ပ္ဍဲမတ်လီု ညးဗြဴမွဲတၠ ဒက်ဂစိုတ်လဝ်ဇကု

မတ်မလီု – ဂျောန်(၁၃)

တွဵုရးဍုၚ်မန်၊ ညးဗြဴ မံၚ်တန်တဴဒၟံၚ် ပ္ဍဲအရာပ်မဟာမျာၚ် ဂၠံၚ် (၆) ဍုၚ်မတ်မလီုမွဲတၠဂှ် ဒက်ဂစိုတ်လဝ်ဇကုတုဲ ဂဗုတ်ချိုတ်ဂျိုၚ် က္တဵုဒှ်လဝ်ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

ပရေၚ်ဒဒှ်ဂှ် ပ္ဍဲဂိတုဂျောန် တုဲကၠုၚ် စၟတ်တ္ၚဲ (၁၁) အခိၚ်ဗ္တံဂှ် ညးဗြဴအာယုက် (၃၀)မွဲတၠ ဒက်ဂစိုတ်လဝ် ဇကုတုဲ ဇွညးဂှ် ပ္ဍဲဂိတုဂျောန် စၟတ်တ္ၚဲ (၁၂) အခိၚ်နူဂယးပြဟ် ဂွံဆဵုညာတ်ကေတ်လဝ်ရ။

ပ္ဍဲမတ်လီု ညးဗြဴမွဲတၠ ဒက်ဂစိုတ်လဝ်ဇကု
ပ္ဍဲမတ်လီု ညးဗြဴမွဲတၠ ဒက်ဂစိုတ်လဝ်ဇကု

အခိၚ်လၟုဟ်ဏံ ညးဗြဴချိုတ်အာလဝ်ဂှ် မုဟိုတ်သာ်လဵုတုဲ ဂွံဒက်ဂစိုတ်လဝ်ဇကုရောဟီုဂှ် ဟွံဂွံတီ ကေတ်လဝ် ကၠးကၠးပ္ဍးပ္ဍးဏီရ။

ဇွညးမချိုတ်လဝ်ဂှ် ဂကောံရီုဗၚ်ဟံၚ်ပြာ်ပရေၚ်မၞိဟ်ကာတၟေၚ်ရာမည ပလံၚ်ဗစိုပ်လဝ် ရုၚ်ဂဥုဲညး ဍုၚ်ကွာန် မတ်မလီုရဂှ် ဂွံတီကေတ်ရ။

ပ္ဍဲဂိတုမာတ်ချ် တုဲကၠုၚ်တေံလေဝ် ညးဗြဴ နူကဵုအရာပ်ဒေါၚ်မေန် အရာပ်ဖေတ်တာန်၊ ဍုၚ်မတ်မလီုမွဲတၠ၊ ညးတြုံ နူကဵုအရာပ်ယာန်ဂျဳအောၚ် ဍုၚ်ရေဝ်မွဲတၠ ကေုာံ ညးတြုံနူအရာပ်မျေန်တာပ် ဍုၚ်မုဟ်တၟံမွဲတၠ တအ်လေဝ် ဒက်ဂစိုတ်လဝ်ဇကု နွံကၠုၚ်လဝ်ရ။

သ္အာၚ်နူဂှ်ပၠန် ပ္ဍဲဂိတုဨဗြဴဂှ်လေဝ် ညးတြုံနူကွာန်ဝါခရူ ပွိုၚ်ဍုၚ်ဇြပ်ဗု မွဲတၠ ဂဗုတ်ဒက်ဂစိုတ်လဝ်ဇကု ကေၚ်ဒှ်လဝ်ဏီရ။

ပရိုၚ်-သြၚ်လောန်တိုၚ်(မ်)

ဗီုရုပ် -ဂကောံရီုဗၚ်ဟံၚ်ပြာ်မၞိဟ်ရာမည

Leave a Reply

Your email address will not be published. Required fields are marked *