မတ်မလီု-ဖေဖဝ်ဝါရဳ(၉)
အလဵုအသဳပရေၚ်ညဳသၟဟ်ကောန်ဂကူ NUG ဂှ် ၜိုန်ရဒးစကၠုၚ် နူကဵုသုညကီုလေဝ် အခိၚ်လၟုဟ်ဏံဂှ် နူကဏ္ဍစုၚ် ဆေၚ်ဒၟံၚ်မုက်ကဵု ဂကောံပၞာန်မာန်ဒၟံၚ်ယျတုဲ ပ္ဍဲကဵုကဏ္ဍတၞဟ်သ္အာၚ်တအ်လေဝ် ညံၚ်ဂွံသာလောန်လတူနူဏံ ကၠောန်သ္ပရေၚ်တၠုၚ်ဒၟံၚ်ရဂှ် သမ္မတယာယဳ ဒူဝါလယှဳလဟီုသ္ဂးလဝ်ရ။
ပ္ဍဲကောံဓရီုအလဵုအသဳပရေၚ်ညဳသၟဟ်ကောန်ဂကူ မရနုက် (၅) ဝါ မကၠောန်ဗဒှ်လဝ် ပ္ဍဲဂိတုဖေဖဝ်ဝါရဳ စၟတ်တ္ၚဲ (၇)တ္ၚဲဏံ အခိၚ်နူဂယးဂှ် ဟီုသ္ဂးကၠုၚ်လဝ် သာ်ဏံရ။
ရေၚ်တၠုၚ်ကေတ်ကၠုၚ်လဝ် ပရေၚ်အံၚ်ဇၞး ပ္ဍဲအခိၚ်ဇမၠေံ ဗီုလၟုဟ်ဏံမာန်ဂှ် ဒှ်ကၠုၚ်ဟိုတ်နူကဵုပရေၚ်ညဳသာ ကောန်ဍုၚ်အရၚ်ညးဍုၚ်ကွာန်တအ် ဟွံဒုၚ်တဲသၞောတ်တၠအဝဵုပၞာန် ဟၟဲပၟိက်ကဵု သၞောတ်တၠအဝဵုပၞာန်ပိုတ်တ်သ္ကုတ်တ်ရ” ဂှ် သမ္မယာယဳ ဒူဝါလယှဳလ ဟီုသ္ဂးလဝ်ရ။
သ္အာၚ်နူဂှ်ပၠန် နကဵုအလဵုအသဳကၟိန်ဍုၚ်နာနာဂမၠိုၚ် ညံၚ်ဂွံဒုၚ်တဲ သ္ပစၟတ်သမ္တီ အလဵုအသဳ NUG နဒဒှ်အလဵုအသဳလုပ်သၞောဝ်ဂှ် ရေၚ်တၠုၚ်ပ္တိတ်ဒၟံၚ်ဇြဟတ်တုဲ ပ္ဍဲမွဲလပါ်ပၠန်ဂှ်လေဝ် ကဵုဂကောံဇြဟတ်ပရေၚ်ပၠန်ဂတးတအ်ဂှ် ပ္တိတ်ဒၟံၚ်ဇြဟတ် ပရေၚ်ပံၚ်တောဲရေၚ်တၠုၚ် နတဲစှ်ေစှ်ေရဂှ် ဟီုသ္ဂးလဝ်ဏီရ။
ဟိုတ်နူသၞောတ်တၠအဝဵုပၞာန်ကဵု ဝါဒမဟာဂကူတုဲ အကြာညးဍုၚ်ကွာန်ကောန်ဍုၚ်အရၚ်တအ် ပရေၚ်လျုၚ်ပတှ်ေ လီုလာ်စာ်ထောၚ်ကၠုၚ်လဝ်ဂှ် အခိၚ်လၟုဟ်ဏံ ဒှ်အခိၚ်သွက်ဂွံကလေၚ်ဒက်ပ္တန် ခိုဟ်မွဲအခိၚ်တုဲ သွက်ဂွံဗတိုက်သရိုဟ် သၞောတ်တၠအဝဵုပၞာန်ကဵု ဂကောံပၞာန်ဂှ် ဒှ်အခိၚ်ခိုဟ်အိုတ်ရဂှ် ဂွံတီကေတ်ရ။
အခိၚ်လၟုဟ်ဏံမ္ဂး သ္ပဂရုကဵုတၚ် ညးဍုၚ်ကွာန်ကောန်ဍုၚ်အရၚ်နွံပၟိက်တုဲ စိုပ်ကၠုၚ်အခိၚ် သွက်ဂွံဒးဓမံက်ထ္ၜး ပရေၚ်ဆက်စၠောံရေၚ်တၠုၚ် ရေၚ်သ္ကအ် မၞုံကဵုဓဝ်ညဳသာရဂှ် သမ္မတယာယဳ ဟီုသ္ဂးလဝ်ရ။
ကောံဓရီုအလဵုအသဳပရေၚ်ညဳသၟဟ်ကောန်ဂကူဂှ် သမ္မယာယဳဒူဝါလယှဳလကီု၊ သီုသ္ကိုပ်ဝန်ဇၞော် မာန်ဝေန်ခိုၚ်တာန် ညးလုပ်ဂကောံဝန်ဇၞော်အလဵုအသဳဂမၠိုၚ် တိုန်စိုပ်လဝ်ရ။
ပရိုၚ်-သြၚ်လောန်တိုၚ်(မ်)