ဒဝ်အံၚ်သာန်သုကျဳ ပရေၚ်ထတ်ယိုတ်ဟွံခိုဟ်၊ သွက်သ္ဂောံဂွံအခေါၚ်လွဳလွတ် ၜိုန်အာတ်မိက်လဝ်ကံၚ်ဇြဳပၞာန်ကီုလေဝ် ဒးဒုၚ်ပါဲတးလဝ်
sanlontai နေပျဳဒဝ်၊ သေပ်တေမ်ဗာ(၇) ဟိုတ်နူဒပ်ပၞာန်သီအဝဵုတုဲ ဒဝ်အၚ်သာန်သုကျဳ က္ဍိုပ်သ္ကိုပ်ညးဍုၚ်ကွာန် ဒးဒုၚ်ရပ်ဖျေံလဝ်ထံၚ် ဟွံဗဗွဲဓဝ်ဂှ် ပရေၚ်ထတ်ယိုတ်ဟွံခိုဟ်တုဲဲ သွက်ဂွံလွဳလွတ်ကဵုအ္စာဂဥုဲမ္ၚးမွဲတၠကီု သီုသွက်ဂွံကဵုအခေါၚ်လွဳလွတ်ဂဥုဲ ၜိုန်ရအာတ်မိက်လဝ်ကီုလေဝ် ကံၚ်ဇြဳပၞာန်သီအဝဵု ပါဲတးလဝ်ရဂှ် ဌာန်ပရိုၚ်ကၟိန်ဍုၚ်နာနာ Reuter (ရိုက်တာ) ဓမံက်ထ္ၜးလဝ် ပ္ဍဲဂိတုသေပ်တေမ်ဗာ စၟတ်တ္ၚဲ (၆)ဂှ်ရ။ အခိၚ်လၟုဟ်ဏံမ္ဂး ဒဝ်အံၚ်သာန်သုကျဳဂှ် အ္စာဂဥုဲဌာနက္ဍိုက်က္ဍိုပ်ထံၚ်စာတ် သၟဝ်တဲကံၚ်ဇြဳပၞာန်မွဲတၠ လွဳလွတ်ကဵုဒၟံၚ်ရဂှ် ညးစုက်လုက်ကဵုထံၚ်စာတ်မွဲတၠ ဟီုကဵုဌာန်ပရိုၚ်ရိုက်တာရ။ “ညးဂှ် ဇွိုန်ၚေက်ဂုဟ်ဒၟံၚ်တုဲ စသုၚ်ဟွံဂွံခိုဟ်…