တၞၚ်သဳ၊ နဝ်ဝေမ်ဗာ ၃၀
ရးတၞၚ်သဳ၊ ပွိုၚ်ဍုၚ်တၞၚ်သဳ၊ ဂကောံကွာန်ဗာန်လမွတ်၊ ဗ္ဒါဲကွာန်ကာန်တိုဝ်ဂှ် ပ္ဍဲဂိတုနဝ်ဝေမ်ဗာ ၂၉ အခိၚ်နူဂယး ၜိုတ် ၉ နာဍဳကဝိုက်ဂှ် ဗ္တိုက်ဗ္တိုဟ်လဝ်မာၚ် ကွဳစက်ပၞာန်ၜါဖ္ဍိုက်ဂှ် ဂကောံပကဖ ပွိုၚ်ဍုၚ်တၞၚ်သဳတံ လလောၚ်ပ္တိတ်လဝ်ရ။
ဂကောံပံၚ်ကောံစဵုဒၞါညးဍုၚ်ကွာန်တံ ဂွံပရိုၚ်တုဲ ဒစးဒုၚ်မၚ်ဒၟံၚ် ကွဳစက်ပၞာန် မစှ်ေကၠုၚ် နူကဵုဍုၚ်ဗိက်တံဂှ်တုဲ ဗ္တိုဟ်မာၚ်တုဲ ပန်ပှော်ဗ္တိုက်လဝ် ကုလွဟ်ဇၞော်တံ ဟွံပိုတ်သ္ကုတ်ရ။
ဟိုတ်နူပရေၚ်ဗ္တိုက်ဂှ်တုဲ ပရေၚ်ပန်ပှော်ၜါလ္ပာ် က္တဵုဒှ်လဝ် လလအ်ပွိုၚ် ၃၀ မိနေတ်တုဲ ဇီုကပိုက်တဴ ကောန်ဂကောံဒပ်ကံၚ်ဇြဳပၞာန်တံဂှ် ညးဒုၚ်တာလျိုၚ် လလောၚ်ပရိုၚ် ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ဗိက် မပါလုပ်လဝ် ပ္ဍဲပရေၚ်ဗ္တိုက်ဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
အပ္ဍဲပရေၚ်ဗ္တိုက်ဗ္တိုဟ်မာၚ်ဂှ် လ္ပာ်ကံၚ်ဇြဳပၞာန် ဇီုကပိုက်ချိုတ်လဝ်တံ နွံတုဲ လၟိဟ်ချိုတ်တ်ပၠိုတ်တ်ဂှ် ဆက်ဂၠိုက်ဂၠါဲဒၟံၚ်ဖိုဟ်ရောၚ် သ္ဂးရ။
ကြဴနူကွဳစက်ပၞာန်ၜါဖ္ဍိုက် ဒးဒုၚ်ဗ္တိုဟ်မာၚ်တုဲဂှ် နူကဵုဒပ်ကံၚ်ဇြဳပၞာန်တံ ပန်ပှော်ဒၟံၚ် နကဵုလွဟ်ဇၞော်တံ နွံဒၟံၚ်ကီုလေဝ် ဂကောံပံၚ်ကောံတံ ဇီုကပိုက်ဒးဟွံမွဲ ဆုတ်ကလေၚ်မာန်လဝ်ရ။
ပရေၚ်ပၞာန်ဏံဂှ် ပကဖတၞၚ်သဳ၊ ပကဖ ဗိက်၊ ပကဖ ပဠဝ် ( အရိပ်ပြောက်ကျား) ၊ PDF ခရိုၚ်ဗိက် ဒပ်စြေက် (၁) ကဵု ဒပ်စြေက် (၂) ဂကောံဒပ်ပံၚ်ကောံတံ ပါလုပ်ဗ္တိုက်လဝ်ရ။
ပ္ဍဲကဵုပွိုၚ်ဍုၚ်တၞၚ်သဳ မလလောၚ်တြးလဝ် ပရေၚ်အုပ်ဓုပ်ပၞာန်ဂှ် ဟိုတ်နူပေါဲဗ္တိုက်တံ သာသ္ကာတ်မြဟ်ကၠုၚ်ဂှ်ရ နကဵုညးဍုၚ်ကွာန်တံ သွက်ဂွံမံၚ်စံၚ်အာကၠုၚ် နကဵုသတိပရေၚ်ပၞာန်ဂှ် ဂကောံဇြဟတ်ပၠန်ဂတးတံ ကဵုလဝ်သတိရ။
တုဲကၠုၚ်ပ္ဍဲဂိတုနဝ်ဝေမ်ဗာ ၉ တေံဂှ်လေဝ် ဂကောံဒပ်ပံၚ်ကောံ စဵုဒၞါညးဍုၚ်ကွာန်တံ ဗ္တိုက်လဝ် တမ်ဒပ်ကံၚ်ဇြဳပၞာန် ခမရ (၅၅၆) ဖျေံသ္ဇိုၚ်တၞၚ်သဳဂှ်ရ။
ပရိုၚ်−သြၚ်လောန်တိုၚ်(မ်)
ဗီု−PDF
လိက်ဗီု− အခိၚ်ရေၚ်ကွဳစက်ကံၚ်ဇြဳပၞာန် ဒးဒုၚ်ဗ္တိုက်ဗ္တိုဟ်မာၚ် ပ္ဍဲတၞၚ်သဳ သၞာံတၟိမံက်တုဲကၠုၚ်တေံ။
sanlontai