မတ်မလီု – အံက်တဝ်ဗာ(၂၁)
ပ္ဍဲဒေသပရေၚ်အုပ်ဓုပ်ထိၚ်ဒဝ်တိဍာ် ဇြဟတ်ခိုဟ်ဒၟံၚ်တအ်ဂှ် ဇြဟတ်ပၞာန် နွံဒၟံၚ်ပၟိက် သွက်ပရေၚ်စဵုဒၞာဒေသတအ် ညံၚ်ဇြဟတ်လွဟ်လက်နက်မကမ် ဂွံတဴတက်ခိုဟ်ကၠုၚ် ၜိုတ်ကလေၚ်ဖ္ဍိုက်ဗပေၚ်မာန် ဒးဖ္ဍိုက်ဗပေၚ်ကဵုရောၚ်ဂှ် သ္ကိုပ်ဝန်ဇၞော် NUG မာန်ဝေန်ခိုၚ်တာန် ဟီုလဝ်ရ။
ပ္ဍဲကောံဓရီုကဝ်မတဳဓမံက်ရုပ်ရဴဴ ပရေၚ်အုပ်ဓုပ်ညးဍုၚ်ကွာန်ဒေသန္တရကာလအကြာ ဗဟဵု စၟတ်( ၄၂/၂၀၂၃)၊ အလဵုအသဳညဳသၟဟ်ကောန်ဂကူ ကၠောန်ဗဒှ်လဝ် ပ္ဍဲဂိတုအံက်တဝ်ဗာ စၟတ်တ္ၚဲ (၂၀)အခိၚ်နူဂယးဂှ် ဟီုလဝ်သာ်ဏံရ။
“ဇြဟတ်လွဟ်လက်နက်မကမ် နွံဒၟံၚ်ပၟိက် သွက်ပရေၚ်စဵုဒၞာဒေသဂှ်လေဝ် ညံၚ်ဂွံတဴဴတက်ခိုဟ်တိုန်ကၠုၚ် ၜိုတ်ကလေၚ်ဖ္ဍိုက်ဗပေၚ်ကဵုမာန် ဒးဖ္ဍိုက်ဗပေၚ်ကဵုဏောၚ်။ ပံၚ်တောဲရေၚ်တၠုၚ်အာ ကမၠောန်တအ်ဏံ နကဵုဇြဟတ်ခိုဟ်ဟ်ဟေၚ် ဆက်တုဲဂွံသၠဲပ္တိတ် အုပ်ဓုပ်အာ တိဍာ်မာန်ရ”ဂှ် သ္ကိုပ်ဝန်ဇၞော်မာန်ဝေန်ခိုၚ်တာန် ဟီုလဝ်ရ။
သ္အာၚ်နူဂှ်ပၠန် နူကွာန် မွဲကွာန်ကဵုမွဲကွာန်၊ နူပွိုၚ်ဍုၚ်မွဲကဵု မွဲပွိုၚ်ဍုၚ် အုပ်ဓုပ်ထိၚ်ဒဝ်မာန်ဟေၚ် ဨရိယာပရေၚ်အုပ်ဓုပ် ဂွံသၠဲတိုန်ကၠုၚ်တုဲ သွက်ဨရိယာပရေၚ်အုပ်ဓုပ် ဂွံသၠဲတိုန်ကၠုၚ် ပ္ဍဲကဵုပရေၚ်ပၠန်ဂတး ဒှ်ကမၠောန်ပၟိက်ဇၞော်အိုတ် မွဲရဂှ်ဟီုလဝ်ဏီရ။
ကောံဓရီုကဝ်မတဳဓမံက်ရုပ်ရဴပရေၚ်အုပ်ဓုပ်ညးဍုၚ်ကွာန်ဒေသန္တရကာလအကြာ ဗဟဵု၊ အလဵုအသဳညဳသၟဟ်ကောန်ဂကူဂှ် သ္ကိုပ်ဝန်ဇၞော် မာန်ဝေန်ခိုၚ်တာန် က္ဍိုက်က္ဍိုပ်တုဲ ညးတာလျိုၚ် အလဵုအသဳ NUG တအ် တိုန်စိုပ်လဝ်ရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
ဗီု – NUG
sanlontai