ပ္ဍဲဇြပ်ဗု ဗၠာဲသၟိၚ်ထိၚ်ရးမွဲတၠ လုပ်ဖျေံလွဟ် ဇရေၚ်ညးဍုၚ်ကွာန် သီုလွဟ်မကမ်

ဇြပ်ဗု – အံက်တဝ်ဗာ(၂၁)

တွဵုရးဍုၚ်မန်၊ ဗၠာဲသၟိၚ်ထိၚ်ရး နူဗဒိုပ်ဗၠာဲသၟိၚ်ၝောံဍုၚ်ဇြပ်ဗုမွဲတၠ ကၠုၚ်စိုပ်ပံၚ်တောဲလဝ်ကဵု ကရောၚ်ပၞာန်တံၚ်ညော သီုလွဟ်လက်နက်မကမ်ရဂှ် ဒုရုၚ်သ္ကိုပ်ဒေသပၞာန် လ္ပာ်၊ ဒေသပၞာန် လ္ပာ် စၟတ်(၃)၊ ရးသ္ကုတ်သၠုၚ်ကျာ J.O.C လလောၚ်တြးလဝ် နကဵုစၟတ်တ္ၚဲ တ္ၚဲဏံရ။

ကၠုၚ်စိုပ်ပံၚ်တောဲလဝ် သီုလွဟ်လက်နက်မကမ် ပ္ဍဲကဵုဂိတုအံက်တဝ်ဗာ စၟတ်တ္ၚဲ (၂) တုဲကၠုၚ်တေံရဂှ် ဂွံတီကေတ်ရ။

ဗၠာဲသၟိၚ်ထိၚ်ရး ကၠုၚ်ပံၚ်တောဲလဝ်ကဵု ညးဍုၚ်ကွာန်ဂှ် ဟိုတ်နူဒုၚ်ဒဝ် ဘဲဒဏ်ပ္ဍဵုပ္ဍိုက်လ္တူသၟဝ် ပ္ဍဲဒပ်ဗၠာဲသၟိၚ်ဟွံမာန်ကီု သီုကဵုဒုၚ်ဍဵုဍိုက်ပျဲပျာံ လ္တူညးဍုၚ်ကွာန်တအ်ဟွံမာန်တုဲ ကၠုၚ်ပံၚ်တောဲလဝ်ရဂှ် ဟီုလဝ်ရ။

မွဲကရောံကဵုအကြာပ်ဒပ်ဗၠာဲသၟိၚ် ထောန်န်လေန်ဂှ် Glock .38 mm ၁ ဒကိုအ်၊ မကမ် .38 ၅ မ၊ ဒၞာကမ် ၁ ၊ ဗုမ်ကၠဟ် ၁ မ၊ icon ၁ မ၊ ခပေဲဗၠာဲသၟိၚ် ၁ မ၊ ၜုန် ၂ တၞုၚ်၊ ဖုၚ် ၂ မ ကေုာံ လကံက်တဲ ၁ ပါကၠုၚ်ရဂှ် ဂွံတီကေတ်ရ။

ဗၠာဲသၟိၚ်ထိၚ်ရး လုပ်လုပ်ဇူဗ္ဒာဲ လ္ပာ်ဇရေၚ်ညးဍုၚ်ကွာန် သီုကဵုလွဟ်လက်နက်မကမ်ဗီုဏံဂှ် အပ်ပြာပ်ကဵုလဝ် သြန်ၝာတ် (၂၀၀၀၀)ရဂှ် ဓမံက်ထ္ၜးလဝ် ပ္ဍဲတၚ်လလောၚ်တြး J.O.C ရ။

ပ္ဍဲကၟိန်ဍုၚ်ဗၟာ ကြဴဴနူဒပ်ပၞာန်သီအဝဵုတုဲ လကြဴဏံ ဗၠာဲသၟိၚ် ကေုာံကောန်ပၞာန် အပံၚ်လၟိဟ် (၁၅၀၀၀) ပြၚ် ကၠုၚ်ပံၚ်တောဲလဝ်ကဵု ညးဍုၚ်ကွာန်တအ်ရဂှ် ဂွံတီကေတ်အတိုၚ်တၚ်လလောၚ်တြး NUG ရ။

ပရိုၚ် – သြၚ်လောန်တိုၚ်မ်

ဗီု – J.O.C