ပလဝ်၊ အံက်တဝ်ဗာ(၁၈)
ပ္ဍဲဆေၚ် မၞုံပ္ဍဲကွာန်ကျံက်ကာ၊ ပွိုၚ်ဍုၚ်ပဠဝ်၊ ရးဒေသဇၞော်တၞၚ်သြဳတံဂှ် ဒပ်ဍာ်ကံၚ်ဇြဳပၞာန်တံ ကၟာတ်လဒဵုလဝ် အခေါၚ်သွံတြးသ္ၚုရဂှ် ဂွံတီကေတ် အတိုၚ်လဟီု ညးဒေသတံရ။
ဒပ်ဍာ်ကံၚ်ဇြဳပၞာန်ဂှ် သ္ပပ္တံနူဂိတုအံက်တဝ်ဗာ စၟတ်တ္ၚဲ(၁၂)ဂှ်တုဲ ဆေၚ်ပ္ဍဲကွာန်တံဂှ် ဟွံကဵုအခေါၚ်သွံတြးသ္ၚုတံရတုဲ ဒးရာန်ကေတ်သ္ၚု ပ္ဍဲဇရေၚ်အုပ်ဓုပ်ကွာန် ဍေံတံစၟတ်လဝ်ရဂှ် စၞောန်ပ္ညုၚ်ကၠုၚ် နကဵုအမိၚ်အသမ်ပါၚ်ရ။
ဆေၚ်အပ္ဍဲကွာန်တံဂှ် ဟွံဂွံအခေါၚ်မွဲသာ် ကၠတ်သွံမံၚ်သ္ၚု ယဝ်ရစၟဳတ်ရပ်ဂွံမ္ဂး မ္ၚးနူဒဏ်သြန် သွက်ဂွံဖျေံစၟတ်သီုဒဏ်ထံၚ် ပ္တိတ်လဝ်အမိၚ်ရဂှ် ညးဒေသတံ ဟီုဂးလဝ်ရ။
ပ္ဍဲအရာရာန်ကေတ်သ္ၚုလေဝ် ၜိုတ်နွံပၟိက်ဂှ်ရာန်ကေတ်ဟွံဂွံတုဲ တုဲတဴကဵုလၟိဟ်မၞိဟ်မၞုံပ္ဍဲသ္ၚိကၟိန်တံတုဲ သွံတြးကဵုမံၚ်နကဵုအရၚ်ရဂှ် သ္ဂးရ။
ဟိုတ်နူတၚ်သၞောတ်ဗ္ၜတ် ဒပ်ဍာ်ကံၚ်ဇြဳပၞာန်တံတုဲ ပ္ဍဲဍာ်ဇမၠိၚ် သ္ၚုပိုတ်အိုတ်အာ ညးဒေသတံဂွိၚ်ဂွါဲဒၟံၚ်အိုတ်တုဲ ပ္ဍဲအရာရာန်ကေတ်သ္ၚုဂှ်လေဝ် ဒးဂဗမံၚ်ကဵုအကာဲအရာ ဒးကဵုဗပဵုမံၚ်ၚုဟ် မွဲကဠတ်မ္ဂး ဗ္ဒါဲ ၁၀၀၀ ဒ္ကေဝ်ရ။
ကွာန်ကျံက်ကာဂှ် ဒှ်ကွာန်တကအ်ၜဳမွဲကွာန်တုဲ လၟိဟ်မၞိဟ်(၁၀၀၀)ပြၚ်မံၚ်တန်တဴဒၟံၚ်တုဲ ဗွဲမဂၠိုၚ် ကၠောန်ၜိုတ်မံၚ် ကမၠောန်ဍာ်တံ မဒှ်ရ။
ပ္ဍဲဗလးၜဳ ဗ္ဒါဲကွာန်ကျံက်ကာ ပွိုၚ်ဍုၚ်ပလဝ်ဂှ် က္ၜၚ်ပၞာန် ဒပ်ဍာ်ကံၚ်ဇြဳပၞာန် (၃)ဖ္ဍိုက် နွံစလေပ်မံၚ်လၟိုန်တုဲ ပွလုပ်စၟဳတ်ပ္ဍဲကွာန်တံ နွံမံၚ်မွဲဏှမွဲဏှရ။
ပရိုၚ်-သြၚ်လောန်တိုၚ်မ်
ဗီု-CJ
sanlontai