သဓီု၊ ဖေဖဝ်ဝါရဳ(၁၁)
တိဍာ်ထိင်ဒဝ် ဗော်သွးကောန်ဂကူကရေၚ် KNU ဒပ်မဟာ (၁) ခရိုင်သဓီု၊ ပ္ဍဲပွိုၚ်ဍုၚ်ဘာအၚ်ဂှ် ကောန်အရာပ် လိုန်ဒးမာၚ်တိုပ်တိ ဒပ် BGF တအ် ပါံတိုပ်စွံလဝ် ဒးချိုတ်အာ (၁) တၠတုဲ ဂွံလဝ်ဘဲဝပ် (၁)တၠရဂှ် KNU ခရိုၚ်သဓီု လလောၚ်တြးလဝ် ပ္ဍဲဂိတုဖေဖဝ်ဝါရဳ စၟတ်တ္ၚဲ (၉) ဂှ်ရ။
ပ္ဍဲဂိတုဖေဖဝ်ဝါရဳ တုဲကၠုၚ် စၟတ်တ္ၚဲ (၅) ကဵု (၆) ဂှ် ဒပ်မၚ်ပယျဵု BGF သၟဝ်တဲကံၚ်ဇြဳပၞာန် ဖျေံလဝ်ဗ္ဒပ် ပ္ဍဲကွာန်မိတ္ထဳလာ မာၚ်ပါံတိုပ်စွံလဝ် ပ္ဍဲဗွိုၚ်ဗ္ဒပ်မိတ္ထဳလာဂှ် ကောန်အရာပ် (၂)တၠ လိုန်ဒးလဝ်ရ။
ဟိုတ်နူလိုန်ဒးလဝ် မာၚ်တိုပ်တိဂှ်တုဲ ဒဝ်နဝ်ၚေဝ် အာယုက် (၅၈) နူကွာန်မိတ္ထဳလာဂှ် ဘဲဝပ်ဇိုၚ်ပါဲပိုတ်၊ သဝ်တာလာကွေ အာယုက် (၅၅) လိုန်ဒးမာၚ်တုဲ ဒးချိုတ်အာလဝ်ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
ပ္ဍဲဗ္ဒပ်ဂှ် တံဒပ် (BGF-၁၀၁၄) ဒှ်ဒပ်လ္ပာ် (၂) သၟဝ်တဲကံၚ်ဇြဳပၞာန်သီအဝဵုတုဲ ဒှ်ဗ္ဒပ် သ္ကိုပ်တံဒပ် ဗိုလ်မောၚ်ချေတ် က္ဍိုက်က္ဍိုပ် ဒပ်လ္ပာ်မွဲဗ္ဒပ်ရဂှ် ဟီုသ္ဂးလဝ်ရ။
ကောန်ဒပ် BGF မၞုံပ္ဍဲဗ္ဒပ်မိတ္ထဳလာဂှ် ဟိုတ်နူပါံစွံလဝ်မာၚ်တိုပ်တိ ပ္ဍဲဗွိုၚ်ဗ္ဒပ်ဂှ်တုဲ ပရေၚ်ဒးဒှ်ဂဝိၚ် ပ္ဍဲအကြာညးဒေသလွဳဗ္ၜေံ၊ ပြေၚ် ဂၠဴတုဲ ဒးဂယိုၚ်ဒၟံၚ်လမျီုတအ်ဂှ် သာတုဲ ဂၠိုၚ်တိုန်ကၠုၚ်ဒၟံၚ်ရ။
ပ္ဍဲတွဵုရးဍုၚ်မန်၊ ပွိုၚ်ဍုၚ်ရေဝ် ဒပ်ကံၚ်ဇြဳပၞာန် ဖျေံလဝ်ဗ္ဒပ် ပ္ဍဲဗ္ဒာဲကွာန်ဒဒန်ဇုက်ဂှ် ပါံလဝ်မာၚ်တုဲ နူကဵုဂိတုဂျာန္နဝါရဳ စၟတ်တ္ၚဲ (၂၈) စဵုကဵုဂိတုဖေဖဝ်ဝါရဳ စၟတ်တ္ၚဲ (၅) ပ္ဍဲပွိုၚ်မွဲသတ္တာဟဂှ် ညးဒေသ (၃)တၠ ဂွံကၠုၚ်လဝ်ဘဲဝပ်ရ။
ပရိုၚ်-သြၚ်လောန်တိုၚ်(မ်