မတ်မလီု – ဂျောန်(၁၃)
ဗော်သွးကောန်ဂကူကရေၚ် KNU ဒပ်မဟာ-(၆)ဂှ် လ္တူယာဉ်ကွဳစက်အာကၠုၚ်ဒၟံၚ် ပ္ဍဲဂၠံၚ်ဇၞော်စၟတ်(၈) ကေုာံ မတ်မလီု၊ မုဟ်ဍုၚ်၊ ဇြပ်ဗု၊ ရေဝ်၊ ထဝါဲ၊ ဗိက်တအ်ဂှ် ယဝ်ရပ္ဍိုက်ဏာနၚ်မၞိဟ် ကေုာံကပေါတ် ရုပ်ဝတ္ထုဆေၚ်စပ်ကဵုကံၚ်ဇြဳပၞာန်မ္ဂး ကေတ်အာအရေဝ်ရောၚ်ဂှ် တံဒပ်-၂၇ KNU လလောၚ်တြးလဝ်ရ။
ဒပ်သၟဝ်တဲကံၚ်ဇြဳပၞာန်တအ်ဂှ် ကေတ်ဒၟံၚ်ပရေၚ်စဵုဒၞာကဵု ညးဍုၚ်ကွာန်အာတရဴတအ်တုဲ ဟိုတ်နူအာကၠုၚ် ဒၟံၚ်ဂှ်ရ ဒးပ္တိတ်လဝ် အသံပၟိၚ်ဏံရဂှ် ဟီုသ္ဂးလဝ်ရ။
အခိၚ်လၟုဟ်ဏံ ဒပ်ပၠန်ဂတးတအ် ထ္ပက်လုပ်စိုပ်ဒၟံၚ် ပ္ဍဲမွဲဒမြိပ်ဂၠံၚ်ဇၞော် စၟတ်(၈) ထိၚ်ဒဝ်ချဳဒရာၚ်ဒၟံၚ်ဂှ်ရ ညံၚ်ညးဍုၚ်ကွာန်အာတရဴတအ် ဟွံဂွံဇီုကပိုက် ဒးဂိအာဂှ် ဒ္ဂေတ်ဗက်ကဵုအတိုၚ်တၚ်အသံပၟိၚ်ဏံ ဍိုက်က်ပေၚ်ၚ်ညိဂှ်လေဝ် လၟေၚ်ဒုၚ်လဝ်ဂုဏ် ဗွဲမေတ္တာရ။

ပ္ဍဲတၚ်လလောၚ်တြး KNU တံဒပ် -၂၇ သွက်ကောန်ဒပ်တအ် ဂွံစၟဳစၟတ်ဂှ် အခိၚ်ကော်ဗဒေါံမ္ဂး ဒေါံကဵု ကွဳစက် နကဵုစိုတ်ဗုဗုအးအးတုဲ သွက်ဂွံဒုၚ်စၟဳစၟတ်ကီု၊ ပ္ဍဲလ္တူကွဳစက်ဂှ် ညံၚ်ဟွံဂွံပ္ဍိုက်ဏာနၚ် မၞိဟ် ကပေါတ်ရုပ်ဝတ္ထုစပ်ကဵုကံၚ်ဇြဳပၞာန်ကီု၊ နကဵုညးဍုၚ်ကွာန်အာတရဴတအ်ဂှ် ညံၚ်ဟွံဂွံသ္ပ ပွမဍိုက်ဗက် အာကၠုၚ် မွဲကရောံကဵု ကောန်ဒပ်ကံၚ်ဇြဳပၞာန် ပ္ဍဲယာဉ်ကွဳစက်မွဲစွံကီု သီုကဵုယာဉ်ကွဳစက် ဂကောံရပ် လွဟ်ကောန်ဍုၚ်အရၚ်တၞဟ်တအ်လေဝ် ဒးဒေါံ ဒးဒုၚ်စၟဳစၟတ် နကဵုစိုတ်ဗုဗုအးအးရောၚ်ဂှ် ဟီုသ္ဂးလဝ်ရ။
ဟွံဒ္ဂေတ်ဗက်အတိုၚ်တၚ်အသံပၟိၚ်ဏံမွဲသာ်တုဲ ဟိုတ်နူဖံက်ပ္ကဝ်ဒး မမိက်တၚ်ကဵုမမိက်ကဵုမွဲမွဲတုဲ ကိစ္စက္တဵုဒှ်ကၠုၚ်သာ်လဵုဟွံဟီု နကဵုပိုဲ ကေတ်တာလျိုၚ်သောၚ်ကလးကဵုဟွံသေၚ်ရဂှ် လလောၚ် တြးလဝ်ရ။
ပရိုၚ်-သြၚ်လောန်တိုၚ်(မ်)

