ဗ္ဒမ်တိုက်လိၚ်စဒၟံၚ် ဟွံဂၠိုက်ဂၠာဲစၟဳစၟတ်ချိုတ်တ်ပၠိုတ်တ်ဂှ် သီကေတ်ဏောၚ် ကံၚ်ဇြဳပၞာန်ဘပဠ

လဂုၚ်၊ ဂျောန်(၁၄)

ဟွံဂၠိုက်ဂၠာဲစၟဳစၟတ် ချိုတ်တ်ပၠိုတ်တ်တုဲ ဗ္ဒမ်တိုက် ကေုာံဗ္ဒမ်လိၚ် ကဵုလဝ်အခေါၚ် PDF တအ် မံၚ်ဒၟံၚ်တအ်ဂှ် သီကေတ် နဒဒှ်ဘဏ္ဍာကၟိန်ဍုၚ်ရောၚ် ဂကောံဗတိုက်သရိုဟ်ပွပ္ကီုပရာပ်ဗဟဵုကံၚ်ဇြဳပၞာန် လလောၚ်တြးကၠုၚ်လဝ်ရ။

နကဵုညးပိုၚ်ပြဳလဝ်ဗ္ဒမ်လိၚ်၊ သ္ၚိဒၟံၚ်၊ ဗ္ဒမ်တိုက်တအ်ဂှ် တၚ်ဂၞၚ်ပူဂဵု၊ သက်သဳ ညးကၠုၚ်လိၚ်တအ် ဍိုက်ပေၚ်ဟေၚ်မှ ဒးလိၚ်ကဵုရောၚ်ကီု နကဵုတၚ်ဂၞၚ်တအ်ဂှ် ဒးတေၚ်စရၚ်ကၟုဲ ဇရေၚ်သ္ကိုပ်ပရေၚ်အုပ်ဓုပ်ကွာန်/အရာပ် မဆေၚ်စပ်တအ်ရောၚ်ဂှ် ဟီုသ္ဂးလဝ်ရ။

ဆ္ဂးညးပိုၚ်ပြဳလဝ် ဗ္ဒမ်တိုက်လ္ၚဵုဂှ် ဟွံဒ္ဂေတ်ဗက်တုဲ ဆက်လိၚ်ကဵုဒၟံၚ်ဏံ ဒှ်ရီုဗၚ်ကဵုဒၟံၚ်ဇြဟတ် ညံၚ်ဂွံက္လိလောန် ပွပ္ကီပရာပ်ရဂှ် ကံၚ်ဇြဳပၞာန် ဟီုသ္ဂးလဝ်ရ။

အတိုၚ်ပရေၚ်ပရော ဂဗုတ်ဖံက်ခတိုဟ် ကေုာံ ဂဗုတ်ဂြိုဟ်စာပြိုက်ဂစိုတ် ဓမံက်ပ္တိုန်ရပ်ဂွံလဝ်တအ်ဂှ် ညးမက္လိလောန်တအ် ညံၚ်ဗက်ဒၞာဲဇိုၚ်ဍေံတအ်ဟွံဂွံ လိၚ်မံၚ်ဒၟံၚ် ပ္ဍဲဗ္ဒမ်လိၚ် ကေုာံဗ္ဒမ်တိုက်တအ်ရဂှ် ဟီုသ္ဂးလဝ်ရ၊

ဟိုတ်ဂှ်ရ ယဝ်ရဟွံစၟဳစၟတ် သၞောတ်စှ်ေစှ်ေ လိၚ်ကဵု၊ ဟွံဂွံတေၚ်စရၚ်ကၟုဲမ္ဂး ဗ္ဒမ်တိုက်လိၚ်စလဝ်တအ်ဂှ် မ္ၚးနူသီကေတ် နဒဒှ်ဘဏ္ဍာကၟိန်ဍုၚ်တုဲ ဒးဒုၚ်ကေတ်အရေဝ် နဒဒှ်မၞိဟ်ကဵုဇြဟတ် ကုကမၠောန်ပ္ကီု ပရာပ်မာန်ဒၟံၚ်ရောၚ် ကံၚ်ဇြဳပၞာန် လလောၚ်တြးလဝ်ရ။

ညးပါလုပ်ချဳဒရာၚ်လဝ် ပရေၚ်ချဳဒရာၚ်ပၞာန်ဒမၠုက် မွဲတၠဂှ်မ္ဂး တၚ်လလောၚ်တြးကံၚ်ဇြဳပၞာန်ဂှ် ဒှ်ကမၠောန်ဘပဠဍဵုဍိုက်ဒၟံၚ် လ္တူညးဍုၚ်ကွာန် မၞုံဍုၚ်လဂုၚ်ရဂှ် ညာတ်ကေတ်လဝ်ရ။

ပ္ဍဲကဵုဍုၚ်ဇၞော်ညံၚ်လဂုၚ်တအ်ဂှ် ကြဴနူဒပ်ပၞာန်သီအဝဵုတုဲ ဒပ်ဒမၠုက်ဍုၚ်ဇၞော် ပရေၚ်ပၠန်ဂတး သၟဝ်တိ တအ် ပ္တဝ်လဝ်ကဵု ပရေၚ်ပၞာန်၊ ပရေၚ်အုပ်ဓုပ် ကေုာံ အထံက်တိုၚ် ဆေၚ်စပ်ကဵုပၞာန်ကံၚ်ဇြဳပၞာန်တုဲ ပရေၚ်ဗတိုက် က္တဵုဒှ်ဒၟံၚ်အဆက်ဆက်ရ။

ပ္ဍဲအကာဲအရာဏံဂှ် ကောန်ကမၠောန်ဆုဲပြံၚ် ပ္ဍဲဍုၚ်လဂုၚ် မံၚ်တန်တဴဒၟံၚ်ဂၠိုၚ်အိုတ် မ္ၚးနူလှိုၚ်တာယာ၊ ယှိုဲပျဳတာတုဲ ပ္ဍဲဒၞာဲမၞိဟ်ဂၠိုၚ် ညံၚ်ရဴလှေဝ်တာန်တအ် မၞိဟ်မံၚ်ဒၟံၚ် ပ္ဍဲဗ္ဒမ်လိၚ် ဇၟာပ်ပ်စိုပ်ကၠုၚ်တၟိ မွဲဂိတုမွဲ လန် ဒးတေၚ်ဒၟံၚ်စရၚ်ကၟုဲ ဇရေၚ်သ္ကိုပ်ပရေၚ်အုပ်ဓုပ် နတၚ်ဂၞၚ်ပူဂဵုပေၚ်ၚ်ရဂှ် ဂွံတီကေတ်နူညး တာလျိုၚ်ဗ္ဒမ်လိၚ်တအ်ရ။

ပ္ဍဲရးအၚ်ဝ ကေုာံတွဵုရးတၞဟ်သ္အာၚ်လ္ၚဵုဂှ်လေဝ် ဒပ်ဒမၠုက်ဍုၚ်ဇၞော်တအ်ဂှ် ပ္တဝ်လဝ်ကဵုသ္ဇိုၚ်ဝန် ဌာနမဆေၚ်စပ်၊ သ္ကိုပ်ပရေၚ်အုပ်ဓုပ်ကွာန်/အရာပ်တအ်ကီု သီုညးကဵုဒၟံၚ်ပရိုၚ် ဒလာန်၊ ညးထံက်ဂလာန်ကဵု ဒပ်ပၞာန် ဆေၚ်ဆက်ဒၟံၚ်ကဵု ကံၚ်ဇြဳပၞာန်တအ်တုဲ ဗတိုက်ဒၟံၚ်လေဝ် နွံရ။

အခိၚ်တုဲကၠုၚ် ၜါသတ္တာဟတေံဂှ် စောတ်စောဲလဝ် ဒဒှ်ရညးပန်ဂစိုတ်လဝ် သၟာဒယှ်ေဒွက်လဳလဳနိုၚ် ညးချဳဒရာၚ်ကတိုၚ်ကၟဟ် ပရေၚ်ကောန်ဂကူ ထံက်ဂလာန်ကဵုဒပ်ပၞာန်တုဲ ရပ်ကေတ်လဝ် ညးတြုံၜါတၠ ပ္ဍဲဗ္ဒမ်လိၚ် လှေဝ်တာန် မၞုံပွိုၚ်ဍုၚ်ကၟာရတ် ပ္ဍဲဂိတုဂျောန် စၟတ်တ္ၚဲ (၄)တေံရဂှ် ကံၚ်ဇြဳပၞာန် လလောၚ်တြးလဝ်ပရိုၚ်ရ။

ပရိုၚ်-သြၚ်လောန်တိုၚ်(မ်)

ဗီုရုပ်-CJ

Leave a Reply

Your email address will not be published. Required fields are marked *