ပရေၚ်ဗဒိုပ်ပါဲပၞာန်မုမ်လိုၚ်ခေတ် ဒးဒုၚ်ဗတိုက်လဝ်ဂှ် ဒှ်ပရေၚ်ဒးဒုၚ်ကလိလောန်လဝ် ဒုဟ်ရာဇဝတ်ပၞာန်ရဂှ် ဂကောံကောဒေံပိဂကောံတအ် လလောၚ်တြး

လိုၚ်ဇြာ၊ အံက်တဝ်ဗာ (၁၂)

ပရေၚ်ဗဒိုပ်ပါဲပၞာန်မုမ်လိုၚ်ခေတ် မၞုံဗ္ဒာဲလိုၚ်ဇြာ၊ တွဵုရးကချေၚ် ဒးဒုၚ်ဗတိုက်လဝ်ဂှ် ဒှ်ပရေၚ်ဒးဒုၚ်ကလိလောန်လဝ် ဒုဟ်ရာဇဝတ်ပၞာန် အကာဲအရာပရေံပရေံရဂှ် ဂကောံမဟာမိတ်ကောဒေံပိဂကောံ တအာၚ်၊ ကိုဝ်က၊ ရခေၚ်တအ် လလောၚ်တြးလဝ် ပ္ဍဲဂိတုအံက်တဝ်ဗာ စၟတ်တ္ၚဲ (၁၀) ရ။

ပ္ဍဲဂိတုအံက်တဝ်ဗာ စၟတ်တ္ၚဲ (၉) အခိၚ်ဗ္တံ ၜိုတ် (၁၁) နာဍဳကဝက်ဂှ် ပ္ဍဲကဵုဗဒိုပ်ပါဲပၞာန် မုမ်လိုၚ်ခေတ် နူကဵုကံၚ်ဇြဳပၞာန် ဗတိုက်ပန်လဝ်ကဵု လွဟ်ဇၞော် အခိၚ်ဗ္တံ အခိၚ်အခါဟွံသေၚ် အဆက်ဟွံပိုတ်သ္ကုတ် ဗွဲမဂၠိုၚ်ရဂှ် ဂကောံမဟာမိတ်ကောဒေံပိဂကောံတအ် ဟီုလဝ်ရ။

ဟိုတ်နူပရေၚ်ဗတိုက်ပန်ဏံတုဲ ညးဍုၚ်ကွာန်ပါဲဘဲပၞာန် (၂၈) တၠ ပါလုပ်သီုကောန်ၚာ် (၁၀) တၠ ဒးချိုတ်လဝ် ဂအုံဂအုံဗွဝ်ဗွဝ် မွဲဒမြိပ်ဓဝ်တုဲ ညးဇီုကပိုက်ဒးလဝ်လဝ်ဘဲဝပ် စဵုကဵု (၆၀) ပြၚ်နွံလဝ်ရ။

ပ္ဍဲကဵုဒၞာဲဒးဒုၚ်ဗတိုက်လဝ်ဂှ် ဒှ်ဒၞာဲပ္တဝ်မုက်ပၞာန်ဟွံသေၚ်တုဲ ဒှ်ဗဒိုပ်ပါဲဘဲပၞာန် ဒၞာဲညးဍုၚ်ကွာန်ပါဲဘဲပၞာန်တအ် ဗ္ဒဗ္ဒာဲမံၚ်စံၚ် မွဲဒၞာဲဟေၚ်ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြး ဂကောံကောဒေံပိဂကောံဂှ်ရ။

ပ္ဍဲကဵုမွဲအခိၚ်ဓဝ် ပ္ဍဲကဵုဗဒိုပ် ဒပ်ပၞာန်ရခေၚ် AA မၞုံလိုၚ်ဇြာမွဲဗဒိုပ်ဂှ် နူကဵုကံၚ်ဇြဳပၞာန် ဟိုတ်နူပန်ဖျေံနၚ်လွဟ်ဇၞော်မွဲဒမြိပ် ဗတိုက်လဝ်ဂှ်ရ ကောန်ဒပ် AA မွဲတၠလေဝ် ဒးချိုတ်လဝ်တုဲ ဒးလဝ်ဘဲဝပ် (၁၀) တၠနွံရ။

ဒးဒုၚ်ကလိလောန်လဝ် ဒုဟ်ရာဇဝတ်ပၞာန် ဓဇန်ဓဇန်ကြာန်န် ဗီုလၟုဟ်ဏံတုဲ သွက်ညးဍုၚ်ကွာန်ဟၟဲကဵုဒုဟ်ဒဏ် ဒးဒုၚ်အိုတ်လဝ်လမျီုတအ်ဂှ် ဒဒှ်ရဂကောံကောဒေံမဟာမိတ်ပိဂကောံ ဒးဒှ်လၞီအောန်စိုတ် ဗွဲမလောန်တုဲ သွက်သ္ဂောံက္လိဂွံပရေၚ်ဗဗွဲဓဝ် ကေုာံဓဝ်ဍာံဂှ် နွံဒၟံၚ်မွဲကရောံကဵု ဂကောံဗော်သွးဗၠးၜးကချေၚ် KIO/KIA မွဲဖျုန်ဆီဓဝ်ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးရ။

နကဵုကံၚ်ဇြဳပၞာန် ဒးကျဟောံဗြီုဒၟံၚ် ပ္ဍဲပရေၚ်ဍုၚ်ကွာန်၊ ပရေၚ်ပၞာန် သီုကဵုသွာၚ်နာနာဂှ် စွံလဝ်ဓဝ်အာဃာတ လ္တူညးဍုၚ်ကွာန် ဟွံထံက်ဂလာန်ကဵုဍေံတအ် ဇၞော်ကဵုဇြဟတ်တုဲ ပန်ပှော်ဗတိုက်ဒၟံၚ်ကဵုလွဟ်ဇၞော် သီုဗတိုက်ဒၟံၚ်ကဵုက္ၜၚ်ကျာဂှ် ဒှ်ကမၠောန်ပြဝ ကၠောန်ဒၟံၚ် ဂွံတှ်ေတုဲတအ်ဂှ် သီုအလုံမွဲကၟိန်ဍုၚ် ပ္ဍဲဒၞာဲဗွဲမဂၠိုၚ် ဂွံညာတ်ကေတ်ဒၟံၚ်ရဂှ် ဟီုလဝ်ရ။

ပ္ဍဲကဵုကမၠောန်ပြဝတအ်ဂှ် ဒှ်က္လိလောန်ဒၟံၚ် ဒုဟ်ရာဇဝတ်ပၞာန် က္လိလောန်လဝ် လ္တူကောန်ဂကူမၞိဟ် မံက်က်ထေၚ်ၚ်ရဂှ် ဂကောံကောဒေံပိဂကောံ တအာၚ်၊ ကိုဝ်က၊ ရခေၚ်တအ် လလောၚ်တြးလဝ်ရ။

ပရိုၚ် – သြၚ်လောန်တိုၚ်(မ်)

ဗီု – CJ