ညးဒးဒုၚ်ရပ်လဝ် နကဵုဂဗုတ်ပြိုက်ဂစိုတ် ညးထံက်ဂလာန်မဘသ ဒဝ်လဳလဳနိုၚ်ဂျဝ် ၜါတၠဂှ် ဒးဒုၚ်ပန်ဂစိုတ်လဝ်

လဂုၚ်-ဂျူလာၚ်(၁၁)

ကိုဝ်ကောၚ်ဇြာနဳဟုၚ် ကေုာံ ကိုဝ်ဂျဝ်ဒူရ ဒးဒုၚ်ရပ်လဝ် နကဵုတၚ်စောတ်စောဲ ပြိုက်ဂစိုတ်လဝ် သၟာဒယှ်ေဒွက်လဳလဳနိုၚ်ဂျဝ် ညးထံက်ဂလာန်ဒပ်ပၞာန်ဂှ် ကံၚ်ဖြဳပၞာန် ပန်ဂစိုတ်လဝ်ရဂှ် ဓမံက်လဝ် ပ္ဍဲမဳဒဳယာတြးဝါဒရ။

ပ္ဍဲဂိတုဂျူလာၚ် စၟတ်တ္ၚဲ (၆)တုဲကၠုၚ်တေံဂှ် အခိၚ်ညးတအ်ညးၜါ ဗက်ထ္ၜးဒၟံၚ်ကပေါတ်သက်သဳသာဓကဂှ် ဟိုတ်နူပ္တိတ်လဝ်ဇြဟတ် သွက်ဂွံဂြိပ်တိတ်တုဲ အခိၚ်ပန်ပှ်ောရပ်ကေတ်လဝ် ဗ္ဒာဲဂၠံၚ်ဇၞော်မောၚ်မကာန် ပွိုၚ်ဍုၚ်ဒဂုၚ်ဍုၚ်တၟိ သၟဝ်ကျာ ချိုတ်ဒၟံၚ်ရဂှ် ဓမံက်ထ္ၜးလဝ်ရ။

စပ်ကဵုကိစ္စဏံတုဲ ညးစုက်လုက်ကဵု ဗၠာဲသၟိၚ်ရးဒေသလဂုၚ်မွဲတၠဂှ်လေဝ် ပရေၚ်ဒဒှ်ဏံ ဒှ်ဍာံရဂှ် သ္ပလဝ်ဒ္တန် ကုဌာန်ပရိုၚ်သြၚ်လောန်တိုၚ်(မ်) တုဲ သွက်ဂွံဟီုသှ်ကဵု တၚ်ဂၞၚ်သောဲသောဲဗြောဲဗြောဲဂှ် ဟီုပါဲတးလဝ်ရ။

ကိုဝ်ကောၚ်ဇြာနဳဟုၚ် ကေုာံ ကိုဝ်ဂျဝ်ဒူရ ညးလုပ်ဂကောံ Special Task Force (STF) ဒးဒုၚ်စောတ်စောဲပြိုက်ဂစိုတ်လဝ် ဒဝ်လဳလဳနိုၚ်ဂျဝ်တုဲ ဒးဒုၚ်ရပ်လဝ်ဂှ် ရပ်ကေတ်လဝ် ပ္ဍဲဂိတုဂျောန် စၟတ်တ္ၚဲ (၆)တုဲ ညးမဒှ်မိယာဲ ကေုာံ ၝဲ ကိုဝ်ကောၚ်ဇြာနဳဟုၚ်ဂှ်လေဝ် ပျူသဝ်ထဳ သၟဝ်တဲကံၚ်ဇြဳပၞာန်တအ် ပြိုက်ဂစိုတ်လဝ်ရ။

ပ္ဍဲဂိတုမေ စၟတ်တ္ၚဲ (၃၀)တုဲကၠုၚ်တေံ အခိၚ်ဗ္တံဂှ် ဟိုတ်နူဒးဒုၚ်ပန်ပှော်လဝ် ပ္ဍဲဂတမုက်သ္ၚိဒဝ်လဳလဳနိုၚ်ဂျဝ် မၞုံပွိုၚ်ဍုၚ်ယာန်ကေန်တုဲ ဃောဒုၚ်လွဳလွတ်ဒၟံၚ် ပ္ဍဲရုၚ်ဂဥုဲမၚ်ဂြာဲဍုၚ်ဂှ် ဒးချိုတ်လဝ်ရ။

ပရိုၚ်-သြၚ်လောန်တိုၚ်(မ်)

ဗီုရုပ် – မဳဒဳယာတြးဝါဒ