မတ်မလီု၊ အံက်တဝ်ဗာ(၂၆)
ဇြပ်သ္ဘၚ်ဓဝ်ဥူတာညှေန် ဘာသ္ဇိုၚ်ပရေၚ်ပညာတန်သၠုၚ် စၟတ် (၉) အယုက် နွံဗ္ဒာဲ ၁၁၀ သၞာံ မၞုံအရာပ်ပပေဝ်တာန်၊ ဍုၚ်မတ်မလီု၊ တွဵုရးဍုၚ်မန်ဂှ် တ္ၚဲဏံ ဂိတုအံက်တဝ်ဗာ စၟတ်တ္ၚဲ (၂၅) အခိၚ်နူဂယး ၜိုတ် (၃) နာဍဳကဝက်ဂှ် တူပၟတ် ဒးလီုလာ်လဝ်ရ။
ပရေၚ်တူပၟတ်ဂှ် ပ္ဍဲကဵုပွိုၚ်ၜါဂိတုဏံ ဒှ်အလန်မရနုက်ကဵုဒုတိယတုဲ တူလဝ်ပၟတ်တုဲဂှ် ဟိုတ်နူပၟတ်တူလဝ် စမြိုၚ်ဇြပ်သ္ဘၚ်ဓဝ်ဥူတာညှေၚ် အယုက်နွံ ဗ္ဒာဲ ၁၁၀ သၞာံ ဒးတူပၟတ် လီုလာ်လဝ်သီုဖအိုတ်ရ။
ပရေၚ်ပၟတ်တူဂှ် အခိၚ်နူဂယး ၜိုတ် ၅ နာဍဳကဝက် ထိၚ်လဝ် ပၟတ်မာန်တုဲ စဵုကဵုအခိၚ် ၇ နာဍဳနူဂယး ဒးပလိုတ်ဒၟံၚ်ပၟတ်ရဂှ်ရ ညးစိုပ်ဒၟံၚ် ပ္ဍဲဒၞာဲဒှ်ပရေၚ်ပရောပၟတ်တူဂှ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပရေၚ်ပၟတ်တူဏံ ၜိုန်ညးဒေသတအ် ဟီုဂးပါ်ပါဲဒၟံၚ် ပၟတ်စံၚ် နွံဒၟံၚ်ကီုလေဝ် ဌာနက္ဍိုက်က္ဍိုပ်ပလိုတ်ပၟတ်ဂှ် လ္တူပရေၚ်ဒဒှ်ဏံ လလောၚ်တြးပ္တိတ်လဝ် မမိက်ကဵုမွဲမွဲ ဟၟဲဏီရ။
ပ္ဍဲကဵုပရေၚ်ပၟတ်တူလဝ် ဂိတုအဝ်ဂါတ် စၟတ်တ္ၚဲ (၃) တုဲကၠုၚ်တေံဂှ် ဗ္ဒမ်ရုၚ်ဂအုပ်ဘာ အထက (၉)၊ ဗ္ဒမ်လ္ဒောဝ် ကေုာံ ဘာပိထပ်ဒၞာဲကွးဘာ ဒၟံၚ်ပ္ဍဲဘာစပ္ဍဲဘာ ဥူတာညှေန် ဒးတူပၟတ်လီုလာ်အာလဝ်ရ။
ပရိုၚ် – သြၚ်လောန်တိုၚ်မ်
ဗီု – Bo Bo Win
sanlontai