ကိဗ်၊ ဒဳဇြေမ်ဗာ ၂၆ ကောန်ပၞာန်ကိုဝ်ရဳယျာသၟဝ်ကျာ ၃၀၀၀ ပြၚ် မဗ္တိုက်ဒၟံၚ် ကရောံဒပ်ရုယှာ ပ္ဍဲဒေသကာသ် အိုဝ်ဗလက်ဂှ် ဒးပြဟ်လလုဲအာ ဟွံသေၚ်မ္ဂး ကလိဂွံဝပ်တံ နွံလဝ်ရောၚ် သမ္မတယူကရုၚ် ဗလဴဒဳမာ ဇြဳလာန်သကဳ ဟီုလဝ် ပ္ဍဲဂိတုဒဳဇြေမ်ဗာ ၂၃ တေံရ။ သွက်ဂွံဗလးကောန်ပၞာန်၊ လွဟ်လက်နက် ဇရေၚ်ရုယှာတံဂှ် ကိုဝ်ရဳယျာသၟဝ်ကျာ စဳဇန်ဒၟံၚ်ရောၚ် ကိုဝ်ရဳယျာသၠုၚ်ကျာ ကဵုကၠုၚ်လဝ်သတိ နူအခိၚ်ကာလပြဟ်ဟ်တေံရ။ ပ္ဍဲဒေသကာသ်…
မတ်မလီု၊ ဒဳဇြေမ်ဗာ ၂၆ ၚုဟ်ထၜိုတ်တိတ်ကၠုၚ် နူတွဵုရးဍုၚ်မန်ဝွံ စနူဂိတုဒဳဇြေမ်ဗာ သတ္တာဟတုဲကၠုၚ်တေံတုဲ စှ်ေကၠုၚ်ဒၟံၚ်အဆက်က်ရောၚ် တၠကမၠောန်ထၜိုတ်ဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ၚုဟ်ဍေံဂှ်တှ်ေ ကၠာဟွံဂွံစိုပ် ဂိတုဒဳဇြေမ်ဗာ သတ္တာဟတတိယဂှ် မွဲပံၚ် ဂွံကၠုၚ်လဝ်ၚုဟ် စဵုကဵု ၃၁၀၀ ဒ္ကေဝ်ပြၚ်တုဲ နူကဵုဂှ် ကလေၚ်စှ်ေကၠုၚ်သိုက်က်တုဲ ပ္ဍဲဂိတုဒဳဇြေမ်ဗာ ၂၅ ဂှ် နွံဒၟံၚ်ၜိုတ် ၂၈၀၀ ဒ္ကေဝ်ဓဝ်ရ။ ၚုဟ်ထၜိုတ်…
မတ်မလီု၊ ဒဳဇြေမ်ဗာ ၂၆ AA သီဂွံလဝ် ဌာန်ဂအုပ်ပၞာန်ရးပလိုတ်တုဲ သွက်ပေါဲအံၚ်ဇၞး အလုံဍုၚ်ရခေၚ်မွဲ မညောန်ကြပ်ကဵုပရေၚ်ဗၠးၜး နူသၟဝ်တဲသၞောတ်တၠအဝဵုပၞာန် ကိုပ်ကၠာအိုတ်ဂှ် ဂကောံပၠန်ဂတး မန် ကေုာံ ပအိုဝ်တံ ပလံၚ်ဗစိုပ်လဝ်လိက်သဝဏ် ပ္ဍဲဂိတုဒဳဇြေမ်ဗာ ၂၅ တေံရ။ လိက်သဝဏ်ဏံဂှ် ဗော်ဍုၚ်မန်တၟိ ဗ္တိုက်သရိုဟ်တၠအဝဵုပၞာန် NMSP AD ၊ ကံၚ်ဇြဳဖေဝ်ဒရာဍုၚ်မန် MSFC ၊ ဂအုပ်ဂကောံဗၠးၜးကောန်ဂကူပအိုဝ် PNLO…
ဗြဝတဳ၊ ဒဳဇြေမ်ဗာ ၂၆ တွဵုရးကရေၚ် ပွိုၚ်ဍုၚ်ဗြဝတဳ ပ္ဍဲဍုၚ်ယှိုဲကုက္ကိုဝ်ဂှ် ယဲဂၞဴလီု ကၠောံထၞာန်ဒၟံၚ်တုဲ မၞိဟ်ဒးထောံအာ နွံကၠုၚ် စဵုကဵုၜါတၠဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ သၟိၚ်တၠအဝဵုဒေသတံဂှ်တှ်ေ ဆေၚ်ဖျာဇိုၚ်ဂၠံၚ် သွံဒၟံၚ်အပ္ဍဲဍုၚ်တံဂှ်ကဵု သၞေဟ်ဂၠုၚ်စက် နွံဇိုၚ်ၜဳ(သောၚ်ရၚ်း) ပယျဵုသေံတံဂှ် ကဵုကၟာတ်လဝ်ရောၚ် ဂွံတီကေတ်ရ။ ပပ္တံနူဂိတုဒဳဇြေမ်ဗာ သတ္တာဟတတိယဂှ်တုဲ ပ္ဍဲပယျဵုသေံ−ဗၟာ ဍုၚ်ယှိုဲကုက္ကိုဝ်ဂှ် ယဲဂၞဴလီုတံ ကၠောံထၞာန်က္တဵုဒှ်ဒၟံၚ်နွံဂှ်တုဲ လၟိဟ်မၞိဟ်…
လံၚ်လုၚ်၊ ဒဳဇြေမ်ဗာ ၂၆ ရးတၞၚ်သဳ ပွိုၚ်ဍုၚ်လံၚ်လုၚ် ပ္ဍဲကွာန်ကျံက်နဳမဝ်ဂှ် နူဂိတုဒဳဇြေမ်ဗာ ၂၃ စဵုကဵုဂိတုဒဳဇြေမ်ဗာ ၂၅ ဏံဂှ် ပေါဲဗ္တိုက်က္တဵုဒှ်ဆက်ဒၟံၚ်တုဲ သ္ကာတ်မြဟ်ဒၟံၚ်ရောၚ် ဂကောံပၠန်ဂတးတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲပေါဲဗ္တိုက်တံဏံဂှ် လ္ပာ်ဒပ်ပၠန်ဂတးတံဂှ်လေဝ် ဟွံဆုတ်ကလေၚ် ဆက်ဗ္တိုက်ဒၟံၚ်တုဲ လ္ပာ်ကံၚ်ဇြဳပၞာန်ဂှ်လေဝ် ညံၚ်ကုန်ဗ္ဒိုပ်ဒပ်ဂမၠိုၚ် ဟွံဂွံစှ်ေအာဂှ် ပန်ပှော်ကဵုဒၟံၚ် နူဒပ်တိုက်၊ ဒပ်ဍာ်၊ ဒပ်ကျာတံရောၚ် သ္ဂးရ။ စဵုကဵုဂိတုဒဳဇြေမ်ဗာ…
ဝါယှေန်တာန်၊ ဒဳဇြေမ်ဗာ ၂၅ သမ္မတအမေရိကာန် ဂျဵုဗိုၚ်ဒေန်ဂှ် ပ္ဍဲကဵုကောန်ထံၚ်ဒးလဝ်ဒဏ်ဂစိုတ် မဒးဒုၚ်ဖျေံစၟတ်လဝ်ကဆံၚ်ကၟိန်ဍုၚ် ၃၇ တၠဂှ် ပြံၚ်လှာဲကၠေံ နဒဒှ်ဒဏ်ထံၚ်မွဲအာယုက် ဟၟဲကဵုအခေါၚ်အာတ်ဒုၚ်ဂုန်တံဂှ်တုဲ ဖအောန်ဖျေံလဝ်ကဵုဒုဟ်ဒဏ်ရ။ ပ္ဍဲကဵုသမ္မတဗိုၚ်ဒေန် ဖအောန်ဖျေံကဵုဒုဟ်ဒဏ်ဂှ် ကောန်ထံၚ်ဟွံပါလုပ်ပိတၠဂှ်တှ်ေ ညးဖံက်ထ္ကးဗုမ် ပ္ဍဲပေါဲဂြိပ်မာရတောန် ဗဝ်သတောန်ဂှ်ကဵု မၞိဟ်တြုံ ပြိုက်ဂစိုတ်လဝ် ဂကူဂျူညးမသ္ပဝတ်တံဂှ် ပါလုပ်ရ။ ပ္ဍဲကဵုတၚ်လလောၚ်တြးဂှ်တှ်ေ သမ္မတဗိုၚ်ဒေန်ဂှ် နကဵုညးတံ ဒးဒေါအ်ဒေၚ်အာ ပရေၚ်ရပ်စပ်စကာဒဏ်ဂစိုတ် ကဆံၚ်ဖေဝ်ဒရာဂှ်ဏောၚ်ဂှ် ဒဒှ်ရသာပတှ်ေကၠုၚ်…
ရေဝ်၊ ဒဳဇြေမ်ဗာ ၂၅ ဂၠံၚ်ဇၞော်ပျဳထံၚ်သု စၟတ် ၈ တွဵုရးဍုၚ်မန် သ္ကုတ်သၠုၚ်ကျာ သ္ကုတ်ဒပ်ပံၚ်ကောံပၠန်ဂတးရပ်လွဟ်တံ မချဳဒရာၚ်ဇြဟတ်ခိုဟ်ဒၟံၚ်ဂှ် ကံၚ်ဇြဳပၞာန် ပ္တိတ်ကၠုၚ်ဇြဟတ် သွက်ဂွံထိၚ်ဒက်ဂှ် ဂကောံပၠန်ဂတးတံကဵု ညးဒေသတံ ဟီုရ။ နာဲနဂါ ညးမၞုံအခေါၚ်ဟီုဂး ဒပ်ပၠန်ဂတးဍုၚ်မန် MSRF ဂှ် ကညၚ်ဏံ ကံၚ်ဇြဳပၞာန် ဂွံထိၚ်ဒက်အာ သ္ကုတ်ဂၠံၚ်ကွဳစက် ဇြပ်ဗု−ရေဝ်ဂှ်ဖအိုတ်မာန်ဂှ် စဳဇန်ဒၟံၚ်ဏောၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။…
ကျံက်ကျဳ၊ ဒဳဇြေမ်ဗာ ၂၅ ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန် ပ္ဍဲကွာန်ကျုက်ကွေန် ပွိုၚ်ဍုၚ်ကျံက်ကျဳ ရးဗဂေါဂှ် ရပ်ဒက်လဝ်ကောန်ကွာန် ၈ တၠတုဲ ညးဒေသမွဲလ္ၚီပြၚ်လေဝ် ဒးဂြိပ်ဒဴပါဲဒလေတ်ဒၟံၚ်ရောၚ် KNU ဗဟဵု လလောၚ်ပ္တိတ်ကၠုၚ် ပ္ဍဲဂိတုဒဳဇြေမ်ဗာ ၂၄ တေံရ။ ဒပ်ကံၚ်ဇြဳပၞာန်ဝွံ စနူဂိတုဒဳဇြေမ်ဗာ ၁၉ တုဲကၠုၚ်တေံတုဲ ကြဴနူလုပ်စိုပ်ထ္ပက်ကၠုၚ်ကရောၚ်ပၞာန် ပ္ဍဲကွာန်ကျုက်ကွေန်တုဲဂှ် ရပ်ဒက်လဝ်ညးဒေသဂမၠိုၚ် ဥူသဵုမျ၊ ဥူမံၚ်မျတေန်၊ နဝ်ထက်သာဖိုဝ်၊ နဝ်မမေဝ်၊…
ကအ်ကြိက်၊ ဒဳဇြေမ်ဗာ ၂၅ တွဵုရးကရေၚ် ပွိုၚ်ဍုၚ်ကအ်ကြိက် လ္တူဂၠံၚ်ဒဵုဒဝ်ဏဂှ် အကြာကရောၚ်ပၞာန်အံၚ်ဇေယျ ဒပ်ကံၚ်ဇြဳပၞာန်ကဵု ဒပ်ပံၚ်ကောံဒပ်ပၠန်ဂတးတံဂှ် ပေါဲဗ္တိုက်ၜါလ္ပာ် ဆက်သ္ကာတ်မြဟ်ဒၟံၚ်ရောၚ် ဂွံတီကေတ် နူကဵုတမ်ရိုဟ်ပရိုၚ်ပရေၚ်ပၞာန် အပ္ဍဲဒေသတံရ။ လ္ပာ်ကွာန်( ရန်ကုတ်) ဗ္ဒါဲဂၠံၚ်ဒဵုဒဝ်ဏတြေံ သ္ကုတ်သၟဝ်ကျာ ဍုၚ်ကအ်ကြိက်ဂှ်ကဵု ဂၠံၚ်ဇၞော်အာယှ ဗြဝတဳ−ကအ်ကြိက်ဂှ် အကြာကရောၚ်ပၞာန်ဒပ်ကံၚ်ဇြဳပၞာန် သၟဝ်တဲကရောၚ်ပၞာန်အံၚ်ဇေယျတံကဵု ဒပ်ပံၚ်ကောံပၠန်ဂတးတံဂှ် စဵုကဵုဂိတုဒဳဇြေမ်ဗာ သတ္တာဟတတိယလောန်ၜက်ကၠုၚ်ဂှ် ပေါဲဗ္တိုက်ၜါလ္ပာ် ဆက်သ္ကာတ်မြဟ်ဒၟံၚ်ရ။ ပ္ဍဲဂၠံၚ်ဇၞော်အာယှ ကအ်ကြိက်−ဗြဝတဳ…
ရေဝ်၊ ဒဳဇြေမ်ဗာ ၂၅ တွဵုရးဍုၚ်မန် ပ္ဍဲဍုၚ်ရေဝ် ညးဗြဴဒေသၜါတၠ ဒးဒုၚ်ရပ်လဝ် နကဵုတၚ်စောဲစပ် ထံက်ပၚ် PDF ဂှ် ဒးဒုၚ်ဖျေံစၟတ်လဝ်ဒဏ်ထံၚ် မၞိဟ်မွဲ ၁၅ သၞာံဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ဂကောံဒပ်ပံၚ်ကောံ ကံၚ်ဇြဳပၞာန်ဂှ်ဝွံ တုဲကၠုၚ်ပ္ဍဲဂိတုဒဳဇြေမ်ဗာ ၁၁ ဂှ် နကဵုတၚ်စောဲစပ်ထံက်ပၚ် PDF ဂှ် ရပ်ဒက်ဏာလဝ် ညးဗြဴဒေသၜါတၠ ပါလုပ်သီုကဵုမၚါၚါ…
sanlontai