မတ်မလီု၊ အဝ်ဂါတ် (၇)
ဌာနဝန်ဇၞော်ကာစဵုဒၞါ အလဵုအသဳညဳသၟဟ်ဂကူဂှ်ဝွံ ယဝ်ရလုပ်စိုပ်စ္ၜုဲစ္ၜော်ကၠုၚ် ဇရေၚ်ညးဍုၚ်ကွာန်တံ နကဵုလွဟ်လက်နက် မတာဒၞါမာန် နူပွမဗ္တိုက်ဂၠံၚ်ကျာတံဂှ်မ္ဂး ဖျေံအာလာပ်ဗဇဴ ဗွဲမထိုက်တန်ရောၚ်ဂှ် လလောၚ်ပ္တိတ်လဝ်ပရိုၚ်ရ။
နကဵုစၟတ်တ္ၚဲ ဂိတုအဝ်ဂါတ် (၆) ဂှ် ယဝ်ရလုပ်စိုပ်စ္ၜုဲစ္ၜော် ဇရေၚ်ညးဍုၚ်ကွာန်တံ မွဲကရောံကဵု လွဟ်လက်နက် မပန်ပှော် က္ၜၚ်ကျာတံကဵု က္ၜၚ်ကျာသၞေၚ်ဝဲ မတာဒၞါမာန် နူပွမဗ္တိုက်ဂၠံၚ်ကျာ ကံၚ်ဇြဳပၞာန်ပကီုပရာပ် လ္တူညးဍုၚ်ကွာန်တံကဵု ဂကောံဇြဟတ်ပၠန်ဂတးတံဂှ်မ္ဂး ဖျေံအာလာပ်ဗဇဴ ဗွဲမထိုက်တန်ရောၚ်ဂှ် လလောၚ်ပ္တိတ်လဝ်ရ။
ကံၚ်ဇြဳပၞာန်ဝွံ သ္ၚိဒၟံၚ်ညးဍုၚ်ကွာန် နူကဵုတွဵုရးချေၚ်၊ တွဵုရးကရေၚ်ဍာဲ၊ တွဵုရးကရေၚ်၊ ရးသက်ကိုၚ်၊ ရးမကွေ မက္တဵုဒှ်ဒၟံၚ် ပေါဲဗ္တိုက်ဇီုမုက်ကဵု ဂကောံဒပ်စဵုဒၞါညးဍုၚ်ကွာန်ဒေသတံဂှ် ဗ္တိုက်ဒၟံၚ် နကဵုဂၠံၚ်ကျာတံတုဲ သီုကဵု ထ္ပက်ဒၟံၚ်ကရောၚ်ပၞာန် နကဵုဇြဟတ်ဂၠိုၚ်ၚ်တံရ။
အလဵုအသဳညဳသၟဟ်ဂကူဂှ်ဝွံ ပ္ဍဲဂိတုတုဲကၠုၚ်တေံဂှ်လေဝ် ယဝ်ရလုပ်စိုပ်စ္ၜုဲစ္ၜော်ကၠုၚ် ဇရေၚ်ညးဍုၚ်ကွာန်တံ နကဵုက္ၜၚ်ကျာမဂြာတ်ဒၟံၚ်ဗမ် ကုညးဍုၚ်ကွာန်တံ၊ ကွဳစက်စၚ်ခြပ်ပသဲတံ ကေုာံ ကပေါတ်အရပ်အစပ်ပၞာန် တၞဟ်ဟ်တံဂှ်မ္ဂး ဖျေံအာလာပ်ဗဇဴ ဗွဲမထိုက်တန်ရောၚ်ဂှ် လလောၚ်ပ္တိတ်လဝ်တုဲ ပ္ဍဲအခိၚ်ဂှ်ရ မၞိဟ်ကၠုၚ်စိုပ်ကေတ်အဆက် သၟာန်သၟုက်တံ မၞုံဒၟံၚ်ရောၚ်ဂှ် ဝန်အပ္ဍဲလၟိုန် ဌာနဝန်ဇၞော်ကာစဵုဒၞါ ဥူနာၚ်ထူအံၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲကၟိန်ဍုၚ်ဗၟာ ဗွဲကြဴဒပ်ပၞာန်သီအဝဵုတုဲ ကောန်ပၞာန်၊ ကောန်ဒပ်ဗၠာဲသၟိၚ် မလုပ်စိုပ်စ္ၜုဲစ္ၜော်ကၠုၚ် ဇရေၚ်ညးဍုၚ်ကွာန်တံ ဂၠိုၚ်ကဵုဠက်ဂှ် ပံၚ်တောဲပါလုပ်လဝ် ပ္ဍဲချဳဒရာၚ်ဒစဵုဒစးအဝဵု နနဲဟွံပကီုပရာပ် CDM တံရ။
ပရိုၚ်−သြၚ်လောန်တိုၚ်(မ်)