မတ်မလီု – အံက်တဝ်ဗာ(၂၆)
တွဵုရးကချေၚ်၊ ပေါဲအံၚ်ဇၞးသီကေတ်ဗဒိုပ်အောၚ်ဂျာ ပ္ဍဲပွိုၚ်ဍုၚ်မိုဝ်မောက်ဂှ် ဒှ်ဝးပ္ကဝ်လဝ် သွပ်လ္ပံကံၚ်ဇြဳပၞာန် မိက်ဂွံဘပဠဒၟံၚ် ဌာန်ဂအုပ်ဒပ်ပၠန်ဂတးတအ်တုဲ ဒှ်လဂါံဇိုၚ်ထ္ပက်ပၞာန် ပထမရဂှ် ဝန်ဇၞော်ပရေၚ်စဵုဒၞာ NUG ဥူယျဳမန် ဟီုလဝ်ရ။
ပ္ဍဲကဵုပေါဲဗတိုက်ဂှ် ဗတိုက်သၠေက်လဝ် ဇြဟတ်ဒပ်ကံၚ်ဇြဳပၞာန် ကၠံပြၚ်တုဲ ဒပ်ပၞာန် PDF ပါလုပ်လဝ်တုဲ ဒှ်ပေါဲအံၚ်ဇၞး ကေတ်လဝ် နကဵုဇြဟတ်မဟာမိတ် KIA က္ဍိုက်လဝ်က္ဍိုပ်ရဂှ် ဟီုလဝ်ရ။
“ဝန်ဇၞော်ယျေ ကပှ်ဒၟံၚ်ဟွံတုဲဒှ်ဏီဖိုဟ်၊ လွဟ်ဍောတ်တ် သီုလွဟ်ဇၞော် အရၚ်ဂွံဗ္ဂပ်ကဵု ဒပ် PDF ၜိုတ်မွဲတံဒပ်မာန် ဂွံဏောၚ်”ဂှ် ကြဴနူတ္ၚဲသီကေတ်ဗဒိုပ်တုဲ သ္ကိုပ်ဒေသပၞာန် ကလေၚ်ဟီုလဝ်ရဂှ် ဝန်ဇၞော်စဵုဒၞာ NUG ချူပ္တိုန်လဝ်ရ။
ပ္ဍဲကဵုတ္ၚဲပေါဲအံၚ်ဇၞးသီဗဒိုပ်ဂှ် ထ္ပက်တိုန်ပၞာန်ကၠ တုဲသီကေတ်လဝ်ဂှ် သ္ကိုပ်က္ဍိုက်က္ဍိုပ်ပၞာန်/သ္ကိုပ်ဒေသပၞာန် ဂအုပ်ဗိုလ်ဇၞော် ခေါၚ်လွေန် ဟီုထိုၚ်သးလဝ် အစောံသတ္တိဂံၚ်သ္ကာ သ္ဂံၚ် PDF တအ်ရဂှ်လေဝ် ဟီုလဝ်ရ။
ပေါဲအံၚ်ဇၞးသီဗဒိုပ်ဂှ် AA၊ CNF၊ ABSDF၊ KNA-Burma၊ K-PDF ကေုာံ သ္ဂံၚ် PDF တအ်ပံၚ်တောဲပါလုပ်လဝ်ရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
ဗီု – ဇာနှိက်ပရေၚ်မၞိဟ်
sanlontai