ပေကျေန် – မေ(၁၀)
နဒဒှ်ကလေၚ်ပလန်တဲ ဍုၚ်တိုဝ်ရွောန် ကၟိန်ဍုၚ်ကနေဒါ လလောၚ်တြးလဝ် သွက်ကလုတ်တမာန်ကြုက် ဂွံစ္ဍးတိတ်နူကၟိန်ဍုၚ်ဂှ် ကြုက်လေဝ် ပါဲပ္တိတ်လဝ် ကလုတ်တမာန်ကနေဒါ ဂျာန်နဳဖာလေန် လာလွောန်ဒဳရ။
ပ္ဍဲသၞာံ ၂၀၁၈ တုဲကၠုၚ်တေံလေဝ် ကနေဒါ ရပ်ကေတ် ညးရေၚ်တၠုၚ်ကေၚ်ကာ ကုမ္ပဏဳဟွာဝေ ကဆံၚ်လ္တူမွဲတၠတုဲ ဍုၚ်ကြုက်လေဝ် ဟိုတ်နူအကာဲအရာ ရပ်ထိၚ်ဒဝ်ကေတ် ကောန်ဍုၚ်ကနေဒါၜါတၠတုဲ ပရေၚ်ဆက်ဆောံၜါဍုၚ် ကြံၚ်မ္ၚိုဟ်သ္ကာတ်မြဟ်တိုန်ကၠုၚ်ဒၟံၚ်ရ။
အခိၚ်လၟုဟ်ဏံမ္ဂး ညးဒးဒုၚ်ရပ်လဝ် သီုဖအိုတ်တအ်ဂှ် ၜိုန်ရကလေၚ်ဗၠးတိတ်လဝ်ကီုလေဝ် ကနေဒါဂှ် ဟိုတ်နူကိတ်ညဳဒၟံၚ်ကဵုမူဝါဒကြုက် လ္တူအမေရိကာန်ဂှ်ရ ကြုက်ပျုတ်ဗ္ဒေက်လဝ်တုဲ သ္အာၚ်နူဂှ် သၞာဲဒဴ ကနေဒါ လုပ်ပြံက်စောန်ဒၟံၚ် ပရေၚ်အပ္ဍဲဍုၚ်ကြုက်ရဂှ်လဝ် ဟီုစောတ်စောဲလဝ်ရ။
ကနေဒါဂှ် ကြဴနူဘာတ်ပ္တိတ် သောၚ်ဝှဳ ကလုတ်တမာန်ကြုက်တုဲ သွက်ကလုတ်တမာန် ဂွံတိတ်နူဍုၚ်ကြုက်ဂှ် ဌာဝန်ဇၞော်ပရေၚ်ဍုၚ်သ္အာၚ် အာတ်မိက်လဝ်ရဂှ် ဂွံတီကေတ်ရ။
“ပ္ဍဲဂိတုမေ စၟတ်တ္ၚဲ(၉)ဂှ် အလဵုအသဳကနေဒါ သွက်ကလုတ်တမာန်ကြုက် မၞုံဍုၚ်တိုဝ်ရွောန် ဂွံကလေၚ်စဴဍုၚ်ဆေၚ်စပ်ကဵုဇကု ထ္ဍေၚ်ဘာတ်ပ္တိတ်လဝ်ရ၊ အရာဏံ ကြုက်ပျုတ်ဗ္ဒေက်လဝ် သ္ကာတ်တ်မြဟ်ဟ် ဒစဵုဒစးလဝ်ပေၚ်ၚ်တုဲ ဖျေံကၠုၚ်လဝ် ပရေၚ်ဒစဵုဒစး ကနေဒါသ္ကာတ်တ်မြဟ်ဟ်ရ”ဂှ် လပါ်ကြုက် လလောၚ်တြးလဝ်ရ။
သ္အာၚ်နူဏံပၠန် နဒဒှ်ကလေၚ်ပၠန်တဲ ကမၠောန်ကနေဒါ ဟွံလ္ဂူတပ်တးဂှ် သွက်ဂွံစ္ဍးတိတ်နူဍုၚ်ကြုက် ကိုပ်ကၠာဟွံစိုပ် ဂိတုမေ စၟတ်တၟဲ (၁၃) အာတ်မိက်လဝ်တုဲ ကဵုလဝ်ဒဏ်ဗဒဴနူဍုၚ် ကုသ္ကိုပ်ဝန်ပၞာန်ဂျာန်နဳဖာလေန် လာလွန်ဒဳရဂှ် ဟီုသ္ဂးလဝ်ဏီရ။
ကြဴနူထံက်ဂလာန် တၚ်ဂလာန် ပ္ဍဲပါလဳမာန်ကၠတ်ထဝ် ပျုတ်ဗ္ဒေက်လဝ် နဒဒှ်ကမၠောန်ပြဝကြုက် ပ္ဍဲယှေန်ကျာန် ဒှ်ကမၠောန်ဂစိုတ်ကမၠက်ဂကူမၞိဟ်တုဲဂှ် အလဵုအသဳကြုက် ပ္တဝ်လဝ်ကဵု အမာတ်ကၠတ်ထဝ်ကနေဒါ မိုက်ကေဝ်ချာၚ် ကေုာံဂကောံသ္ၚိကၟိန်ညးတုဲ ဗတိုက်ဒၟံၚ်ဂှ် နိဿဲကဵု လိက်စံၚ်ပၞုက်ဓလုက် ပ္ဍဲသၞာံ ၂၀၂၁ တုဲ တၚ်ဒုၚ်စဳရေၚ်လိက်ပရိုၚ် Globe and Mail ကလေၚ်ပၠန်လဝ်တဲ သီုဒေါမဇၞော်ရ။
“ပရေၚ်လုပ်စောန်ပြံက် ပရေၚ်အပ္ဍဲဍုၚ်ပိုဲဂှ် အေၚ်ဒုၚ်အာဟွံသေၚ်ပုဟ်” သာ်ဏံ ကြဴနူဌာနဝန်ဇၞော်ပရေၚ်ဍုၚ်သ္အာၚ်ကနေဒါ လေလာၚ်တြးလဝ်တုဲ ဝန်ဇၞော်ပရေၚ်ဍုၚ်သ္အာၚ်ကြုက် အခေါၚ်ထပ်ကေတ်သ္အာၚ်နူဏံ နွံဒၟံၚ်ဏီရဂှ် ကလေၚ်ပလန်လဝ်တဲရ။
အခိၚ်လၟုဟ် ပြဟ်ဟ်ဏံမ္ဂး ဟိုတ်ပရေၚ်ကယျာန်ဓဝါတ်ၜါကၟိန်ဍုၚ်တုဲ က္တဵုဗဒှ်ကဵုဒၟံၚ် ပရေၚ်ဆက်ဆောံ ကြံၚ်မ္ၚိုဟ်ဒၟံၚ်ဂှ်ရောၚ် ညးလ္ၚတ်ပါ်ပါဲတအ် သ္ၚဳဂၠိပ်ညာတ်ကေတ်လဝ်ရ။
sanlontai