မတ်မလီု၊ ဖေဖဝ်ဝါရဳ (၂၃)
စၟတ်တဲကၠောံဍုၚ်ဗၟာတံဂှ် စနူဂိတုဖေဖဝ်ဝါရဳ (၂၄) ကၠုၚ်စိုပ်ဏံတုဲ နကဵုသၞောတ်တၟိ နူကဵုအောန်လာၚ်ဂှ် အလဵုမၞိဟ်အာတ်ပ္တိုန်မာန်ယျ ကံၚ်ဇြဳပၞာန် လလောၚ်တြးလဝ်ရ။
သၞောတ်ဏံဂှ် ရပ်စပ်အာ ပ္ဍဲကဵုရုၚ်ပ္တိတ်ကဵုစၟတ်တဲကၠောံဍုၚ် မၞုံဍုၚ်လ္ဂုၚ်တံသၟးရတုဲ ပ္ဍဲကဵုတွဵုရး ကေုာံ ရးဒေသ မသှ်ေတံဂှ် ရေၚ်တၠုၚ်အာ အတိုၚ်ဗီုပြၚ် မအာတ်ပ္တိုန်ဒၟံၚ်ကၠာတေံရဂှ် သ္ဂးရ။
ပ္ဍဲအရာရေၚ်တၠုၚ်ကဵုသာ်ဏံဂှ် ဒးပၠောပ်ကဵုခရိတ်အိုတ် အတိုၚ်ၚုဟ်မခုတ်လဝ်တံ မွဲအလန်ဓဝ်ဂှ် ဟီုဂးလဝ်တုဲ မၞိဟ်အခက်အခုဲနွံ သွက်ဂွံအာတ်ပ္တိုန် နူကဵုအောန်လာၚ်တံဂှ် အာတ်မိက်အရီုဗၚ် ပ္ဍဲဗ္ဒိုပ်ဗၠာဲသၟိၚ်ပွိုၚ်ဍုၚ် မဆေၚ်စပ်တံမာန်ရောၚ်ဂှ်လေဝ် လလောၚ်ပ္တိတ်လဝ်ရ။
နကဵုမၞိဟ် အာတ်ပ္တိုန်လဝ်စၟတ်တဲကၠောံဍုၚ်တုဲ မဒးမၚ်ဒၟံၚ်တံဂှ် ဣဏံဝွံ ဒှ်အကာဲအရာ မစၟဳမၚ်လဝ်မွဲတုဲ ကလေၚ်ကဵုလဝ်အခေါၚ် နကဵုသၞောတ်ဗ္ၜတ်တံဂှ်ရ ဒှ်ကၠုၚ်ပၞော်စ သွက်ဗၠာဲသၟိၚ် ကေုာံ ညးစအကြာတံမာန်ဂှ် ဟီုဂးပါ်ပါဲဒၟံၚ်တံ နွံဒၟံၚ်ရ။
လ္ပာ်ကံၚ်ဇြဳပၞာန်ဂှ် ဟိုတ်နူစဳဇန်လဝ် သွက်ဂွံအာတ်ပ္တိုန်စၟတ်တဲကၠောံဍုၚ် ဗွဲမလောဲသွာမာန်ဂှ်ရ လ္ပရေၚ်တၠုၚ်ကဵု ညးစအကြာတံအိုတ်ဂှ် ဟီုဂးလဝ် ပ္ဍဲကဵုတၚ်လလောၚ်တြးဂှ်ရ။
ပရိုၚ်−သြၚ်လောန်တိုၚ်(မ်)