ကြဴနူဒးဒုၚ်ပသှ်ေစွံလဝ် နူစရၚ်မၞိဟ်သိုက်လောဲအိုတ်တုဲ ထရာမ်စကာကဵု Forbes မဂ္ဂဇြေန် ဒုၚ်ဂုဏ်

ဝါယှေန်တာန်၊ အံက်တဝ်ဗာ(၁၂)

နူကဵုစရၚ်ကောန်ကၟိန်ဍုၚ်အမေရိကာန် သိုက်လောဲအိုတ်ဂှ် ပ္ဍဲကဵုပွိုၚ်ၜါသၞာံ ကြဴဴနူဒးဒုၚ်ပသှ်ေစွံလဝ်မရနုက်ကဵု အလန်ဒုတိယတုဲဂှ် သမ္မတအမေရိကာန်တြေံ ဒဝ်နေဝ်ထရာမ်ဂှ် ဒးကလေၚ်ဒုၚ်ဂုဏ်ညးရောၚ် ဟီုကဵု Forbes မဂ္ဂဇြေန်ရ။

နကဵု Forbes မဂ္ဂဇြေန်ဂှ် ပ္ဍဲအရာဓမံက်ထ္ၜး ပရောပရာညး တၚ်ဆောတ်ယောတ် ပါလုပ်ဒၟံၚ်ဗွဲမဂၠိုၚ်တုဲ ပ္ဍဲကဵုစရၚ်ကောန်ဍုၚ်အမေရိကာန်သိုက်လောဲအိုတ် သွက်ဂွံဓမံက်ထ္ၜးယၟုညး ဟိုတ်နူလုတ်ဒကုတ်လဝ်ဂှ်ရ ဒးကလေၚ်ဒုၚ်ဂုဏ် ပေၚ်ၚ်ရောၚ်ဂှ် ထရာမ်ချူပ္တိုန်လဝ် ပ္ဍဲမဳဒဳယာပရေၚ်မၞိဟ်ညး ပ္ဍဲကဵုဂိတုအံက်တဝ်ဗာ စၟတ်တ္ၚဲ (၁၀) ဂှ်ရ။

ကြဴနူဂှ် Forbes မဂ္ဂဇြေန်ဏံ ကြုက်ပိုၚ်ပြဳလဝ်ရောၚ်ဟီုတုဲ ထရာမ်စောတ်စောဲလဝ်ဏီရ။

Forbes မဂ္ဂဇြေန်ဂှ် ၜိုန်ရကုမ္ပဏဳဓလိုက်တံရိုဟ် ဖျေံသ္ဇိုၚ်ဟံၚ်ကံၚ် ပိုၚ်ပြဳလဝ်ကီုလေဝ် ပြဟ်ဟ်ဏံ သဳကၠဳဒၟံၚ် တၚ်တုပ်စိုတ် အမေရိကာန်ပိုၚ်ပြဳကၠုၚ် ယှေဝ်ယာဗွဲမဂၠိုၚ်ဏောၚ် မွဲတန်ရဂှ် ဂွံတီကေတ်ရ။

ဟိုတ်နူ Forbes မဂ္ဂဇြေန်လုတ်ဒကုတ်လဝ် သွက်ဂွံစုတ်ညး ပ္ဍဲစရၚ်ကောန်ဍုၚ်အမေရိကာန်သိုက်လောဲအိုတ်ဂှ်ရ ဒဒှ်ရစိုတ်ဒးလီုဂှ်လေဝ် ထရာမ် ဟီုလဝ်ရ။

Forbes မဂ္ဂဇြေန်ဂှ် ဗတိုက်ပၠန်ဒၟံၚ်ကဵု ဇကုဇကု သၞာံလအ်လကၠုၚ်ဒၟံၚ်တုဲ သွက်ဂွံဗတိုက်ပၠန်ဂှ် လိက်ကေတ်လဝ် သၟာချူလိက်ဒိုဟ်ဓီု ဇေတ်တ်ရဂှ်လေဝ် ထရာမ် ဟီုလဝ်ရ။

ထရာမ်ဂှ် ပြဟ်ဟ်ဏံ ဒးဆေၚ်ဒၟံၚ်မုက်ကဵုဂဗုတ် နကဵုတၚ်စောတ်စောဲ ဒဒှ်ရဟီုဂးသၠဲပ္တိုန်လဝ် ပရေၚ်ပိုၚ်ပြဳညးရ။

အတိုၚ်တၚ် Forbes မဂ္ဂဇြေန် ဓမံက်ထ္ၜးလဝ်မ္ဂး ပ္ဍဲကဵုသၞာံတုဲကၠုၚ် ပွိုၚ်မွဲသၞာံဂှ် ၚုဟ်မးသိုက်လောဲထရာမ် ဒဝ်ဠာ ၆၀၀ ပြကောဋိကိုတ် အောန်ယအ်စှ်ေလဝ်ရဂှ် ဂွံတီကေတ်ရ။

ထရာမ်ဂှ် ပါလုပ်လဝ် ပ္ဍဲကဵုစရၚ်သိုက်လောဲအိုတ် နူကဵုသၞာံ ၁၉၉၆ စဵုကဵု ၂၀၂၁ လေဝ် ဒှ်ရ။

Ref; Y! News