နယူယျံက်- အံက်တဝ်ဗာ(၂၂)
ပ္ဍဲလ္တူအသံပါၚ်ရုၚ်သၞောဝ်ဓဝ်ဂှ် ဟိုတ်နူဖံက်ပ္ကဝ်လဝ် မံက်က်ကၠးကၠးဂှ်ရ ရုၚ်သၞောဝ်ဓဝ်နယူယျံက် ဖျေံလဝ်ဒဏ် သမ္မတတြေံဒဝ်နေဝ်ရာမ် သြန်ဒဝ်ဠာ မသုန်လ္ၚီရ။
သမ္မတတြေံထရာမ်ဂှ် သွက်ဂွံဇိုတ်ကဵု ပေါတ်သ်အောန်လာၚ် သ္ပလဝ်စရဵု ကုညးဗြဴညးယိုက်ဝန်ရုၚ်သၞောဝ်ဓဝ်မွဲတၠ ဟိုတ်နူလုတ်ဒကုတ်လဝ်တုဲ ပ္ဍဲကဵုဂိတုအံက်တဝ်ဗာ စၟတ်တ္ၚဲ (၂၀)ဂှ် ဇမၞော်ဂဗုတ် အဝ်တာအာန်ဂွန်ရွန် ဖျေံလဝ်အမိၚ်ရ။
မာဿတာထရာမ် မဒှ်ရဳပါတ်ပလေတ်ကာန်မွဲတၠဂှ် ဗီုရုပ်က္ဍိုပ်သ္ကိုပ်ဒဳမဝ်ကရေတ်တေတ်ကၠတ်ထဝ်လ္တူ ချေက်ခ်ယှေက်မာကဵု ညးဗြဴယိုက်ဝန်ရုၚ်သၞောဝ်ဓဝ်မွဲတၠ တက်လဝ်တုပ်ပ်ဂှ် တောဲဒၟံၚ်ညးသ္ကအ်ဂးတုဲ ပ္တိုန်လဝ်ပေါတ်သ် ပ္ဍဲဇာနှိက်ပရေၚ်မၞိဟ်ညးရ။
ပ္ဍဲကဵုရုၚ်သၞောဝ်ဓဝ်သွာၚ်အရာပ် သမ္မတတြေထရာမ် တိုန်စိုပ်လဝ် အခိၚ်ချိၚ်ဂဗုတ် တ္ၚဲဗွဲမဂၠိုၚ်ဂှ် ဇမၞော်ဂဗုတ် ကဵုလဝ်သတိ သွက်ကိစ္စဏံတုဲ သွက်ထရာမ်ဂှ်မ္ဂး ပရေၚ်ဒးဒုၚ်ကဵုသတိဂှ် ပ္ဍဲသတ္တာဟဏံ ဒှ်အလန်ကိုပ်ကၠာအိုတ်ဟွံသေၚ်ရ။
နကဵုထရာမ်ဂှ် အခိၚ်ညးတၞဟ်တိတ်ဟီုထ္ၜးဒၟံၚ်သက်သဳဂှ် ခြာဟွံလအ်ဟွံလအ် ဟိုတ်နူထ္ၜးဒၟံၚ်အကာဲအရာ ဗီုပြၚ်စိုတ်လီုလာ်တုဲ ကၠောန်ပလာပ်ပထုဲဒၟံၚ်ဂှ်ရ ဇမၞော်ဂဗုတ်ဂှ် ခြာဟွံလအ်ဟွံလအ် ဒးကဵုဒၟံၚ်သတိ ပ္ဍဲအခိၚ်ချိၚ်ဂဗုတ် ရဂှ်ဟီုလဝ်ရ။
ပ္ဍဲဂိတုဏံ သ္ကုတ်ကၠာဂှ် ကိစ္စပေါတ်သ်ထရာမ် သ္ပလဝ်စရဵုပ္ဍဲအောန်လာၚ်ဏံဂှ် ဟိုတ်နူဖျေံလဝ်ဩဇာ မၞိဟ်မွဲလ္ပာ် နမဟွံယျဵုလ္ဂူဂှ်ရ စဵုဒဏ်ထံၚ် ကေတ်အရေဝ်ဖျေံဒုဟ်ဒဏ်မာန်ရဂှ် ဇမၞော်ဂဗုတ် ကဵုလဝ်သတိရ။
သွက်ဂွံဇိုတ်ကဵုပေါတ်သ်ဂှ် နူရုၚ်သၞောဝ်ဓဝ် ဖျေံလဝ်အသံအမိၚ် ကုထရာမ်တုဲ ထရာမ်ဂှ် ၜိုန်ရဇိုတ်ထောံ နူကဵုမဳဒဳယာပရေၚ်မၞိဟ်ညးကီုလေဝ် ပ္ဍဲဝေပ်ဇြိုက်ဂှ် ဟိုတ်နူသှ်ေဒၟံၚ်တုဲ ရုၚ်သၞောဝ်ဓဝ် ဖျေံကၠုၚ်အသံ ဗီုလၟုဟ်ဏံရ။
မာဿတာအာန်ဂွန်ရွန်ဂှ် ပေါတ်သ်ထရာမ်ဏံ ဗဂဵုဒၟံၚ်ပၟတ် ပရေၚ်ဟွံလျုၚ်ပတှ်ေ လ္တူရုၚ်သၞောဝ်ဓဝ်မာန်တုဲ ဟိုတ်နူက္တဵုဗဒှ်ကဵု ပရေၚ်ဇီုကပိုက်ဆောံလေၚ် ဇၞော်ကဵုဇြဟတ်မာန်ဂှ်ရ ဒးကေတ်လဝ်အရေဝ် ကုထရာမ်ရဂှ် ဟီုလဝ် ပ္ဍဲကဵုရုၚ်သၞောဝ်ဓဝ်ရ။
နာဲဗ္စာထရာမ် ခရေဿတိုဝ်ဖာဂှ် ဒုၚ်လဝ်ဂုဏ် စၞးကောန်ဂဗုတ်ညးတုဲ နကဵုထရာမ်ဂှ် ၜိုန်ရဇိုတ်ထောံပေါတ်သ်ညး နူကဵုမဳဒဳယာပရေၚ်မၞိဟ်ကီုလေဝ် ညးသၟဝ်တဲညးတအ်ဂှ် သွက်ဂွံဇိုတ်ပေါတ်သ် နူကဵုဝေပ်ဇြိုက်စန္ဒက်မာဲ ဍိုန်လျလဝ်တုဲ သီုဟွံထေၚ်မွဲသာ် ဗၠေတ်မှာယောၚ်ယာအာရဂှ် ဟီုလဝ် ဂလာန်ဒုၚ်ဂုဏ်ရ။
ဇမၞော်ဂဗုတ်ဂှ်မ္ဂး ပရေၚ်ဒဒှ်ဏံဂှ် ဟိုတ်နူထရာမ်ဖံက်ပ္ကဝ်လဝ် အလန်ပထမဂှ်ရ စၞးဒဏ်ထံၚ်ဂှ် ဖျေံလဝ်သ္ဂုတ်သွာတ် သွက်ဂွံတပ်ဒဏ်သြန်ဟေၚ်ရဂှ် ဟီုလဝ်ရ။
သီုတၚ်ရန်တၟံနွံနွံ ထပ်ဖံက်ပ္ကဝ်လဝ် အသံအမိၚ်ရုၚ်သၞောဝ်ဓဝ်တုဲ ယဝ်ဟွံသ္ပဂရုကဵု ရုၚ်သၞောဝ်ဓဝ်မ္ဂး စဵုကဵုဒုဟ်ဒဏ်သြန်၊ ဒုဟ်ဒဏ်ထံၚ် သာသ္ကာတ်မြဟ် ကၠောန်ရေၚ်တၠုၚ်အာရောၚ်ဂှ် ပါလုပ်ဒၟံၚ် ပ္ဍဲတၚ်စဳရေၚ်သၞောဝ်ဓဝ်ဂှ်ရ။
အခိၚ်လၟုဟ်ဏံ မာဿတာထရာမ်ကဵု ဂကောံကၟိန်အိန်ထံၚ်ညးတအ်ဂှ် ဒးဆေၚ်ဒၟံၚ်ဂဗုက် သွက်အရာဗွဲမဂၠိုၚ် ပရေၚ်လီဠာန်၊ ကၠောန်လဝ်စၟတ်သမ္တီပရေၚ်ပိုန်ဒြပ်ပတောံ၊ ကၠောန်လဝ်စရၚ်သောၚ်သြန်ပတောံကီု သီုကဵုပရေၚ်ပံၚ်တောဲဂြိုဟ်စာ ဆေၚ်ကဵုသြန်တၞဟ်သ္အာၚ် ဗွဲမဂၠိုၚ်ရ။
Ref;BBC
sanlontai