ပ္ဍဲမတ်မလီု ပါလုပ်ချဳဒရာၚ်လဝ် ပေါဲဗကပ်ဗေၚ်ပ္ကဴဂးတုဲ ရပ်ကေတ်ညးဒေသ (၉) တၠတုဲ ကၟာတ်ဒၞာလဝ်ဆေၚ်ဖျာမွဲဆေၚ်

မတ်မလီု၊ ဂျောန်(၂၂)

တွဵုရးဍုၚ်မန် ပ္ဍဲဍုၚ်မတ်မလီုဂှ် နဒဒှ်စၟတ်သမ္တီတ္ၚဲ က္ဍိုပ်သ္ကိုပ်ညးဍုၚ်ကွာန် ဒဝ်အံၚ်သာန်သုကျဳက္တဵုဒှ်မၞိဟ် ချဳဒရာၚ်လဝ် ပေါဲဗကပ်ဗဗေၚ်ပ္ကဴဂးတုဲ ကံၚ်ဇြဳပၞာန် ရပ်ကေတ်လဝ် ညးဒေသ (၉) တၠတုဲ ကၟာတ်ဒၞာလဝ် ဆေၚ်ဖျာတဵုလွဳပ္ကဴမွဲဆေၚ်ရဂှ် ကောန်ဍုၚ်မတ်မလီုတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

ပ္ဍဲဆေၚ်ဥဒျာန်တဵုလွဳ တေတ်ခွမေန်တမဳ မၞုံအရာပ်ယှိုဲမျာၚ်သဳရိ ဍုၚ်မတ်မလီုဂှ် ပ္ဍဲဂိတုဂျောန် စၟတ်တ္ၚဲ (၁၉) အခိၚ်နူဂယးဂှ် ဟိုတ်နူမၞိဟ်ကၠုၚ်ရာန်ပ္ကဴ ဂၠိုၚ်တီုဍတ်ဒၟံၚ်တုဲ နူကဵုတၠဆေၚ်ဂှ် ပါ်ပရအ်ကဵုလဝ် ပ္ကဴမသက္ကုၚုဟ်မးရဂှ် ဂွံတီကေတ် အတိုၚ်ကောန်ဍုၚ်မတ်မလီုတအ် ဟီုသ္ဂးလဝ်ရ၊

ကြဴနူဂှ် နူကဵုပရေၚ်ကဵုပရိုၚ်မွဲကဆံၚ် ကောန်ဒပ်ကံၚ်ဇြဳပၞာန်တအ် စိုပ်ကၠုၚ်တုဲ နဒဒှ်စၟတ်သမ္တီတ္ၚဲဒှ်မၞိဟ်ဒဝ်အံၚ်သာန်သုကျဳ ချဳဒရာၚ်လဝ်ပေါဲဗကပ်ဗဗေၚ်ပ္ကဴဂးတုဲ ရပ်ကေတ်ဏာလဝ် တၠဆေၚ်ကီု သီုညးကၠုၚ်ရာန်ပ္ကဴတအ်ဂှ်ရ။

ညးဒေသ ကံၚ်ဇြဳပၞာန်ရပ်ကေတ်ဏာလဝ်တအ်ဂှ် ကော်ကေတ်ဏာ ပ္ဍဲဗဒိုပ်ဗၠာဲသၟိၚ်ပွိုၚ်ဍုၚ် ဇြေယျာ သဳရိတုဲ ပ္ဍဲကဵုဂှ် ညးကၠုၚ်ရာန်ပ္ကဴ (၈) တၠဂှ် စကာကဵုထ္ပက်စၟတ်တဲဒုၚ်ဝန်တုဲ ကလေၚ်ဗလးကဵုလဝ်ရဂှ် ညးစုက်လုက်ကဵု ဂကောံသ္ၚိကၟိန်ညးဒးဒုၚ်ရပ်လဝ်တအ်ဂှ် ဟီုသ္ဂးလဝ်ရ။

ဆ္ဂးဂှ် ညးဗြဴတၠဆေၚ်ဥဒျာန်တဵုလွဳ တေတ်ခွမေန်တမဳဂှ် ကံၚ်ဇြဳပၞာန်ဆက်ရပ်ထိၚ်လဝ် ပ္ဍဲဗဒိုပ်ဗၠာဲသၟိၚ်ဇြေယျာသဳရိတုဲ ဒဒှ်ရသီကေတ်လဝ်ဆေၚ်မွဲချိုန်ခနဂှ် ဗာန်စွံလဝ်တၞးလိက်ရ။

ကောန်ဍုၚ်မတ်မလီုမွဲတၠဂှ်မ္ဂး ကမၠောန်ပြဝကံၚ်ဇြဳပၞာန်ဂှ် ပၠုပ်ဒၟံၚ်စိုတ်ဖေက် ပ္ဍဲညးဍုၚ်ကွာန်တအ်တုဲ ဒဒှ်ရဍဵုဍိုက်ဒၟံၚ်ကီု ပ္ဍဲလက်ထက်အလဵုအသဳပၞာန်ဏံ ပရေၚ်ဟီုဂးဗၠးၜးကဵု အခေါၚ်အာကၠုၚ်ဗၠးၜတအ် ဒးသုန်ဂြာံဒၟံၚ်ယျဂှ် ဟီုပါ်ပါဲလဝ်ရ။

နဒဒှ်စၟတ်သမ္တီတ္ၚဲဒှ်မၞိဟ် က္ဍိုပ်သ္ကိုပ်ညးဍုၚ်ကွာန် ဒဝ်အံၚ်သာန်သုကျဳ ပေၚ်အာယုက် ၇၈ သၞာံ ကၠုၚ်စိုပ် ပ္ဍဲဂိတုဂျောန် စၟတ်တ္ၚဲ ၁၉ သၞာံဏံဂှ် ညးနွံပၟိက်ကဵုဒဳမဝ်ကရေဇြဳတအ် ချဳဒရာၚ်ကၠောန်ဗဒှ်လဝ် ပေါဲဗကပ်ဗဗေၚ်ပ္ကဴ အလုံမွဲကၟိန်ဍုၚ်ရ။

သွက်ဂွံရပ် ပ္ဍဲလ္တူချဳဒရာၚ်ဗကပ်ဗဗေၚ်ပ္ကဴ ဟွံပ္ကီုပရာပ်ဂှ် ညးထံက်ဂလာန်ကံၚ်ဇြဳပၞာန်တအ် မ္ၚးနူဆဝ်ပ္ၚုဟ်ဒၟံၚ်ဂှ် မွဲကရောံကဵု ယၟုညးရာဒၞာမိက်လဝ် သွက်တ္ၚဲဒှ်မၞိဟ်ဒဝ်အံၚ်သာန်သုကျဳတအ်ဂှ် စကာကဵုရပ်စပ်ဒၟံၚ်ရ။

အလုံမွဲကၟိန်ဍုၚ် ချဳဒရာၚ်လဝ်ပေါဲဗကပ်ဗေၚ်ပ္ကဴဂးတုဲ ကံၚ်ဇြဳပၞာန် ရပ်ကေတ်လဝ် ညးဍုၚ်ကွာန် ဗ္ဒာဲ (၆၀) တၠကီု ပ္ဍဲကဵုဂှ် ပံက်လဝ်ဂဗုတ် ကေတ်လဝ်အရေဝ်ကဵု ကောန်အရာပ်ညးဍုၚ်ကွာန် လ္ၚဵုတအ်ရ။

ပရိုၚ်-သြၚ်လောန်တိုၚ်(မ်)

ဗီုရုပ်-CJ

Leave a Reply

Your email address will not be published. Required fields are marked *