ကိုဝ်က – အံက်တဝ်ဗာ (၁၇)
တွဵုရးသေံ၊ ပ္ဍဲဒေသကိုဝ်ကဂှ် ဒပ်ကံၚ်ဇြဳပၞာန် ကဵုဂကောံကိုဝ်ကတအ် ဒှ်လဝ်ပေါဲဗတိုက်တုဲ လ္ပာ်ကံၚ်ဇြဳပၞာန် ဒးချိုတ်လဝ် (၁၆)တၠ ဒးလဝ်ဘဲဝပ် (၇)တၠရဂှ် ဓမံက်ထ္ၜးလဝ် ပ္ဍဲမဳဒဳယာ The Kokang ရ။
ပေါဲဗတိုက်ဒှ်လဝ် ပ္ဍဲဂိတုအံက်တဝ်ဗာ စၟတ်တ္ၚဲ (၁၄) တေံတုဲ လ္ပာ်ကံၚ်ဇြဳပၞာန် ကြပ်ဒှ်အလုံဒပ်မွဲ ဒးဒုၚ်ပသောၚ်သ္အးလဝ်ရ။
ကောန်ဒပ်ကံၚ်ဇြဳပၞာန် ၜိုတ် (၃၀) တၠ နူတံဒပ် – ၃၃၅ ဌာန်ဂအုပ်ကောပ်ကာဲပရေၚ်ချဳဒရာၚ်ပၞာန် စၟတ် ၁၂ (စကခ-၁၂) ကံၚ်ဇြဳပၞာန်ဂှ် ကော်နၚ်လဝ်ကောန်အရာပ်မွဲတၠ နဒဒှ်ညးထ္ၜးဂၠံၚ်တုဲ ပ္ဍဲကဵုဒၞာဲကၠာဟွံစိုပ် ဗဒိုပ် MNDAA ၜိုတ်မသုန်မဳတာဂှ် ဒှ်လဝ်ပေါဲဗတိုက်ရ။
ပ္ဍဲပေါဲဗတိုက်ဂှ် သီဂွံလဝ် ရိုၚ်ဖေဝ် (၁၀)ဒကိုအ်၊ ၆၀- မမ မွဲဒကိုအ်၊ အမၠံက်ပန် မွဲဒကိုအ်၊ ဖျေဲမကမ် (၁၄)ဖျေဲ၊ မကမ် ၂၁၈ မ၊ စက်ဗလးရမျှာၚ် မွဲမ၊ ဖုၚ်တဲ မွဲမ၊ ဖုၚ်ဂြိုဟ်ပတောံ မွဲမ ကေုာံကပေါတ်အရပ်စပ်ပၞာန်တၞဟ်တအ်ရဂှ် ဓမံက်ထ္ၜးလဝ်ရ။
စပ်ကဵုပရေၚ်ဒဒှ်ဏံတုဲ နကဵုသြၚ်လောန်တိုၚ်(မ်) ၜိုန်ရဆက်စၠောံလဝ်ကဵု MNDAA ကေုာံ ဂအုပ်ဗိုလ်ဇၞော်ဇြဝ်မေန်ထောန် ညးမၞုံအခေါၚ်ဟီုဂးကံၚ်ဇြဳပၞာန်ကီုလေဝ် ဆက်စၠောံဟွံဂွံလဝ်ရ။
ပရိုၚ် – သြၚ်လောန်တိုၚ်(မ်)
ဗီု – MNDAA (ဗီုတြေံ)
sanlontai