်ဂျာ (၇၈) တၠ သီုကဵုပါလုပ် ကောန်ၚာ်သၟတ် မအောပ်မာဒၟံၚ် ပ္ဍဲဗုၚ်ဂၠုၚ်တံရ။
ပရိုၚ်−သြၚ်လောန်တိုၚ်(မ်)