PDF ကာန်ပေါက် နုက်တိတ်နူ ဂကောံပကဖ ပွိုၚ်ဍုၚ်

ဍာ်ဗု၊ အဝ်ဂေတ် (၆)

ရးဒေသဇၞော်တၞၚ်သြဳ၊ နုက်တိတ်လဝ် နူဒဒှ်ဒပ်စဵုဒၞာညးဍုၚ်ကွာန် (ပကဖ) ပွိုၚ်ဍုၚ်ဍာ်ဗုရဂှ် ဒပ်စဵုဒၞာညးဍုၚ်ကွာန်ကာန်ပေါက် (KBDF) လလောၚ်တြးကၠုၚ်လဝ် ပ္ဍဲဂိတုအဝ်ဂေတ် စၟတ်တ္ၚဲ (၄)ရ။

ၜိုန်ရနုက်တိတ် နူဒဒှ်ဂကောံပကဖကီုလေဝ် ဒ္ဂေတ်ဗက်မူဝါဒတၚ်စၞောန်ပ္ညုၚ် အလဵုအသဳပရေၚ်ညဳသၟဟ်ကောန်ဂကူ NUG တုဲ ဒတူလာၚ်အာ နဒဒှ် Local ဇေတ်တ်ရောၚ်ဂှ် ဓမံက်လဝ် ပ္ဍဲတၚ်လလောၚ်တြးရ။

သ္အာၚ်နူဂှ်ပၠန် ဗွဲမကိတ်ညဳကဵုတၚ်စၞောန် NUG ပံၚ်တောဲကဵု ဒပ်မဟာမိတ် ရန်တၟံပၞာန်တုပ်သၟဟ်တအ်တုဲ သွက်ဂွံဗတိုက်သရိုဟ်အာ သၞောတ်တၠအဝဵုပၞာန်ကီု စဵုကဵုကၟိန်ဍုၚ်ဖေတ်ဒရေဝ်ဒဳမဝ်ကရေဇြဳ ဂွံမံက်ဂတဝ်ကၠုၚ် ပၠန်ဂတးအာ ကောံကောံကလောံကလောံရောၚ်ဂှ် လလောၚ်တြးလဝ်ရ။

ညးတာလျိုၚ်လလောၚ်ပရိုၚ် KPDF ကာန်ပေါက်ဂှ်မ္ဂး ပံၚ်တောဲကဵု ပကဖပွိုၚ်ဍုၚ်ဍာ်ဗုတုဲ ပ္ဍဲအရာကၠောန်ပၠန်ဂတးသၞောတ်တၠအဝဵုပၞာန်ဂှ် ဟိုတ်နူတၚ်ဍိုန်လျနွံ ဒးနုက်တိတ်လဝ်တုဲ မ္ၚးနူဂှ် မုပြသၞာဟၟဲရဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

KBDF ဂှ် ကြဴနူဒပ်ပၞာန်သီအဝဵုတုဲ ဒတူလာၚ်ချဳဒရာၚ်ကၠုၚ် နဒဒှ် LPDF တုဲ ပ္ဍဲတမ်သၞာံ သၞာံ ၂၀၂၂ ဂှ် အတိုၚ်တၚ်နွံပၟိက်ပရေၚ်ဍုၚ်ကွာန် လုပ်လဝ်ဂကောံ ပကဖရဂှ် ဂွံတီကေတ်ရ။

ဟိုတ်နူပလံၚ်ဗစိုပ်လဝ်လိက် ဒဒှ်ရ KBDF နုက်တိတ်ဂှ်ရ အတိုၚ်လၟေၚ်ကမၠောန် ပ္တိုန်ထ္ၜးအာ ကဆံၚ်ခရိုၚ် ကေုာံ ကဆံၚ်ရးရောၚ်ဂှ် ညးတာလျိုၚ်လလောၚ်ပရိုၚ် ပကဖပွိုၚ်ဍုၚ်ဍာ်ဗု ဟီုသ္ဂးလဝ်ရ။

ဒပ်စဵုဒၞာညးဍုၚ်ကွာန်ကာန်ပေါက် KBDF ဂှ် ပါဲနူရးဒေသတၞၚ်သြဳတုဲ ပံၚ်တောဲကဵု ဂကောံမဟာမိတ်ပၠန်ဂတး ပ္ဍဲတွဵုရးဍုၚ်မန် တွဵုရးကရေၚ်တုဲ ဒှ်ဒပ်စဵုဒၞာဒေသ ပၠန်ဂတးဒၟံၚ်ၚ်ကဵုဒပ်ကံၚ်ဇြဳပၞာန် မွဲဒပ်လေဝ် ဒှ်ရ။

ပရိုၚ် – သြၚ်လောန်တိုၚ်(မ်)

ဗီုရုပ် – PDF ကာန်ပေါက်