လှေဝ်ကူ – အံက်တဝ်ဗာ(၁၁)
ဟိုတ်နူဍာ်လုပ်ကၠုၚ် ပ္ဍဲကဵုကွာန် မၞုံပ္ဍဲပွိုၚ်ဍုၚ်လှေဝ်ကူ၊ ရးဒေသလဂုၚ်တအ်တုဲ ရုၚ်ဌာနက္ဍိုက်က္ဍိုပ်ပလိုတ်ပၟတ် ရးလဂုၚ် ဒးရေၚ်တၠုၚ်ကဵုလဝ် ပရေၚ်ရီုဗၚ်ဟံၚ်ပြာ်ရဂှ် လလောၚ်တြးလဝ် ပရိုၚ်ရ။
တ္ၚဲဏံဂိတုအံက်တဝ်ဗာ စၟတ်တ္ၚဲ (၁၀) အခိၚ်နူဂယး ၜိုတ် (၇) နာဍဳဂှ် ပ္ဍဲကဵုပွိုၚ်ဍုၚ်လှေဝ်ကူ ပ္ဍဲအရာပ်ၝောံဍုၚ်၊ အရာပ်အံၚ်မၚ်္ဂလာ၊ ကျောန်ကလေဝ်၊ ကျောက်ကုဒေန်၊ ဇြောဲလေတ်၊ ဇယာတ်ကွေန်၊ ဖံၚ်ဂျဳ(ဗၟံက်)၊ သခါန်ဂျဳ၊ ကျာအေန်၊ ကလဳထဝ်(ပလိုတ်)၊ ကလဳထဝ်(ဗၟံက်)၊ မေန်ကုမ်၊ ဖေဝ်ခမေဝ်၊ သာဗူတောၚ်၊ ၚါသူတောၚ်၊ ဒူၚေဝ်ချောၚ် ကေုာံကွာန်အုမ်နှေဝ်ကုမ်တအ်ဂှ် ဍာ်လုပ်စိုပ်ကၠုၚ်လဝ်ရ။
ဟိုတ်နူဍာ်လုပ်စိုပ်ကၠုၚ်လဝ်တုဲ ယာဉ်ရီုဗၚ်ဍာ် (၁၂)ဖ္ဍိုက်၊ ကောန်ဒပ်ဂၠိုက်ဂၠာဲရီုဗၚ် (၅၀)တၠ ကေုာံ ကောန်ဒပ်ပလိုတ်ပၟတ်အရန် (၅၅)တၠ ကၠောန်ရေၚ်တၠုၚ်လဝ် ကမၠောန်ရီုဗၚ်ဟံၚ်ပြာ်ရဂှ် ဟီုလဝ်ရ။
ဗီု – MFSD
sanlontai