မနဳလာ၊ အံက်တဝ်ဗာ(၁၇)
ပ္ဍဲကဵုသ္ကုတ်လကြဴ သတ္တာဟတုဲကၠုၚ်တေံ ဟိုတ်နူက္ၜၚ်ပၞာန်ဍာ်ကြုက် ဗက်ဒၟံၚ်ဒၞာဲဇိုၚ်က္ၜၚ်ဒပ်ပၞာန်ဍာ်ဖိလေတ်ပိုၚ် ကၠောန်ရေၚ်တၠုၚ်ဒၟံၚ် မေတ်ယှေန်ပရေၚ်ထံက်ပလံၚ် ပ္ဍဲက္ၜဳကြုက်သၠုၚ်ကျာဂှ်ရ သွက်ဂွံဒေါံကဵု ပရေၚ်ချဳဒရာၚ်ပၞာန် နွံအန္တရာယ်ဂၠိုၚ်တုဲ သီုဒှ်ဒၟံၚ် ညံၚ်ရဴက္ဍိုက်ဓရိုက်ဒၟံၚ်ဂှ် ဒပ်ပၞာန်ဖိလေတ်ပိုၚ် အာတ်မိက်လဝ်ရ။
က္ၜၚ်ပၞာန်ဍာ်ကြုက်မွဲဖ္ဍိုက်ဂှ် စိုပ်ကၠုၚ်လဝ် စဵုကဵုဗ္ဒာဲတ္ကအ်တဳတူ မဒှ်ဗဒိုပ်ကၚ်မနဳလာဇၞော်အိုတ် သီုစှ်ေကိုန်ဗျူဟာပၟိက်ကိစ္စဇၞော် မၞုံပ္ဍဲက္ၜဳကြုက်သၠုၚ်ကျာဂှ်ရ။
က္ၜၚ်ဒပ်ပၞာန်ဍာ်ကြုက်မွဲဖ္ဍိုက်ဂှ် ကၠောန်သ္ပလဝ် သွက်ဂွံတတ်အာဂတက္ၜၚ်ဖိလေတ်ပိုၚ်တုဲ ဒဒှ်ရစိုပ်လဝ်ခရာ ၃၅၀ ကိုက် ကၠာဟွံစိုပ်ဗဒိုပ်ကၚ်ဂှ် သ္ကိုပ်သ္ကဒပ်ပၞာန်ဖိလေတ်ပိုၚ် ရိုဝ်မဳယိုဝ် ဟီုလဝ်ရ။
“ပရေၚ်ကြုက်ပရဟ်ဒုၚ်စဳဇန်လဝ်ကဵု ပရေၚ်ချဳဒရာၚ်ပၞာန် နွံကဵုအန္တရာယ်တအ်ဂှ် ဒှ်ပြဒ္ဒညာဇီုတေက်ဒးသၟးဟေၚ်ဟွံသေၚ် သီုက္တဵုဗဒှ်ကဵုအန္တရာယ် လမျီုသ္ၚိဌာန်ကောန်ဒပ် သီုၜါလ္ပာ် တိုက်ရိုက်ရ” ဂှ် ညးလလောၚ်တြးလဝ် ပ္ဍဲဂိတုအံက်တဝ်ဗာစၟတ်တ္ၚဲ (၁၅)ဂှ်ရ။
ရုၚ်ကလုတ်ကြုက်မၞုံဍုၚ်မနဳလာဂှ်မ္ဂး လ္တူအာတ်မိက်လဝ် သွက်ဂွံဟီုကဵုတၚ်သမ္တီဂှ် ကလေၚ်ဟီုပလန်လဝ်တဲဟၟဲရဂှ် ဂွံတီကေတ်ရ။
ပ္ဍဲလ္တူကၠောန်ရေၚ်တၠုၚ်ဒၟံၚ် မေတ်ယှေန်ပရေၚ်ထံက်ပလံၚ် ကၠောန်သွက်ညးယိုက်ဝန်ဖိလေတ်ပိုၚ် ယိုၚ်ဂၠေၚ်ဒၟံၚ်တာလျိုၚ် ပ္ဍဲကဵုအပိုၚ်အခြာပရေၚ်ပိုန်ဒြပ် ကၟိန်ဍုၚ်ဖိလေတ်ပိုၚ်တၞဟ်ခြာ မၞုံပ္ဍဲတ္ကအ်ၜဳကြုက်သၠုၚ်ကျာဂှ် နူလ္ပာ်ကြုက်ပ္တိတ်ဒၟံၚ်ဇြဟတ် သွက်ဂွံကၟာတ်ဒၞာမၚ်ရံၚ်ခါတ်အကာဲဒၟံၚ် အဆက်က်လေဝ်ဒှ်ရ။
အလုံၜဳကြုက်သၠုၚ်ကျာမွဲ ကြပ်ဒှ်သီုဖအိုတ်ဂှ် ဒဒှ်ရပရေၚ်ပိုၚ်ပြဳအခေါၚ်အဝဵုညးတအ် ကၟိန်ဍုၚ်ကြုက်ဟီုလဝ်ခိုၚ်ၚ်ကၠိုက်က်တုဲ နူကဵုဂၠံၚ်ဍာန်ဍာ် ပရေၚ်ကူသာန်ဗၞိက်လၟေၚ်သၞာံ က္လိဂွံဒၟံၚ်ဒဝ်ဠာအမေရိကာန် ၃ ထရဳလျာန်ပြၚ်ရ။
ကြဴနူသမ္မတဖိလေတ်ပိုၚ် ဖာဒဳနာန်မာကိုဝ်သ်ဂှ် ကၠောန်ရေၚ်တၠုၚ်လဝ် ပရေၚ်ဆက်ဆောံ ဝါယှေန်တာန် သာတုဲကြပ်ညောန် ပါလုပ်သီုသၠုၚ်ပ္တိန်လဝ်အခေါၚ်အမေရိကာန် ဂွံလုပ်စိုပ်တုဲဂှ် ပရေၚ်ဆက်ဆောံအကြာကၟိန်ဖိလေတ်ပိုၚ်ကဵုကြုက် ယောၚ်ယာထောၚ်စာ်ကၠုၚ်လေဝ် ဒှ်လဝ်ရ။
Ref: CNA
sanlontai