ဖျေံကဵုလဝ်လာဘ်သြန် အကြာပ်ဒပ်ဇၞော်ကံၚ်ဇြဳပၞာန်ကဵု သမ္ဘာညး သီုဒှ်စရေရုၚ် ကၠုၚ်ပံၚ်တောဲလဝ်ကဵုညးဍုၚ်ကွာန်

ဗဂေါ – အံက်တဝ်ဗာ (၁၂)

ကြဴနူဖျေံလာဘ်သြန်ပ္တိုန်ဂုဏ်စရာဲ ကုအကြာပ်ဒပ်ဇၞော်ကံၚ်ဇြဳပၞာန် ကေုာံ စရေရုၚ် သမ္ဘာညး ပံၚ်တောဲကဵုညးဍုၚ်ကွာန် သ္ပလဝ် CDM တုဲဂှ် ပလံၚ်ဗစိုပ်ဏာလဝ် ဒၞာဲဗၠးဘဲရဂှ် Bago-PDF လလောၚ်တြးလဝ်ပရိုၚ်ရ။

ဒပ်စဵုဒၞာညးဍုၚ်ကွာန် ပွိုၚ်ဍုၚ်ကဝ (ပ.က. ပွိုၚ်ဍုၚ်ကဝ) ဒေသပၞာန်လ္ပာ် ရးဒေသဗဂေါဂှ် ပလံၚ်ဗစိုပ်လဝ် အကြာပ်ဒပ်ဇၞော်ကံၚ်ဇြဳပၞာန် ကေုာံသမ္ဘာညးတအ် ဒၞာဲညးတအ်နွံပၟိက်တုဲဂှ် ဖျေံကဵုလဝ်လာဘ် သြန် (၁၀)ကိုတ်ရ။

ညးတအ်ဂှ် ဆက်စၠောံရေၚ်တၠုၚ်လဝ်ကဵု ပျဳဒုယေန်ခွေန် (People’s Embrace)၊ ဌာနဝန်ဇၞော်ပရေၚ်စဵုဒၞာ အလဵုအသဳညဳသၟဟ်ကောန်ဂကူ (NUG) တုဲ ဆက်မၚ်မွဲရံၚ်စံၚ်ကဵုဒၟံၚ်ရဂှ် ဂွံတီကေတ်ရ။

နကဵုဒေသပၞာန်လ္ပာ် ရးဗဂေါဂှ် ဒုၚ်တၠုၚ် ဒုၚ်တဲ ကောန်ဒပ်ပၞာန် ကေုာံကောန်ဒပ်ဗၠာဲသၟိၚ် CDM လုပ်ကၠုၚ်ဗ္ဒာဲဒလာဲ ဇရေၚ်ညးဍုၚ်ကွာန်တအ် မိပ်ပ်မြဟ်ဟ်တုဲ သွက်ဂွံကၠောန်အာ ပရေၚ်မၚ်မွဲရံၚ်စံၚ် နွံဒၟံၚ်ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးဂှ်ရ။

သ္အာၚ်နူဂှ်ပၠန် နကဵုကောန်ဒပ်ပၞာန် ကေုာံဗၠာဲသၟိၚ် နွံသၟဝ်တဲကံၚ်ဇြဳပၞာန် သှ်ေသၟေဟ်ဒၟံၚ်တအ်ဂှ် လုပ်ကၠုၚ်ဗ္ဒဗ္ဒာဲ လ္ပာ်ညးဍုၚ်ကွာန်တအ် ဗွဲမပြဟ်တုဲ သွက်ဂွံလုပ် CDM ညးသ္ကအ်ဂှ်လေဝ် Bago-PDF ကဵုလဝ်သမ္တီရ။

ကြဴနူဒပ်ပၞာန်သီအဝဵုကၟိန်ဍုၚ်ဗၟာတုဲ သ္ကုတ်လကြဴဏံ ကောန်ဒပ်ကံၚ်ဇြဳပၞာန်ကဵု ဗၠာဲသၟိၚ် ပံၚ်တောဲကၠုၚ်ကဵုညးဍုၚ်ကွာန် (၁၃၀၀၀) ပြၚ် နွံရဂှ် NUG လလောၚ်တြးလဝ်ရ။

ပရိုၚ် – သြၚ်လောန်တိုၚ်(မ်)

ဗီု – Bago – PDF