ABSDF ကၠောန်ဗဒှ်ပေါဲစှ်ေဘာပၞာန်သ္ဇိုၚ် လၟေၚ် (၂) ပ္ဍဲဒေသချေၚ်တွောန်

သေတ်ဂါၚ် – ဂျူလာၚ်(၁၁)

ဒပ်ပၞာန်ဒဳမဝ်ကရေတ်တေတ်ကွးဘာ ဆေၚ်စပ်ကဵုအလုံကၟိန်ဍုၚ်ဗၟာ (ဒပ်ပၞာန်ကွးဘာ) ကရောၚ်ပၞာန်(၃)၊ ဘာကွတ်ပၞာန်သ္ဇိုၚ် ပ္ဍဲဒေသချေၚ်တွောန် (၂/၂၀၂၃)၊ အခန်ကၞာစှ်ေဘာ လၟေၚ်ဘာ (၂)ဂှ် ကၠောန်ဗဒှ်လဝ် ပ္ဍဲရးသေတ်ဂါၚ် သြၚ်ပလိုတ်က္ၜဳ ချေၚ်တွောန်သ္ကုတ်ပလိုတ် ပ္ဍဲတံဒပ်ဒေသ ချေၚ်တွောန်ရ။

တ္ၚဲဏံ ဂိတုဂျူလာၚ် စၟတ်တ္ၚဲ (၉)ဂှ် ကၠောန်ဗဒှ်လဝ်ပေါဲစှ်ေဘာတုဲ ကောန်ဒပ် ပၞာန်ကွးဘာဟေၚ် ဟွံသေၚ် သ္ဂံၚ်မဟာမိတ် အပံၚ်လၟိဟ် (၃၄)တၠ စှ်ေလဝ်ဘာတုဲ ရပ်လဝ်အလာံ ယဵုလဝ်သစ္စာရဂှ် ABSDF Column -3 လလောၚ်တြးလဝ်ရ။

ပေါဲစှ်ေဘာဂှ် ပ.က.ဖ မၞုံပွိုၚ်ဍုၚ်ပ္ဍဲဒေသဂှ်ကီု၊ တံဒပ်ခရိုၚ် PDF တအ်ကီု သီုကဵုညးဍုၚ်ကွာန်တအ် တိုန်စိုပ်လဝ်ရဂှ် ဂွံတီကေတ်ရ။

ဗီုရုပ်- ABSDF Column -3