ၜဳကလေၚ်၊ အံက်တဝ်ဗာ(၂၁)
တွဵုရးဍုၚ်မန်၊ ပွိုၚ်ဍုၚ်ၜဳကလေၚ်၊ ဗ္ဒါဲကွာန်အေန်ဖျာ ပ္ဍဲရာပ်သ္ကဲဂၠံၚ်ကွဳစက်မွဲဂှ် ဂွံဆဵုကေတ်လဝ် ဇွမၞိဟ်တြုံ ဒးဒုၚ်ၜုၚ်တက်လဝ်တုဲ ချိုတ်မံၚ်ရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
တုဲကၠုၚ်ပ္ဍဲဂိတုအံက်တဝ်ဗာ စၟတ်တ္ၚဲ (၂၀) အခိၚ်လ္ဒောဝ်တ္ၚဲ ၜိုတ်(၂)နာဍဳဂှ် ဇွမၞိဟ်တြုံ အာယုက်(၃၀)သၞာံမွဲတၠ ချိုတ်မံၚ် နကဵုဘဲဝပ် ဒးဒုၚ်ၜုၚ်တက်လဝ်ဂှ် ညးကွာ်ဂၠံၚ်တံ ဆဵုကေတ်လဝ်ရ။
ကြဴနူဂှ်တုဲ အခိၚ်အာစိုပ်ကပှ်ကေတ် မွဲကရောမ်ကဵု ဂကောံရီုဗၚ်ပရေၚ်မၞိဟ်တံဂှ် ဂွံကလေၚ်ဆဵုကေတ်လဝ် ဇွမၞိဟ်တြုံဟွံတီယၟုဂှ် ချိုတ်မံၚ်နကဵုဘဲဝပ်က္ဍိုပ်ထ္ကး မဒှ်ရ။
ဆေၚ်စပ်ကဵု ညးမဒးချိုတ်ဒၟံၚ်ဂှ်တုဲ ယၟု၊ ဌာန်ဒၟံၚ် ညးဂှ်ရောဟီုဂှ် ဟွံဂွံတီကေတ်ဏီဂှ်ရ ဒးစွံလဝ်ဇွဂှ် ပ္ဍဲရုၚ်ဂဥုဲၜဳကလေၚ်ရဂှ် သ္ဂးရ။
ဆ္ဂး စဵုကဵုတ္ၚဲဏံ ဂိတုအံက်တဝ်ဗာစၟတ်တ္ၚဲ (၂၀) အခိၚ်သဝ်တ္ၚဲဂှ် ဆေၚ်စပ်ကဵုညးဒးချိုတ်အာဂှ်တုဲ ညးဂှ် ညးဂှ်ရောဟီုဂှ် ဟွံဂွံတီကေတ်ဏီတုဲ ဂကောံသ္ၚိကၟိန်တံလေဝ် စိုပ်ကၠုၚ်လဝ်ဟွံမွဲဂှ်ရ စံၚ်အာ ပ္ဍဲသုသာန်ၜဳကလေၚ်ဂှ်ရောၚ်မဒှ်ရ။
အခိၚ်ဆဵုညးမဒးချိုတ်အာလဝ်ဂှ် ပဠောံဟွံပါ၊ ပံၚ်မဳဇမၠေံမွဲဂတှ်ေဟေၚ်ပါတုဲ သက်သဳဆေၚ်စပ်ကဵု ညးမဒးချိုတ်အာလဝ်တံဂှ် ဟွံဂွံဆဵုကေတ်ရဂှ် သ္ဂးရ။
ပ္ဍဲတွဵုရးဍုၚ်မန်ဂှ် ပ္ဍဲကာလသီအဝဵုဏံ ဟိုတ်နူပရေၚ်အုပ်လဒံသၞောဝ်ဥပဒေ အောန်စှ်ေကၠုၚ်မံၚ်ဂှ်ရ ပွပၠံၚ်ၜး ဂစိုတ်ဂယိုၚ်၊ ပွဂစိုတ်ဂယိုၚ်တၠတဲဟွံမံက်တံ က္တဵုဒှ်မံၚ် မွဲဏှမွဲဏှရ။
ပရိုၚ်-သြၚ်လောန်တိုၚ်မ်
ဗီု-CJ
sanlontai