ဂါဇြာ၊ အံက်တဝ်ဗာ (၁၁)
အေဿရေ ကော်ကေတ် ကောန်ဒပ်အရန်ပိကိုဋ်တုဲ ကၠောန်သ္ပကၟာတ်လဒဵု ပ္ဍဲဒေသဂါဇြာတံဂှ်တုဲ ဟိုတ်နူကၠောန်သ္ပအာ အစဳဇန်လၞိန်ဗပိန်ဗလးတိတံဏောၚ်ဂှ်ရ ယဝ်ရဆက်ကၠောန်ဒၟံၚ် ပရေၚ်ဗ္တိုက်မ္ဂး ဂစိုတ်အာ မၞိဟ်မရပ်ဂွံလဝ်တံဏောၚ်ဂှ် ဂကောံဟာမာသ် ဘပဠလဝ်ရ။
နကဵုအေဿရေ ဟွံကဵုသတိမွဲသာ် ဇၟာပ်ပ်ထောံမခတိုဟ် ကုသ္ၚိဒၟံၚ်ပါလက်သတိုၚ်တံဂှ်မ္ဂး ဂစိုတ်အာ ဂၠုဲပၞာန်တံဏောၚ်ဂှ် ဂကောံဟာမာသ် ဂကောံရပ်လွဟ်အေဿလာမ်မေသ် ဟီုဂးလဝ်ရ။
အခိၚ်လၟုဟ် ဟိုတ်နူပရေၚ်ဗ္တိုက်ၜါလ္ပာ်တုဲ အပံၚ်မၞိဟ် (၁၅၀၀) ပြၚ် ဒးဆောံလေၚ်အာလမျီုတုဲ ဍုၚ်သ္အာၚ်တံဂှ် လလောၚ်တြးလဝ် ဒဒှ်ရထံက်ဂလာန် ကုဍုၚ်အေဿရေရ။ သွက်ဂွံဖအိုတ်ကၠေံပေါဲဗ္တိုက်တံကဵု သွက်ဂွံကဵုပွစဵုဒၞါ ကုကောန်အရာပ်တံဂှ်လေဝ် အာတ်မိက်လဝ်အိုတ်ရ။
ပ္ဍဲကဵုလာၚ်ရုပ်ရမျာၚ် အေဿရေတံဂှ် ဟိုတ်နူပရေၚ်ဗ္တိုက်ဟာမာသ်တုဲ လၟိဟ်မၞိဟ်ချိုတ်အာ သၠုၚ်တိုန်ကၠုၚ်လဝ် စဵုကဵု (၉၀၀) ပြၚ်တုဲ တဲဍိုန် ၂၆၀၀ ပြၚ် ကလိဂွံလဝ်ဝပ်တုဲ ဂၠိုၚ်ကဵုဒါဇြိန် ဒးဒုၚ်ရပ်လဝ်ရောၚ်ဂှ် ထ္မံက်ထ္ၜးဒၟံၚ်ရ။
ပ္ဍဲကဵုညးမချိုတ်အာ အေဿရေတံဂှ် ညးသၟတ် နူကဵုသ္ဘၚ်ဂဳတမွဲ ဗ္ဒါဲ (၂၆၀) ပြၚ် ပါလုပ်လဝ်တုဲ ညးတံဂမၠိုၚ်ဝွံ မၞိဟ်ဒးဒုၚ်ပန်ဂစိုတ်လဝ် ကဵုသေနာတ်တံကီု၊ မၞိဟ်လ္ၚဵုတံဂှ် ရပ်ကော်ဏာ နဒဒှ်ညးဒးဒုၚ်သ္ပဒၞန်တံ ပါလုပ်ဒၟံၚ်ရောၚ် သ္ဂးရ။
သ္ကိုပ်ဝန်ဇၞော်အေဿရေ ဗေန်ဂျမေန်နေတာန်ယျာဟုဂှ် ဂကောံဟာမာသ် မသ္ပလဝ်အထံက်ကဵု ဇြဟတ်လက္ကရဴအဳရာန်ဂှ် ဂစိုတ်ကောပ်မှေတ် ကောန်ၚာ်သၟတ်တံကဵု ပွဓဇန်ကြမ်ကြတၞဟ်သ္အာၚ်တံဂှ် ကလိလောန်လဝ်ရောၚ် စောတ်စောဲလဝ်တုဲ ကလေၚ်ပၠန်အာတဲဏောၚ်ဂှ် ကဵုလဝ်ကတိရ။
ပ္ဍဲကဵုဒေသဂါဇြာဂှ် စနူတ္ၚဲသ္ၚိသဝ်တုဲကၠုၚ်တေံတုဲ ဟိုတ်နူပရေၚ်ဗ္တိုက်တရဴကျာ အေဿရေတုဲ ပါလက်သတိုၚ် အောန်အိုတ် ဗ္ဒါဲ ၇၀၀ ချိုတ်အာလဝ်တုဲ ၃၀၀၀ ပြၚ် ကလိဂွံလဝ်ဝပ်ဂှ် ဌာနဝန်ဇၞော်ပရေၚ်ထတ်ယုက်ဂါဇြာ လလောၚ်ပ္တိတ်လဝ်ရ။
တုဲကၠုၚ် ပ္ဍဲတ္ၚဲသ္ၚိသဝ် အခိၚ်နူဂယးတေံ ကြဴနူပရေၚ်ဗ္တိုက်သ္ဇက်ဒးအံသဝ်ဂှ်တုဲဂှ် ကောန်ဍုၚ်အေဿရေ ဂၠိုၚ်ကဵုဒါဇြိန် ဟာမာသ်တံ မရပ်ဒက်လဝ်ဂှ် ဂစိုတ်ထောံဏောၚ် ညးမၞုံအခေါၚ်ဟီုဂးဂှ် ဘပဠလဝ်တုဲ ဇၟာပ်ပ်အေဿရေ ဗ္တိုဟ်ဗုမ် ကုသ္ၚိကောန်အရာပ်တံဂှ် ဂစိုတ်အာ ဂၠုဲပၞာန်အေဿရေမွဲတၠဏောၚ်ဂးတုဲ ပရေၚ်ဂစိုတ်ကောပ်မှေတ်ဂှ်လေဝ် ဗလးအာဏောၚ်ဂှ် သ္ဂးလဝ်ရ။
လ္တူပရေၚ်ဘပဠဏံဂှ် ဒပ်ပၞာန်အေဿရေ ကလေၚ်ပၠန်လဝ်တဲလွာဲဂှ်ဂှ် ဟွံမွဲတုဲ အပ္ဍဲပရေၚ်ဗ္တိုက်လုပ်ၜက်ၜေတ်ဂှ် ဟာမာသ် ရပ်ကော်ဏာလဝ် မၞိဟ်အပံၚ် ၁၀၀ ပြၚ်ဂှ် ဝန်ဇၞော်ကာဍုၚ်သ္အာၚ်အေဿရေ ဟီုဂးလဝ်ရ။
Ref: DDNews
sanlontai